العاصفه الحمراء

العاصفه_السادسه

#العاصفه_الحمراء

بقلم الكاتبه زهراء علي الاكبر

لا تنسون التصويت والتعليق بين الفقرات لطفاً
ماتبعه للحساب

Curse you all, you criminals

معلومه البارتات راح تكون قصيره

                    ♡ ♡ ♡ ♡ ♡ ♡

:-نارااا

رحتلها ركض اضرب عله وجهه جاي تنزف هواي بس ليش شصاير

سليل:-نارا حاجيني نارا فدوه اروحلج احجي وياي لج بس باوعيلي عمت عيني كون عمت عيني

اضرب بيها اريد اصحيها ماكدر اشيلها ياربي
شوي وتذكرت ميرال

سليل:-م ميرال وين؟ البنات هم الباقيات وينن

حاجتني مريم وهيه تشاهگ من البجي

:-اخذوهن

سليل:-وين وين اخذوهم منو عمو وينن

هزت اكتافها ماتدري وتبجي طفله ياربي هسه اني وين انطي وجهي وين تروح الامانه الامانه ياربي راحت من ايدي الامانه

شلت تليفوني بأيد ترجف دكيت عله عمي راهب

سليل:-وينك وينك تعال للبيت بسرعه نارا جاي تنزف وميرال والبنات نخطفن

راهب:-شجاي تحجين سليلل جاي جاي

سد الاتصال مني زحفت زحوف اخذت العكازه وكمت
امشي واعرج طلعت بره وصرت مثل المخبله ادور
عفت نارا سابحه بدمها

بعدت هواي عن البيت عثرت عله وجهي كمت وكلني طين امشي بصعوبه الوجع زاد بجسمي طلعت الگشره ياريت مطلعت

يابويه وينك اريدك اني بحاجتك يابويه
تعال ليه الامانه راحت من اديه

التليفون اهتز بجيبي وكف گلبي من قريت الاسم بيا عين ارجعلهم ومانتهم راحت من عندي بيا عين ارد
ياربي دخيل اسمك لا تفجعني بيها

رديت وصوتي كله خوف وألم رديت وبعيوني الدمع
مااعرف شگول
عرفتني من صوتي صاير شي لطمت عله وجهه وصوت صياح يمها صار

اية:-سليل كولي غيرها ميرال وين ليش صوتج متغير ليش تحجين كوه ليش احسج مهمومه ليش كلبي يوجعني عليجن احجيلي وينج وين عمج ليش مايرد سليل يمه حاجيني

هيه كالت يمه وزادت لوجع بگلبي صرخت وبجيت ولطمت

سليل:-راحت من ايدي امانتج راحت
جيبولي امي اني بحاجت امي جيبوليها يمااا
مو مال حمل مو مال امانه حطيتو بركبتي امانه شكبرها انكسر ضهري يايمه نكسر ضهري راحت امانتكم من ايدي كسرتو ضهري

ابجي وماحاسه بنفسي شنو جاي احجي وشجاي اخبص بس الي اعرفه اني تعبت واريد امي تاخذني يمها اريد ابقه يمها ويم ابوي ماريد كل هل الحمل عله ضهري

ضليت بلشارع اسبوع كامل لا اكل لا شرب بس ادور عليها شفايف تفطرت من العطش وجهي شاحب جسمي كله يرجف

البليل گاعده بمكان معزول تعبت من گعد مادورت وسألت
گاعده مكسوره صافنه بزماني بنيه بعمري ليش يصير وياها هيج؟

تعبت هواي تعبت ربي دخيل اسمك
غطيت عيوني عله اثر فلاش جاي بعيني

راهب:-سليلل

گمتله ركض اريد احضنه عثرت اجاني حضني باس راسي

سليل:-الامانه راحت من اديه الامانه بيا عين ارد وهم موصيني عله روحهم بيا عيني عمييي

راهب:-لگيتها بويه لگيتها والله لا تخافين هسه هيه بلبيت مابيها شي وحته نارا مابيها شي ولا البنات نارا مامتصوبه بس مضروبه براسها بويه لا تخافين

سليل:-لا تضحك عليه الامانه بخطر هسه گلبي مو مطمأن

راهب:-وداعت عيونج هيه بخير گومي بويه گومي شصاير بيج سوده عليه

اخذني گوه للمستشفى عالجو الجروح الصارت بسبب الوگعات  جابلي مي شربني ورجعني للبيت

اول ماطبيت ستقبلتني نارا فتحت جان راسها ملفوف فتحت حضنها الي رحت شبگتها باستني

نارا:-وين رحتي هاي ميرال جوه بخير ليش طلعتي

سليل:-الامانه مو يمي جانت ترديني ابقه بلبيت شلون يابويه وينها خلي اشوفها روحي جاي توجعني عليها

دخلت للصاله اجتني تركض بوستها حيللل وشميتها

رجليه ترجف ماتحملت گعدت بلكاع لازمه رجليه

دنك عمي شالني خلاني عل قنفه فرج رجليه ونارا راحت تحط الاكل

راهب:-سوده عليه حته هنا ماترتاحين ياحبيبة روحي

اخذ جف رجلي بيده باسه حيل بشوغه سحبتها بسرعه وحجيت

:-شسويت عمي شسويت شلون تبوس رجلي شلون اني لازم ابوسها مو انت عمي

ايدي صارت ترجف بقوه شاله ايدي وباسها

راهب:-شني عبالج انزل من نفسي لو بست، رجلج ولج انتِ تاج عله الراس كون تنحطين ياروحي

.
.
.
.
.
.
.. يتبع