انصدم من شاف شخص حاضن لحن وهي تبكي م فسر الا شي واحد تخونه
عند الشخص هذا اللي يتذكر كلام مشاعل"اذا شفت زوجها اهرب وقول اي شي يثبت لعبدالعزيز انها تخونه"
هرب الشخص:ي حبيبتي نتلاقا ان شاء الله
هرب بسرعه وعبدالعزيز اللي م قدر يخطي خطوه وحده من كلامه اثبت له الشي انه تخونه انتبه انها تبكي وتصارخ وتقول له اسمعني بس صد يركب السياره ويروح بعيد عن العالم نزل عند البحر وانهمرت دموعه زوجته اللي يحبها تطلع تخونه غمض عيونه يحاول يسيطر على دموعه بس م قدر وانهار يبكي
الكل جاء من سمعوا الصراخ وانصدموا من لحن اللي تبكي
عروب بخوف:ي بنتي شفيك
لحن ببكاء:ي يمه ق م كملت كلمتها وغمى عليها
انتبهت عذاري للابتسامه مشاعل بس م تبي تظلمها ف راحت تركض تركب معاهم
عند عبدالعزيز اللي جواله امتلى اتصالات رد على عذاري
عذاري بحده:وينك
عبدالعزيز بغصه:وش تبين
عذاري من عرفت ان الموضوع كبير:ولد وش فيه صوتك
عبدالعزيز:عذاري وش تبين
عذاري بخوف:لح م كملت كلمتها الا يقفل بوجهها
عذاري بعقده حواجب:وش فيه هذا
راحت متوجهه لهم
عروب بخوف:ليش م طلعوا
عذاري وهي تهديها:ي عمه اهدي اكيد الفحوصات تطول
الدكتور طلع:وين اهلها
عروب:حنا بنتي وش فيها
الدكتور:مو متغضيه زين وكمان انهيارتها كثير بس الحمدلله تقدرون تطلعون
هزت راسها عروب تدخل تحضن لحن اللي تبكي وتتكلم بكلام مو مفهوم
عروب:ي بنتي وش فيك
لحن هزت راسها بنفي:بطلع
راحوا يطلعون ويركبون مع سعود اللي يدق على عبدالعزيز م يرد
لحن بخوف:سعود عزوز كلمك
سعود بتوتر:لا م كلمني وادق م يرد
عذاري:رد علي خلاص ارتاحي
وصلوا ونزلوا للبيت
عند لحن اللي راحت للغرفه وتسكر الباب وتبكي بقوه راحت وارسلت له في الواتس تتمنى انه يشوف رسالتها
"صدقت فيني وما اعطيتني مجال لتبرير
بس ابيك تعرف مو بنت سلمان اللي تخونك"
راحت تنسدح على السرير وتبكي نامت بعد موجه بكاء
الصباح الكل صحى يجهز للعرس ومشغول وعبدالعزيز اللي لسى ماله خبر
صحت تعبانه وانتبهت ان الساعه ١٠ قامت بسرعه تشوف رسالتها وانتبهت انه مو شايفها
بكت بضعف انها بتفقده
راحت للبنات وعيونها حمر وواضح م نامت زين
زيدان:وشفيك ي بنتي
لحن بتعب:م فيني شي
زيدان:دق عليك عزوز م بيرد علينا
لحن تنهدت:لا
نياف بطقطقه:اكيد يجهز لي مفاجاه
العنود:من فايق يسوي لك
فاديه بعصبيه:اسكتوا ويلا جهزوا كل شي بنروح للصالون
هزووا روووسهم البنات وطلعوا يجهزون كل شي راحوا يركبون ولحن اللي انتبهت لسياره عبدالعزيز اللي وقفت ونزل منها انتبهت لشكله المبهذل وعيونه الحمر صدت م تبي تبكي
حركوا متوجهين للمدينه يتجهزون بعد وقت نزلوا لصالون واللي بالفندق واللي بالقاعه يجهزونها
عند عبدالعزيز اللي اخذ ثوبه وشماغه وسيفه وطلع متوجهه للمدينه تحديدا القاعه
الساعه ٦ الكل جاهز وراحوا للقاعه قبل وصول الناس
بشرح لكم فقط شكل عروستنا
وهج
لبسها ابيض علاقي ومنفوش من تحت والشال اللي على راسها طويل وكعب ابيض
بدوا الناس يجون والكل يستقبلهم طلعت برا تشم هواء من الكتمه اللي تحسها
