قام فهد من الصباح يتجهز وراح للحلاق وضبط نفسه ولبس ثوبه وشماغه والساعه والجزمه والعطر والبخور واجواء المعرس مع انها بس مجرد طلبه يا تصيب يا تخيب بس خلاص كانو متفائلين بالله خير وقالو يا رب وراحو مع الاهل طبعاً العمام والجد والعمات والجده ودخلو الحريم بمجلس والرجال بمجلس وقامت قمر طلعت من غرفتها وراحت عند الحريم وهي ما خلت للجمال مكان من كثر جمالها والرقه والأنوثة،
وكانت لابسه فستان لونه احمر وشعرها الطويل مفرود ومكياجها ناعم وإكسواراتها انيقه والبخور والعطر يفوح منها،
نادتها امها وقالت لها سلمي على ام فهد والموجودين ف جت قمر سلمت على ام فهد
وام فهد قامت تمدح فيها وش ذا الجمال والاناقه والعطور الحلوه الفواحه والنعومه والرقه والروقي الي انتي فيه الله يكتب بينك وبين ولدي فهد نصيب وتكونين حلاله مرت ولدي الكبير حبيب قلبي وتصير معزتك من معزته.
استحت قمر وقالت لها :
ان شاء الله يا عمه يصير خير، وجدتها وعماتها والاهل مدحوها وسلمو عليها وانبسطو لها وقامو يتقهوو ويتحلو،
ام قمر نادت على قمر وقالت لها ابوكي دق يقول خلي قمر تقهوي عمها وتيجي للمجلس وتجيب الحلا لانه عندهم القهوه قمر :تمام ماما حاضر وراحت دقت الباب
ابوها :ادخلي يا بنتي.
دخلت قمر المجلس وهي تطالع في الأرض
قالها ابوها :سلمي على عمك وعلى والده فهد،
سلمت قمر على عمها وسلمت على فهد من بعيد وقهوتهم وحلتهم وكانت بتطلع من المجلس مستحيه من فهد قاطع تفكيرها ابوها وقالها اجلسي جمب فهد واحنا بالمجلس الي جمبكم عند عمامك وجدك تعرفو على بعض،
قمر بس يا بابا خلك معنا ابوها لا يا ابوي اجلسو تكلمو شوي وبعدين نجي انا وعمك وطلعو نايف وسعود عند الاهل بل مجلس الثاني،
عند فهد
جلس فهد يناظر قمر وجمالها وبرائتها وكيف طالعه لطيفه
تكلمو وتعرفو على بعض اكثر وعرفت قمر ان فهد اكبر منها بكثيررر بس هي ارتاحت له ولكلامه ولجلسته كان فيه حكمه ورزه وثقل واناقه وإبتسامته تسحر.
واصلا هو كان رافض فكره الزواج بس غير رأيه يوم شاف القمر بنت العم الجمالها وشخصيتها طغى على كل البنات الي مرو على فهد وصار ما يشوف غيرها وتمت الشوفه على خير وطلعت قمر عند الحريم ودخلو ابوها وابو فهد،
وقام فهد قال: تراني وافقت خلاص واستخرت من اول ما شفت بنتك يا عم وباقي رد قمر خلها تستخير وتردلي خبر.
سعود :خلاص يا ولدي ما عليك خير ان شاء الله.
ورجع كل احد لبيته.
وجلست قمر مع امها وابوها وقالتلهم انها خلااااص موافقه على فهد.
وابوها انبسط واَنا بعد انبسطت وحظنتها هي وابوها وثاني يوم دق نايف على سعود على شان يسأله عن حاله وعن الموافقه لانه فهد على اعصابه بس مو قايل شي بس واضح على وجهه انه متوتر مرررره المهم سأله عن احواله واحوال عائلته واطمنو على بعض وبعدها سأل نايف سعود ياا اخوي إن شاء الله البنت استخارت قال سعود :إي والله إستخارت وارتاحت و وافقت وعسى ربي يتمم لهم على خير .
نايف:إي إي خير خير إن شاء الله يارب يتمم على خير الحين خلني اروح افرحهم في البيت وبعدها اقول للمتوتر فهد.
سعود :هههههههه إي خلاص يا اخوي شوف وإن شاءالله. نايف:اشوفك على خير ان شاء الله مع السلامة سلم على عروستنا الحلوه.
سعود:يوصل ما عليك مع السلامه.
نايف :مع السلامه.
يتبع......
