وصل لمكان مهجور نزل يبي يفتح بس اوقفه صوت رصاص وصراخ راح ركض لهم وانصدم من اللي شافه انتبه ان لحن مربطه وهم يخوفونها بسلاح بس اسرع من اول م اطلق الرجال طلقه وجت في بطنه هجو كلهم ولحن اللي اخذت الجوال تتصل على الاسعاف قربت منه تهزه الحين هو قدامها بدمه تقدمت برجفه تمد يدها لنبض بكت من سمعت دقات قليله فقط اجو الاسعاف وودوه المستشفى ولحن دقت عليهم وجو كلهم ينتظرون في المستشفى ولحن اللي منهاره وتحط اللوم عليها
عند مشاعل بالملحق قاعده تكلم ومبسوطه
يوه ي بنت م تعرفيني انا اللي جبتهم يخطفونها واعطيتهم فلوس قلت لك لادمرهم والحين زوجها بالعمليات م ندري يصحى ولا بس م شفتيها منهاره كانه ابوها وتحط اللوم على نفسها
:انتبهي لايشكون فيك روحي المستشفى وسوي نفسك حزينه
مشاعل ضحكت بخبث:افا عليك يلا
سكرت وراحت متوجهه للمستشفى راحت ل ابوها تحاول تواسيه وهي تفكر بفكره خبيثه
رغد بخبث:الحين هو م صحى يعني قعدتكم على الفاضي روحوا والمستشفى يتصلوا علينا
هزووا رووسهم بموافقه بس بحن اللي رفضت تروح وبقت تنتظر جتها مشاعل قبل م تروح وبهمس بخبث:اعرفي ان انتي السبب بموته
راحت وهي تضحك بخبث من فكرتها الجايه
رجفت لحن بخوف بس بعد م طلع الدكتور قامت
الدكتور ابتسم:لا الحمد لله جت سطحيه يعني نقول الحمدلله على سلامته
ابتسمت لحن:عادي ادخل
هز راسه الدكتور بالموافقه ودخلت شافته نايم وبطنه ملفوف عليها شاش
باست راسه وبكت بضعف وقالت
" صديت عشانه وانا خاطري فيه
واقفيت عنه وانا دمعتي وسط عيني
وهو يحسب اني بيوم صديت
مايدري انه ساكن القلب فيني"
قعدت على الكنبه تتصل عليهم تخبرهم
ضحك زيدان:لحن اتصلت قالت صحى الحمد لله
كلهم راحوا يجهزون كل شي ل عبدالعزيز ومشاعل تخطط بخطه جديده وهذي اللي م نجحت
مشاعل بقهر:صحى وش اسوي
:سوي اللي بقوله لك واعرفي م راح يصحى وموته بيوصلكم وانتوا في اماكنكم
مشاعل ابتسمت:قولي ....تم
عند لحن اللي قامت من النوم وشافته صاحي وامه وابوه عنده قامت متوجهه للحمام دخلت غسلت وجهها وتوضت وصلت وراحت تجلس على الكنب
الهنوف بحنيه:ي بنتي تعالي كلي م اكلتي شي والحين الساعه ٩ الليل
لحن قامت بدون م تعاند اكلت لقمتين وقامت راحت ل الكوفي اللي تحت تتمشى وتشم هوى
عند مشاعل اللي راحت ل صديقتها منى
مشاعل:ي بنت وش اسوي
منى بتفكير:الحين هو م راح يطلع اكيد
هزت راسها مشاعل:ايه مو طالع اكيد
منى ضحكت بخبث:ي بنت سهله مين معه
مشاعل بملل:لحن
منى بجديه:لحن يقدرون عليها الرجال صح
ضحكت مشاعل بخبث من عرفت تفكير منى قامت تودعها وراحت ل البيت عشان م يشكون انها اختفت
زيدان ببتسامه:اذا طلع عبدالعزيز بسلامه بسوي عشاء عشان سلامته
خالد:ان شاء الله
مشاعل جت وبخبث:وين العنود
عبدالله بعقده حواجب:وينها اكيد بالغرفه
مشاعل جلست وضحكتوهي على الجوال تدرون من تكلم
عبدالله صرخ بغضب:مشاعل باقي اسبوع على رمضان م ودك تتوبي
مشاعل قامت وبعصبيه:وشفيني والله شوف بنتك وتعال اهرج
دخلت العنود وهي مبتسمه:السلام عليكم
الكل وعليكم السلام
مشاعل بخبث:وشفيك مبتسمه
العنود جلست جمب عذاري:وش عادي
مشاعل:منو تكلمي تو
العنود ضحكت بستغراب:مين بيكون لحن
مشاعل برفعه حاجب وبخبث:ولحن تخلي الابتسامه شاقه الوجهه للحين
استغفر عبدالله وصد
زيدان بصراخ:مشاعل تقلعي على غرفتك
راحت تمشي وهي مبتسمه عارفه بيسالوها