انتبهت لكرسي برا جلست عليه
يبي يدخل الا ينتبه للبنت اللي جالسه على الكرسي وشعرها الطويل
عرفها من شعرها صد يدخل للقاعه الرجال يستقبل الضيوف
عند البنات اللي جالسات واللي عند العروسه
وهج بتوتر:ياخذني بدون زفه تكفين
جود وسعت عيونها:هو طالب زفه
وهج بتوتر:ي بنت مغص
ضحكت جود:م عليك بس نبي بنوته
ضربتها وهج بخجل:انكتمي
جود:سمي
عند الزفه اللي الكل منتظر يدخلون دخلوا اخوانها وابوها وجدها والمعرس
وقفوا ينتظروها تدخل
دخلت من اول م بدات الزفه تمشي بهدوء وتوتر
مع زفتها اللي اختارتها
"كل مقام له مقال
وفيك يابنت الأصول"
تقدمت تمشي مع زفتها تقدم عندها ابوها يحب راسها واخوانها يسلمون عليها ويحضنونها
احمد:هذي بنتي ووحيدتي امانه عندك ي نياف
نياف ضحك:بالحفظ والصون
سعود اللي تقدم يشغل اغنيه ويرقص يهز اكتافه وزياد اللي شاركه ضحكت عليهم وهج
زيدان:حفيدتي بعيونك يويلك لو اسمع انك مزعلها
نياف:ابشر م عليك بعيوني
زيدان:امشوا قدامي فشلتوني
ضحكوا العيال يتقدمون يمشون يطلعون برا القاعه
امجاد بهمس:اذا زعلك قولي لي
ضحكت وهج:م عليك
نياف:افا ي يمه تتعاوني علي
منيره:انا معك ولا يهمك
وهج:يمه
ضحكوا كلهم بحب لبعض
بعد م العريس طلع وعروسته معه دخلوا كلهم بجو الرقص
عذاري:تكفين يلا شوفي الاجواء مولعه
م حبت تكسر حماسها وراحت معها ترقص ووقفت تطلع برا
عند الرجال اللي بدوا يلعبون بالعرضه
عبدالعزيز و سعود وسلطان ونايف يلعبون بحتراف
بعد العرس الكل راح
عذاري:يلا عزوز ينتظرنا برا
لحن بلعت ريقها:بمشي مع ام قاطعتها عذاري:اقول امشي يلا ننتظرك
هزت راسها لحن تلبس جلالها وتروح
عذاري دفتها:اركبي قدام
لحن رجعت وراء:لابركب هنا
زفرت عذاري وهي تحاول تحسن علاقتهم:طيب اركبي
ركبت لحن وراء كرسي عبدالعزيز
وعذاري قدام وحور وليان جمبها
عذاري بجوع:تكفى جيب اي شي من المطعم
هز راسه:احد يبي
عذاري التفتت وراء:تبون
هزووا روووسهم بنفي:لا
عذاري التفتت ل لحن الل صاده:لحن تبين
لحن بغصه:لا
عذاري:بس انا
نزل عبدالعزيز يروح يجيب ويجرع للسياره يعطيه عذاري اللي بدت تاكل
دق جوال عبدالعزيز
عبدالعزيز:من معك
سعود بطقطقه:ام زوجي
عبدالعزيز بطقطقه:طيب ي زوجتي اسرعي لان احتاجك بالفندق
سعود:ابشر بس الحريم ياخذون ساعات م يجهزون كانهم ولاده
انفجر ضحك عبدالعزيز:اسكت واكلمك بعدين
لحن اللي وسعت عيونها بس نفت كل الافكار
عبدالعزيز اللي نسى البنات انهن معه
عذاري بلقافه:من زوجتك
عبدالعزيز:مو شغلك يالملقوفه
عذاري:ياخي فضول مو لقافه
عبدالعزيز:فضولك بيوديك بداهيه
عذاري:تكلم من
عبدالعزيز:وش سمعتي اقول
عذاري:زوجتي
عبدالعزيز وهو يطقطق:طيب ليش تسالي
عذاري صرخت:من تزوجت
عبدالعزيز بعصبيه:عذاري وش هالصراخ
عذاري:طيب ليه تزوجت على لحن
عبدالعزيز بطقطقه:الشرع حلل اربع
عذاري بتقليد:الشرع حلل اربع رجعت صوتها:صح م اعرف وش اللي بينكم بس اكي قاطعتها
لحن بهدوء:تكفين اسكتي
وصلوا ونزلوا للفندق والكل راح لجناحه
..
