أنفاسُ أللَياليِ

عنوان الجزء

بارت 3

"لحضة حقيقه "

                      { ﷽ }
الكاتبة : يويو
الرواية أنفاسُ أللَياليِ

لليل ...
رجعنه من ميسان الى بغداد مع بعض من بصيص الامل ، واحنى دندخل للبيت سمعت الحجي الحجي تنهد ويكول
حجي سليمان : هانة ما بقى شي ان شاء الله

ازهار : يوم التجي واشم ريحتها نذر عليه اذبح واوزع للفقراء
ضحكت ورديت عليهم 
ليل : ايباه شو اني من اجيت مسويتي هيج او هاي الاميره ديانا ومندري
ازهار : ولك تروح فـدوه الها بس خل تصير صدك

نَفس .......

نَفس : ها علاوي اكو شي
اجه واخذ الجهاز من ايدي صار وجهي اصفرر وخفت من كال
علي الدر : فاتي تعالي وراي
نَفس : علاوي فاهم غلط اوكف افهمك

تحركت فاتي ابتسمت وراحت ورا لان هو اصلاً موكف
ضليت انتظر واني خايفه اجتي فاتي مبتسمه ووجه احمر
فاتي :ها نونو خفتي

نَفس : ولج هاا شـטּـو شبيج مبتسمه ومنو هذا الي اتصل
فاتي : معجب ويريد جواب احبه لو ـلا
نَفس : منو
فاتي : احم نَفس اخوج يحبني واجه اعترف الي وكال اريد جواب  واني هم  احبه بس جنت اكابر ومارديت
انصدمت لان علي الدر دائماً ساكت وهادء ومن تجي فاتي

ميطلع ابد  ، ضلينه فتره نسولف ويمتى يجي يخطبها وبعدها راحو ، وره ما طلعو صاحني بابا للغرفة
مرتجى : نَفس تعاي وراي للغرفه شوي
رحت ورا وجان محد بالغرفه غيري انا ويا
مرتجى : تعاي حبيبتي يمي

رحت نمت على رجله وهوه يلعب بشعري
مرتجى : نَفس تعرفين شكد اني احبج وامج هم
نَفس : اي بس ليش تسئل بابا
مرتجى : نَفس تعرفين منو ذول الي اجو اليوم
نَفس : ـلا شي اكيد منو ذول

تنهد بصعوبه وكال شي صدمني وقلب حـياتي كلها
مرتجى : ميسون مو امج
كمت مصدومه من الي  سمعته
نَفس : شـטּـو مو امي يعني اني مو بنتكم
بدت دموعي  تاخذ مجراها

مرتجى : انتِ بنتي اني بس جنت متزوج قبل ميسون وحده اسمها ياقوت وانتِ بنتها وذول اهلها اجو يطالبون بيج
نَفس : شلون محد سئل منين جبتني وماما شلون تقبلت الامر ومن رحت خطبة محد راح وياك وذول الناس شلون
مجانو يعرفون بيه شلون محد سئل من جابتني فجأة

مرتجى : جنت اشتغل بغداد عماله وشفتها ملاك مو انسان نَفس انتِ تنطيها شبه بس هيه جميله الى حد مستحيل عيون زرك وشعر بني مجعد وطول ضحكتها

جانت بالنسبه الي شي مدمر جنت اتعجب على هيج إله يكدر يخلق هيج حسن وجمال ملامح بريئه جانت تطلع تروح البيت جيرانها عندهم بنيه بعمرها جانت وحيده بين اثنين ولد اصغر منها حبيتها حب جنوني

اخذت بيبيتج تخطبها الي وكالت الهم اني يتيم الاب ووحيد محد الي بس اني بعد ما شافتني شلون مدمر  واحبها رحنه خطبناها
مرتجى .....

مرتجى : يمه تعرفين اني شكد احبها اقنعي ابويه يمه والله احبها
ام مرتجى : اني مالي دخل جا شبيدي وبعدين ميسون شبيها حليوه وبت اصل وفصل وابوها شيخ عشيره

مرتجى : يمه الحب مو بالغصب

نَفس ..

مرتجى : رحنه خطبناها دون علم ابوي واهلها وافقو جانو ناس فقره وطيبين اجرت بيت بغداد كعدنه بي اني وامج واروح وارجع الها
لكن بيوم اجاني خير دمر حـياتي وقلبها يوم اجه اخوي وكال

حاسم : ها خويه شــلونك اجيت ابشرك ابوي راح خطبلك ميسون بت حجي خزعل
جانت يمي امج وسمعت كلشي بهل فتره انهارت وعرفنه هيه حامل
مرتجى ......
بويه شـטּـو تخطبني دون علمي شـטּـو اني صغير بعدين منو كال اني اريد ميسون
ابو مرتجى : وشبيها ميسون هسه صارت متعجب بنيه اخلاق وأداب ودره مال الله شني شتريد بعد

مرتجى : بويه مو هيج بس اني ماريد
ابو مرتجى : رحت وخطبة وصارت ومن تتزوجها تحبها وتعرفها اكثر
وكتها طلعت من البيت ضايج والدنيه احسها تخنك
فصل صفنتي رن تلفون الصرصور
مرتجى : الو ها عمي سلام عليكم اي بالعمارة شكو
حجي سليمان : كال الدكتور ياقوت . . .

ولكل قُصة تكملة 🫶🏻