الضغن

||الـضغن السابع عشر||

﷽‏
الـضغن𓍯
بـقلمي:- مـاسه💙.

♡ ֪ ࣪ ─┄─ ♡ ֪ ࣪ ─┄─ ♡ ֪ ࣪ ─┄─ ♡ ֪ ࣪

حسين::- جددييي شجايي تحجي؟

زياد::- البنيههه اجتتييي واعترفتتتت كالت امير حاصرني ورا البيت

حسين::- سيدرااا اخذي كيان واصعدي

بدون ما اناقشه سحبت كيان وصعدت فوك اسمع بس صياحهم ويمكن حسين كتل أمير

كيان::- خايف

سيدرا::- سولفلي

كيان::- شنو اسولفلج

سيدرا::- عندك هناك احد تلعب ويا؟

كيان::- اي ابن خالو

سيدرا::- انتَ اقوه منه لو هوه

كيان::- لا اني هوه خواف

سيدرا::- شلون

كيان::- باوعي مره رحنه للمزرعه وجان اكو جلب صغير ركض ورا وهوه خاف بس اني اجه يمي وطلع لسانه جان كُله لُــعاب ولعق رجلي

گزگزت على كلامه جريت وجها وبسته بخده
سيدرا::- هاك هذا مبايلي كلب بي اني شويه واجيك

انطيته المبايل ونزلت جوه لكيت حسين نايم على أمير ومشبعه بوكسيات وميامي تحاول توخره
نزلت اركض لان مبين فاقد كبل سحبته من زنده

سيدرا::- الولددد حَ يموتتتت حسينن

نتر بيه
حسين::- وخرييي خلينييي اربييييي

خليت اديه على صدره ودفعته ولا اتأثر رجع عاط
حسين::- ووخخريي منن كداممييي سيددرااا

من صدك ضجت وانقهرت محد مصيح عليه اني يعني شكو هيج يصيح وينتر بيه
رفعت عيني اباوعله خازرته

سيدرا::- لا تـصرخ علـيه

مسح وجهه وحاول يخفي ابتسامته عفته ورجعت كعدت على التخم نزل كيان
كعد يمي وزياد سحل امير حتى يعاقبه راحت ميامي جابت مي لحسين

ميامي::- ردت تموت الولد

حسين::- چـا هيج حاصرله فرخه

ميامي::- هيه قابله يعني ماتعرف تشيل طابوگه وتخليها براسه؟

حسين::- فـور دمي هالخايس

راحت ميامي للحمام وهوه باوعلي درت عيني من يمه اجه كيان حضني وايده صارت بركبتي
اتدغدغت

سيدرا::- لا نونييي وخرر ههههههه

كيان::- خلي ادغدغج

سيدرا::- لا وخررر اغـار ههههه لا نوني وخررر

سحبته لحضني بسته من خده وكام للمطبخ
سيدرا::- وين رايح؟

كيان::- اجيب شي اكله