صقر بهدوء:من تكلمي
العنود رفعت حاجبها:نعم مو كل شي تبي تعرفه
عبدالله:صقر ذي بنتي تربيتي تشك بتربيه عمك
صقر زفر:م شكيت بس بشوف من تكلم
العنود قامت وبعصبيه:من انت عشان تحاسبني
صقر قام وبعصبيه:خطيبك
العنود بغضب:خطيب م صرت زوج اتوقع
فاديه بغضب:انطموا وش هالكلام العنود اعطيه الجوال
العنود رفعت حاجبها:ليش
فاديه بعصبيه:قلت اعطيه
ناضرت ابوها اللي يهز راسه هزت راسها وهي الدموع بمحاجر عيونها اخذت جوالها وفتحته وعطته اياه وراحت للغرفه تبكي بقهر هو تدخل فيها ويصرخ عليها قبل العرس وقت العرس وش بيصير
صقر فتش الجوال م لقى شي اعطاه عبدالله وروح للخارج يفرفر بالشوارع
عذاري اللي جت وهي بيدها الجوال وبحزن:العنود حبيبي والله م كان يقصد زعلان على اخوي
العنود:اذا هو زعلان ماني عنده يجي يطلع حرته فيني
عذاري تقدمت لعندها :يلا خلنا نطلع حنا والبنات
قامت غيرت لبسها وراحت لهم جلسوا في الجلسه
وهج:م كان ناقص الجلسه الا لحن
عذاري بحزن:اي والله
جود جت وهي فيها النوم:سلام
البنات:هلا وين كنتي
جود جت جلست:كنت نايمه ورحت جلست عندهم شوي وسوالفهم بيض
ضحكت العنود:اي والله المهم من عندها فعاليه
عذاري انسدحت على رجل العنود:م في شي والله
جود تربعت وبخوف:بقول لكم شي بس لا تعصبوا
عذاري عدلت جلستها:اسلمي وش فيه
جود بلعت ريقها من نضراتهم:واحد يهددني بصوري
وسعت عيونها العنود:من متى
جود ببرود:من اسبوع
مسكت راسها العنود بصدمه من برودها:ي بنت وش ذا البرود لازم نسوي حل
جود انسدحت:وش اسوي طيب انتظركم تعطوني حل
وهج:م في حل الا اذا جت لحن نتفاهم
هزووا روووسهم بتفهم
المستشفى روحوا اهل عبدالعزيز وبقت لحن
عبدالعزيز ضحك:فاقدتني اعرف
لحن بستفزاز:لا م فقدتك بس جيت عشان م يتكلمون علي
كشر عبدالعزيز في وجهها وهي اللي حابسه الضحكه
عبدالعزيز طفش:بطلع طلعيني
لحن بنفي:لا مافي
عبدالعزيز:بس اشم هواء
هزت راسها وطلعت وناضرت الليل والقمر ابتسمت
جذبها قصيدته
عبدالعزيز تنحنح
"عيونك مثل الغيم تروي وطن ."
ناضرته لحن ببتسامه كيف يناضرها شتت نضراتها وقالت:نروح للبحر
هز راسه وساندته تروح معه وصلوا وجلسوا على الكراسي
عبدالعزيز بضحكه:تذكري يوم ابوي يجلدني عشان اخذ العابك
ضحكت لحن من تذكرت ذكرياتهم:كان يحبني يضربك يوميا
عبدالعزيز كشر:كنت اغلى مني عنده
لحن ضحكت وبغرور:من م يحبني
عبدالعزيز ضحك:اي والله صادقه
بلعت ريقها بتوتر من اعترافه المفاجاه:عبدالعزيز
عبدالعزيز ناضرها:هلا
لحن بدموع:اوعدني م تتركني
ناضرها عبدالعزيز:وقال وعد رجال
هزت راسها لحن:يلا نروح ل الغرفه تتعب الان
قام عبدالعزيز معها وصلوا ونزلوا في الغرفه راحت للكنبه تنسدح وهو انسدح على السرير
البيت الكل نايم والعنود اللي نامت بعد م جابت لها عذاري الجوال وتكلمت معها بفهم
مشاعل اللي دقت على الرجال يروح بهدوء واخذ الابره وراح للمستشفى بهدوء وبدون صوت
المستشفى نام بعد تفكير ولحن اللي م جاها نوم وراحت للحمام دخلت مشاعل بهدوء م شافت لحن حمدت ربها وراحت ل عبدالعزيز وحط الابهر في متنه يبي يطلع الا تطلع بوجهه لحن والدموع بعيونها راحت تلحقه وهو اللي يركض رجعت لعبدالعزيز تحاول تصحيه م في فايده راحت قالت للدكتور راح له وبدوا الكل الدكاتره يجتمعون وطلعو لحن وهي متوتره وتبكي نامت على الكرسي
