الكاتبة : يويو
رواية أنفَاسُ أللَياليِ
ضوه بعيني
صداع
ضجة بالبيت
وشخص ينادي بأسمي
نَفس نفَس نَفس
الحد ما صار صوت واضح صوت ريتان ،
ريتان : نَفس يله اكعدي سوينه غده وراح ناكل وبيت بيبي اجو
جنت متعاجزة اكوم لكن من سمعت اكل بيها كمزت
ريتان : اسم الله شبيج هيج كمزتي
نَفس : جوعانة ونعسانة
ريتان : يلا بسرعة كومي سلمي وكعدي اكلي
هزيت الها راسي يعني تمام وكمت غسلت وبدلت ورتبت
نفسي وخليت شوي مكياج ونزلت
نَفس : سلام عليكم
انصار : وعليكم السلام الحمد لله على السلامة شلـونج عمة شخبارج شوكت وصلتي البارحة شو مندري غير تكولين تحجين تره منحسد
نَفس : الله يسلمج عمتو انتِ شلـونج
محبيت ارد على الباقي وتجاهلته من يمي
انصار : زينة الحمد لله
هاي عمتي انصار متزوجة وعندها ثنين ولد مزوجين عزيز وعلاء وثلاث بنات الاولى مطلقة والثانية ارملة والثالثة هم مطلقة برار وحور وجنات وعندها احفاد بس هيه ممقتنعة وتحاول تصغر عمرها
سارة : هلو عمة الحمد لله على السلامة
نَفس : الله يسلمج حبيبتي
وهاي عمتي سارة عندها ثلاث ولد علي ومسلم وساجد
وعندي بعد عمامي ثلاثة حاسم ومنتظر وكرار
وبعد فقرة السلام المشبعة بالبسامير من بيبيتي
كعدت اكل
....................
طريق بغداد
هدوء
وسيارة باردة
حسيت نعست وبعد ما اسيطر
ليل ليل ليل انتبههه صوت قوي وفزيت ويا
ليل : دست بريك بسرعة وطبكت
حجي سليمان : شبيك ليل عود صدك ردت تكتلنا
ليل : مادري نعست ومسيطرة على نفسي
ازهار : شبيك يمة يبعد امك ارتاح شويه خاف دخت
ليل : ـلا هاي هيه وصلنه مبقه شي
حجي سليمان : على كيفك لتضغط نفسك مطايرين
..................................
كعدت اكل وبيبي تباوع عليه
ام مرتجى : شني هاي عوده معصعه شبيج متاكلين
نَفس : بيبي هيج شكلي حلو واني هذي طبيعتي مكدر اكل هواي
جنت هواي اسمع هيج حجي لأن اكثر بنات عائلتنا تارسات او سمان لكن اني ضعيفه شكلي عامةً مرتب حلو وكلش أنثوي
خلصنه اكل وكعدنه مسوين عصرونيه بهل اثناء اندك الباب بابا شاف الكامرات سيارة بيها حجيه ورجال جبير
حجي بالباب هوه وشاب يدك بالباب طلع علي الدر يشوف شـטּـو يردون
علي الدر : سلام عليكم اتفضل منو
ليل : وعليكم السلام سيد مرتجى موجود
علي الدر : اي موجود
ليل :اي ممكن تصيحة النه
دخل علي وصاح البابا وطلعوا هوه ويا بابا دخلهم بالدوانية واحنه نباوع من الكامرات شكله تغير وضاج وره مده طلعو هذول الناس وبابا دخل صاير عصبي
ميسون : منو هذول شيردون
مرتجى : ـلا هيج غلطانين بالعنوان
انتصار : جا مو علاوي كال يردونك
مرتجى : مو اني على بيت ابو علي الي ورانا
ام مرتجى : شلون ناس غير تتأكد
مر الوقت طبيعي الحد ما اجو بيت عمو منتظر الجبير
مرته شوي عدها سموم وانانية بس احب فاتي بنت عمي واكبر مني بسنة بس هيه نعومة ومبينة اصغر مني كلش مقربات من بعض اني وياها
فاتي : ولج شلونن حقيرة ادبسز مشتاقتلج بعد روحي
نَفس : حتى اني خايسة متسئلين متكولين
فاتي : والله ملتهيه المدرسة والطلاب شالعين گلبي
هيه مدرسة انكليزي بمدرسة اهلية صار الها سنة من توظفة
نَفس: الله يساعدج بس شـטּـو هاي صايرة تجننين
فاتي : كلها تكول هيج لان ضعفانة مو
نَفس : اي يلوكلج هيج صايرة جنج عارضة ازياء
فاتي : اوي شكـراً خجلتيني
ضلينه نسولف شوي وكالت رايحه للحمام تأدي نداء الطبيعة ، شوي ورن تلفونها جان حرف ❤️ A تفاجأت
لان هيه كلشي تكولي اجت وشافت الجهاز بيدي
فاتي : ها نونو منو يتصل
نَفس : مادري حرف A يمكن الحب
واحنه نحجي فات علينه اخوي علي الدر
ولكل قُصة تكملة 💋 . . .
YOU ARE READING
أنفاسُ أللَياليِ
Mystery / Thrillerفتاة ـلا تعرف معنى القدر لتكتشف حياة جديده مصير جديد وجهُ تختلف عن التي تعرفها هل تستمر ام يغلبها القدر ؟