نرجع للعرسان
نياف:بروح اجيب اكل غيري الين م اجي
هزت راسها وهج بتوتر وطلع وراحت بسرعه لدوره المياه تغير
راحت فتحت شنطتها ووسعت عيونها من انتبهت من الملابس اللي البنات حاطينها لها
جلست في الارض اخذت لبس الين ركبتها وعلاقي وعليه شال شفاف طلعت للغرفه بخجل من لبسها
رفع نضره عليها وانتبه للبسها حبس ضحكته من شافها تحاول تغطي رجولها
نياف:ي بنت مو ماكلك تعالي كلي
وهج بخجل:مابي
نياف:اذا م قمتي بجي عندك
قامت لعنده تاكل لقمتين وقامت انسدحت على السرير
نياف اللي شال الاكل وانسدح جمبها يغمض عيونه بتعب
الفندق
زيدان:الكل يجتمع قبل النوم بسرعه
راحت الهنوف تناديهم كلهم جمعتهم كلهم وجلسوا
عبدالعزيز:سم
زيدان:بكرا بنرجع اديره
هزووا روووسهم
زيدان اكمل:وبه عشاء عند جارنا
عبدالعزيز هز راسه
لحن قامت تروح للغرفه...
زيدان:وين رايحه
لحن:بنام
فاديه:جيبي جوالي على الطاوله
هزت راسها لحن تروح تجيبه وتعطيه فاديه.
فاديه:انتي وعزوز تناموا بغرفه وحده لان الغرف قليله
وسعت عيونها لحن بتوتر:ب قاطعتها فاديه قامت
:بروح يلا لاحد يسهر
هزووا روووسهم كلهم يقومون ينامون
تنهدت تروح للغرفه متوجهه لدوره المياه
دخل الغرفه م شافها سمع صوت ماء بدوره المياه عرف انها فيه راح اخذ لحاف وتوجهه ينام على الكنبه.....
طلعت وماانتبهت له انه هنا راحت اخذت الجوال وانسدحت على السرير..
عند عبدالعزيز اللي منسدح ومغمض عيونه
لحن اللي انتبهت انه هنا راحت له الا تشوفه مغمض عيونه.
رجعت تنسدح على السرير وتفكر ..
بعد مده نامت ...
......
الصباح الساعه ٧ الكل صاحي يجهز الحقيبات وكل شي
زيدان:لحن وعزوز بسياره.والبنات مع سعود.والعيال مع صقر.والحريم مع نايف. وحنا مع زياد
راحوا كلهم لسيارات متوجهين للديره
سياره عزوز
ركبت جمبه تحاول تبرر له ركب وانطلقوا لديره
لحن بحزن:اسمعني واسمع التبرير
وقف السياره على جمب الخط وبعصبيه:وش اسمع بفهم شفت بعيوني كل شي
لحن بغضب:وذا لو شفت يمكن سوء فهم لاتبرر من راسك
مسك معصم يدها:والله وتالله لو ترفعي صوتك لتندمي
لحن بعصبيه:بعرف من وين تشوف انت يعني اح م كملت كلمتها بسبب الكف اللي جاء منه
عبدالعزيز بعصبيه:اركبي
راحت تركب بصمت خلاص انتهى كل شي
بعد ساعه ونص وصلوا والكل راح يكمل نومته ... بعد فطورهم
الملحق
لحن اللي نايمه في الغرفه وعزوز اللي جالس بالصاله على الجوال
الساعه ٥ الكل صحى والرجال يجهزون يروحون للعشاء..