الصباح الساعه ٨ صحت وشافتهم جايين تذكرت ليله امس وبكت راحوا لها كلهم
لحن بدموع وبرجفه:عز مو بخير احد جاء البارح وحط له ابره والدكاتره م طلعوا
رجف قلوب الكل من الصاعقه
لا مشاعل اللي مبتسمه بخبث بس مبينت وراحت تهديهم بدون م يشكون فيها
طلع الدكتور منزل راسه:عظم الله اجركم
صرخت لحن باعلى صوت والكل بدا يبكي
لحن ببكاء:الحين استفز مين واتهاوش مع مين
عذاري اللي تبكي وتحاول تهديها
لحن بدموع
" جيتك وانا فارد يديني بضمك
واقفيت من عندك يديني بمخباي"
بكت عذاري ان فقدت احن اخو والهنوف اللي داخت عليهم واعطوها مغذي وخالد اللي منزل راسه يبكي
الكل منهار م عاد مشاعل اللي راحت في الحمام تكلم منى بخبث طلعت من الحمام وراحت لهم
بعد ساعه من الانهيار
لحن اللي طلعت ل البحر وقالت بغصه واضحه بصوتها
"ابكي وداعك ولا ودي تشوف الدموع
يالي وداعك على اصعب من ايه وداع
الله اكتب تنتهي العشره وتطفي الشموع
مات الامل في رمال اليأس والحلم ضاع
خلاص ماعاد في قلب المقفي رجوع
من يوم جرحك سطا به ساقها للضياع
روح بفالك ترى م ارضى عليك الخضوع
ارحل شجاع مثل م جيت صوبي شجاع
وان مر طيفي على بالك بليله ربوع
اسال غرورك وش الدنيا بليا متاع
وانا بحافظ على جرحك مابين الضلوع
واليا ذكرتك تنحرت الفجوج الوساع
ودعتك الله ولا ودي تجف الدموع
ياللي وداعك مابعده في حياتي وداع"
بكت بضعف نزلت راسها تبكي وراحت ل الممرات تشوفهم كلهم جالسين ونفس الحال
طلع الدكتور وهو مبتسم:فيه نبض يمكن حي
فزوا كلهم يدعون وينتظرون الدكاتره تطلع تبشرهم
مشاعل طلعت ل منى في البيت
دقت الباب وفتحت لها وهي فيها بنوم
منى:هاه
مشاعل دفتها ودخلت الغرفه:ي بنت وش فيك اصحي
منى بنوم:وش
مشاعل:يقول يمكن يصحى
منى فزت:احلفي يعني طار التعب
ضربتها مشاعل على يدها بتوتر:بنت مو هذا الموضوع
منى عدلت جلستها:وشو طيب
مشاعل بخوف:دق علي الرجال وقال لو م جبتوا الفلوس كامله بيروح لهم ويعلمهم كل شي حتى وفاه زوجي مسكت راسها منى بخوف من المصيبه اللي حلت عليهم
' فلاش باك '
طلع معصب من مشاعل وعروق وجهه باينه من الكلام اللي سمعه:م عليك بدمرهم بس اصبري شو علي"
مشاعل اللي راحت ودبرت واحد يصدمه بشاحنه
وتوفى هذام بحادث مدبر من زوجته
'الواقع'
منى:م في الا شي واحد
مشاعل فزت:وشو
منى:تسرقي ذهب امك
مشاعل فزت بخوف:واذا مسكوني
منى رفعت حاجبها:وين مشاعل بنت زيدان
مشاعل بخوف وبثقه:م عليك علي الحين م في احد بالبيت بروح وانتي معاي
هزت راسها منى تروح تجيب عبايتها وتلبسها
وصلوا ونزلوا في البيت وراحوا الغرفه
فتحوا الباب الغرفه وجلسوا يحاولون يفتحون الخزنه
منى بتعب:حطي رقم .... يمكن صح
حطت مشاعل وفزت بفرح:صح بسرعه جيبي كيس
جابت منى كيس وبدوا يحطون مل شي وقفلوها وطلعوا وطلع بوجههم احمد اللي جاي من الشغل ورايح ل المستشفى
احمد بعقده حواجب:من ذي ي مشاعل
مشاعل بتوتر:صديقتي عزمتها عشان تساعدني
احمد هز راسه بشك:اي خلاص طلع لغرفته وبدل وراح ل المستشفى نزل وانتبه لمشاعل صد و راح لهم ينتظرون الدكتور
طلع الدكتور بياس:كان مقدر ننقذه بس النبض قليل و
فزت لحن برجفه:وش تكلم
الدكتور نزل راسه:م قدرنا ننقذه ووقف النبض عنده
لحن اللي انفجرت تبكي وتضربه على صدره:كذاب عبدالعزيز عايش قال م يتركني
مسكها سلمان يحضنها وهي اللي انفجرت تبكي
.......
استغفر الله العظيم واتوب اليه ⭐️
