صاحب القبعه

البارت 10

.
.
.
.
.
.
.
.
.
.
.

(بسم الله الرحمىن الرحيم)

وإني اغَار عليه غيَرة تشَبه جَمالهُ ‏فلا جمالهُ ينتَهي ولا غيرتَي تمَوت ♥.

كاتبتكم روان 🦅 ron_ahmq

************************************
(بسم الله الرحمىن الرحيم)

: تعالي وياي

لتفتت ولكيته هوه اخذ ايدي بأيده وطلعنه. صعدني السياره ورجعنه للبيت واني

كاضه كلبي بأيدي اخذ ايدي باسها وكال

: ماكو شي لتخافين

هزيت راسي ووصلنه للبيت دخلنه وشفتهم كاعدين كلهم وكفو من شافوني وجانت بنيه صغير واكفه

وياهم لتفتت وشفتها هيه اختي حبيبت كلبي شافتني وبجت مكدرت اوكف من صدمتي

كبل وكعت علا رجليه ركضتلي هيه وحضنتني بدون تفكير حضنتها عله كلبي وبجيت اني وهيه

وكلها تبجي. ويانه. حضنتها حيل علا كلبي

روز: ويننجج عنيييي فهمييننننيييي شتااقييتلججج

: انتتييي ويينننن رحتتييي وعفتتيينننيييي رجعتتت ولكييتتتج ماكوووو عباللليي سوالججج شييييي شتاااقيتتتللججج وينجججج عنننيييي

بقت حاضنتني وتبجي. واني هم احله يوم رجعت اختي اليه اجت تقى وامهم كومنه من الارض

ام لهب: كومن حبيباتي اكعدن علقنفه الارض بارده

كومتنه وهيه حاضنتني عبالك حروح عنها واتركها كعدنه علقنفه واني حضنتها وابوس براسها

مشتاقتلها حيل بكد الكون ردت روحي بردتها

ابو لهب: كومن تقى وشاهينه اخذنها خلي ترتاح بغرفه تقى لبين ميسوون الها اكل.

هزينه راسنه وكومتها وكامت وصعدتها لفوك للغرفه مالت تقى. دخلنه للغرفه وهيه حضنتني

تقى: خلص حبيبتي رجعتي لاختج بعد محد يكدر يفرقجن انتن بامانتنه

: شكرا تقاوي من صدك صرتي اخت الي

: شسالفه شاهيناز اني اذا ماصير اخت الج واساعدج منو يساعدج

حضنتها وهيه حضنتني وباست خدي وجعصت خدي

: يمه شنو هذني الخدود

روز: يخايبه جعصتي خدود اختي

: يمه افديج اني مح

ضحكنه عليها. وهيه باست خد روز ودزتلنه بوسه بلهوه وطلعت

: وين رحتي وين اخذوج