زيدان:ابك وين عزوز تاخرنا على الناس
دخل عبدالعزيز:جيت
زيدان:يلا
راحوا كلهم متوجهين للعشاء عند جارهم
م بقى الا الحريم ومجتمعات بالحوش........
جابت عذاري السماعه:يلا من يرقص معي
فاديه قامت:اعطيني انا اشغل انتوا تحطون رقاصات مدري مصري
انفجروا ضحك الكل من فاديه
فاديه:بشغل لكم دحيه يلا صفو
قاموا لحن وجود وحور والعنود
وعذاري و وليان والهنوف وعروب
شغلت الدحيه فاديه وهم يصفقون وهي ترقص بالنص..
قاموا كل الموجودين يرقصون على الاغنيه
قامت مشاعل:بروح للملحق تعالي ابيك.
راحت رغد مع امها:وش يمه
مشاعل:تبين عزوز اللي الطريق فاضي لك زعلان منها و قاطعها الكف اللي جاء من لحن
لحن بعصبيه:م توقعت انها منك ي ال......والله وتالله لو م اعترفتي ان كله تخطيط من وراء راسك لاوديك وراء الشمس
مشاعل بلعت ريقها:ليش لاعرض حياتي للخطر
رغد:امي م سوت شي يلا انقلعي
لحن دفتها وبصراخ:والله ي رغد لو م بعدتي عن زوجي لادوس ببطنك
رغد بعصبيه:ولو م بعدت وش بسوين
لحن اللي تقدمت لها تضربها بس مشاعل اللي اخذت المزهريه وضربتها بها على راسها
طاحت لحن بدمها مغمى عليها
رغد بخوف:يمه شسويتي
مشاعل بخوف:وش سويت دافعت عنك
جو كلهم من الصراخ وانصدموا من لحن اللي طايحه ومشاعل معاها المزهريه
عروب ببكاء:وش سويتي في بنتي هذي بنت اختك ليش سويتي فيها كذا
مشاعل بتوتر:دافعت عن بنتي
عروب:الله ياخذك انت وبنتك
الكل جاء بعد العشاء وانصدموا من الصراخ اللي جاء من الملحق..
راحوا وانصدموا من لحن الطايحه ويحاولون يصحونها
تقدم عبدالعزيز لها بخوف:لحن بنت اصحي لحن
مشاعل بخبث:وحتى وهي خاينت قاطعها صراخ عبدالعزيز:انقلعي من وجهي المشاكل م تجي الا من وراء ضهرك راحت مشاعل للغرفه بقهر والكل راح للمستشفى.
الدكتور:الحمدلله عدت سليمه
حمدوا ربهم وبقت عروب بالمستشفى تنتظر الخروج
عند عبدالعزيز اللي طلع من المستشفى رايح للجبل اللي يسمرون فيه
لحن بتعب:يمه راسي
عروب بخوف:ي بنتي الحمدلله عدت سليمه
لحن:وين عزوز
عروب:راح مدري وين
لحن برجفه:يمه تكفين اسمعيني
عروب عدلت جلستها:ي يمه وش فيك تكلمي
لحن بكت:ظلموني خلوني خاينه له وانا والله م اعرفه ولا شي يمه اختك هي اللي نادتني تقول لي عزوز يبيك رحت بحسن نيه م توقعت تسوي كذا ومخططه من قبل ي يمه نادت عزوز وشافني بحضنه وحسبني خاينته يمه تكفين تكفين خليه يعرف او يفهمني تكفين ي يمه م اقدر اشوفه صاد عني م توقعت تكن لي هذا الكرهه والله م سويت لها شي ي يمه بس عشان عزوز خطبني م خطب بنتها حقدت علي ويخططون ياخذون عزوز مني تكفين ي يمه والله اني تعبت من صده خليه يفهمني
عروب بعصبيه:متى هذا
لحن تنهدت:قبل عرس وهج بيوم
عروب:والله م قاطعها.... فتحه الباب انصدمت من اللي فتح الباب .......
[لاتنسون النجمه⭐️]
