الضغن

||الـضغن العشرون||

﷽‏
الـضغن𓍯
بـقلمي:- مـاسه💙.

♡ ֪ ࣪ ─┄─ ♡ ֪ ࣪ ─┄─ ♡ ֪ ࣪ ─┄─ ♡ ֪ ࣪

كعدت الصبح وغسلت وجهي ونزلت كبل للاستقبال فتحت الباب لكيتها نضيفه
باوعت لاسل هيه وميامي يعزلن بالمسواك ركضتلهن

سيدرا::- وينها

ميامي::- اسم الله يمه شبيج؟

سيدرا::- وينها نوف وينها

اسل::- على كيفج شبيج

سيدرا::- لا تخبلوني

ميامي::- يااا سيدرا شجاج البنيه زوجها عنده شغل وطلعوا

كعدت على الكرسي ولزمت صدري اللهث عبالي جنت احلم جابتلي اسل مي وبقت تمسح على ظهري

سيدرا::- ليش ما اجت كعدتني ودعتني؟ هم تريد تعوفني مو؟ هم ماتريدني ماتريد تبقه يمي

ميامي::- لا حبيبتي بس زوجها عنده شغل وطلعوا بسرعه

بقن يهدأن بيه رحت للمغسله غسلت وجهي بمي بارد ومسحت على صدري
خليت شعري ورا اذني ورجعت كعدت بالصاله جانت اسل كاعده تكلب بالمبايل

اسل::- لو اختج شافتج شعرج هيج مفتوح جان لمته يمكن ماتقبل تشوف شعر مفتوح

سيدرا::- ليش وشمدريج

اسل::- مو اليوم الصبح نزلت بدون حجاب حتى اسوي اكل لعيسى جان هيه اجتي وكالت هسه اصعد اكعد سيدرا انوب كالت تعاي الم شعرج ليش هيج مفتوح جان اكو كتر بايدها لابسته اجتي تلم شعري وشافت الوحمه الي ورا اذني شو سكتت وبقت تباوعلي

اسل::- ها حبيبتي

اتلعثمت بكلامها
نوف::- هها لا هيج اني رأيحه ابدل لان زوجي اذا اتأخر على الشغل يعاقبوه

شو هاي ركضت للاستقبال وبسرعه بدلت وطلعت حاجينها ردنه ملينه بس اكلو لكمه ماكو وزوجها متخبل عليها من شافها ساكته
يكول مريضه وتعبانه شويه

سيدرا::- اكلج صدك انتِ شنو تكولين شايفه الرجال؟ وين شايفته

اسل::- لا باوعي

سيدرا::- باوعت شنو

اسل::- الرجال يشبهه شخص شايفته يعني ملامحه تنطي شبهه

سيدرا::- وين شايفته؟

اسل::- هيج شايفته شبيج سيدرا اني رايحه اسبح وارتاح شويه لان عيسى اليوم يتأخر