ارض السحر.... ♡
««part 1»»
بدأت حكايتنا في حي راقي وسط القصور والأغنياء، كانت تقف وهي شاردة أمامها، قاطعت شرودها "سعاد" خدامة العائلة منذ زمن بعيد وهي التي قامت بتربيتها والاعتناء بها منذ ولادتها.
سعاد:
_ياهانم ياهانم
التفتت إليها "ميرنا" بضيق
ميرنا:
_وبعدين فيكِ يا "سعاد" كام مرة أقولك متقوليش هانم دي بتخنقني، هو أنا مش بنتك ولا إيه؟
سعاد:
_حقك عليا ياست الكل بس مقدرش دي كانت الهانم قطعت لساني قبل ما ينطق!
ميرنا بضيق:
_ ماما، ملكيش دعوة بيها أنا هبقي أتفاهم معاها.
سعاد باستعجال:
_مش مهم دلوقتي الست الكبيرة تعبانه أوي وعايزاكي.
نظرت لها "ميرنا" بهلع.
ميرنا:
_ نهارك اسوح يا "سعاد"وواقفة تلكي معايا مقولتليش ليه على طول!
جريت "ميرنا" قبل أن تقول "سعاد" شيئًا لغرفة جدتها المريضة ودخلت دون استئذان.
فتحي «والدها» بعصبية:
_ محدش علمك تدقي الباب قبل ما تدخلي؟
إيه مربي بهيمة مبتفهمش!
قالت ميرنا بخوف:
_ "سعاد" قالتلي إن زوزو تعبانة فجريت اتطمن عليها و مركزتش والله من الخوف عليها.
فتحي:
_دي مش حجة عشان تبرري انك متخ.....
قاطعته صوت "زينة" المريضة وهي تمسك يده:
_سيبها يابني هي كانت خايفة عليا و مش قصدها، مأجرمتش يعني!
تعالي يا حبيبتي.
ذهبت إليها "ميرنا" سريعًا وجلست علي الكرسي بجانب السرير وقبَّلت يديها.
فتحي:
_أخدتي دواكي النهارده؟
ميرنا بخوف:
_مالك بس يا زوزو ما أنتِ كنتِ كويسة امبارح!
زينة:
_أنا كويسة يا حبيبتي، حسيت بشوية صداع بس مش أكتر، وآه أخدته من شوية.
ميرنا بعدم اقتناع:
_ ووشك الشاحب دا؟!
أنتِ فاكراني هصدق اللي بتقوليه دا!
ودوا إيه اللي أخدتيه؟
زينة:
_ دي شوية ڤيتامينات بس.
ميرنا:
_ ڤيتامينات إيه؟!
لا أنتِ المفروض تروحي المستشفى!
زينة:
_ملهاش لازمه أنا كويسة.
ميرنا:
_ لا مش كويسة.
فتحي:
_قصدك إن أمي كدابه يعني؟! أنتِ إيه محدش رباكي خالص!
ميرنا بضيق:
_ اللي المفروض يربوني مكنش عندهم وقت وسابوني للخدم يربوني،وتربية الخدم أحسن مليون مرة من تربية الأهل! وأنا متربية ميت مرة كمان.
أنت تقرأ
أرض السحر
Fantasyماذا سيحدث ان قام كتاب مسحور بنقلك لعالم اخر....... عالم ملئ بالجمال و السحر... و ملئ ايضا بالخبث و النفاق... عالم يكشف كل اسرار الماضي.... ويعطي للحياء القادمه معنا بشكل مختلف... و اشخاص مختلفين... اشخاص من دمك لم تكن تعرف انهم موجودين من الاساس...
