لا تلمس تعبي يداك ماعادت تؤتمن _ للكاتبه خوله 💗🌷

02 :

:(

- طلعت بسرعة واتصلت على الاسعاف ، مسكت يد روح احاول ابعدها عن المكان مابيها تشوف منظر جدتها كذاا لكنها دفتني :وين تبي تاخذني ؟؟ تبي تطلعني من هنا وتبيع البيت مثل ما عمل اخوك الظالم ؟؟؟
-انصدمت منها للمرة المليون البنت بالرغم من سنها الصغير الا انه تفكيرها اكبر واصح انها متعلمة ودارسة هالشي :انتي مين علمك هالكلام .
- شفتها صفنت شوي قبل ما ترد بهمس : الحياااااة .

- ردها ألجمني صراحة هالبنت ابدا مو طبيعية مسكت يدها غصب وركبتها السيارة اهم شي الحين ابعدها عن هذا المكان وبعدها اكيد رح اجلس معها واحاول افهمها دامها تفهم وتقدر تحكي بهذي الطلاقة .
- سقت السيارة بسرعة وهي تصارخ كنت مستغرب منها حتى دمعة وحدة ما نزلتها ، حاولت اكلمها لكنها ما ترسل ولا تستقبل .
وصلت للفيلا و خليتها عند نادية ورجعت اشرف على الموقف بما اني الوحيد اللي اعرف جدتها ، تكفلت بكلشي عن امور الغسل و الدفن بس ما خليتهم يدفنونها قبل ما تشوفها ...
بالاول اكلمها وافهمها الموضوع بطريقتي واخذها تشوف جدتها اخر مررة

________
ببيت محمد ...
جلست على الكنبه وهي متكتفه على اساس زعلانه من عمها اللي جابها هنا وخلى جدتها بالبيت لوحدها اكيد انها خافت عليها . وقفت بسرعه وقت حست بشخص جاااي ، شافت حرمه بنص الثلاثينااات جايه جهتها وتطالع فيها بتفحص .
ناديه بحنيه :اجل انتي القمر اللي جابها محمد صح ؟؟؟ و مسكت خدودها :يمه ما احلاك تجننين على فكره .
كانت تطالع فيها بدون رده فعل .
- ناديه وهي تبتسم برفق: "تعالي يا حبيبتي، أكيد تعبانه . تعالي نجلس شوي ونتكلم."
روح ظلت واقفه بدون أي حركه ، عيونها تراقب كل تفصيل حولها، كأنها تحاول تفهم الوضع وتفكك كل شيء في عقلها الصغير .

ناديه  بحذر : "تعرفين، اللي صار مع جدتك صعب علينا كلنا ، وأكيد عليك انتي أكثر. محمد بس كان يحاول يحميك ويطلعك من المكان لأن ما يبيك تشوفين شيء يضايقك ."
روح بتعبير متردد، وكأنها تحاول تختار كلماتها: "مو متضايقه ، متعوده على كذا."

ناديه صُدمت للحظه ، ما توقعت تسمع رد بهالقوه من بنت بهالعمر. لكنها قررت تتعامل بحنيه أكثر : "أحيانًا، الحياه تعلمنا أشياء صعبه وإحنا صغار، بس دايم فيه ناس يحبوننا ويحاولون يحمونا ."

روح بدأت تتحرك أخيرًا، جلست على طرف الكنبه ، وتكتفت من جديد، لكن هذه المره صوتها كان أهدأ: "ما حد يقدر يحميني من الحياه ، قدري يبيلي الشقى ."

حسّت بثقل الجمله على طفله بعمرها هذي بنفس عمر بنتها ، بدت تحاول تصيغ كلامها بعنايه أكبر: "الحياة صعبه صح ، وأنا فاهمه. بس كمان فيها أشياء حلوه ، وفيه ناس مثل محمد وأي حد غيره يحبك  ، راح يكونون جنبك مهما صار."
روح ما ردت، بس نظرتها كانت واضحه إنها لسه محتاجه وقت تفكر بكل الكلام اللي سمعت.