" ခင်ဘယ်သွားမလို့လည်း.."
အိတ်ပခုံပေါ်၌ လွယ်ကာ အပြင်ထွက်မလို့ ပြင်နေတဲ့ ခင်ကိုကြည့်၍ ခင်သူငယ်ချင်းဖြစ်သည့် ဖြူကမေးသည်။
" ဘုရား သွားမလို့ပါ ဖြူရယ်.."
" ဖြူလည်းလိုက်မယ်.."
ဘုရားဟု ပြောလိုက်တာနဲ့ စိတ်ပူစွာပြောလာသည့် ခင်၏သူငယ်ချင်းကို ကြည့်ကာ ခင်သဘောကျစွာ ပြုံးလိုက်သည်။
" ရပါတယ် ဖြူရယ် ခင်တစ်ယောက်ထဲ သွားလည်းရတာကို.."
" မရဘူးခင် ဖြူလိုက်မယ် ခဏစောင့်.."
ခဏစောင့်ဆိုကာ အိမ်ခန်းထဲပြေးဝင်သွားခဲ့သည်။ အညိုစင်အိတ်လေး ယူကာ ခင်ဆီအမြန်ပြေးလာခဲ့၏။
" ခင် မထွက်ပြေးပါဘူးဖြူရယ် ဖြေးဖြေးလာမှာပေါ့.."
" ဖြူစိတ်ပူတာကို သိရဲ့သားနဲ့ သွားမယ်.."
တစ်ယောက်လက်တစ်ယောက်ချိတ်ကာ ကားထဲဝင်သွားကြ၏။ ပြီနောက် အဝါရောင်ကားတစ်စီးဟာ ခြံထဲကနေ တစ်ရွေ့ရွေ့ထွက်ခွာသွားသည်။..
🌻
ခင်ဘုရားရောက်သည့်တစ်ပြိုင်ထဲ ထိုင်နေကြ တနဂ်နွေထောင့်လေးမှာထိုင်လိုက်ပြီး ပန်းကပ်လိုက်သည်။..
နာရီဝက်...
တစ်နာရီ...
" ခင် ထသွားရအောင်.."
"...."
" ခင် သွားရအောင် နောက်ကျနေပြီး.."
" သွားတော့မလား ဖြူ.."
" သွားရအောင် ခင်ရယ် အိမ်ရောက်ရင် ခင်ကြိုက်တဲ့ မုန့်ဟင်းခါး ချက်ကျွေးမှာ ဖြူကာ.."
ခင် ပြုံးလိုက်ကာ ထရပ်လိုက်သည်။ ပြီနောက် ကောင်းကင်ကိုတစ်ချက်မော့ကြည့်လိုက်ကာ ပြုံး၍ တစ်ခုခုကိုတီးတိုးပြောလိုက်၏။
" ခင် သွားရအောင် နေဝင်တော့မှာ.."
" အင်အင် သွားမယ် ရှင်ကအရမ်းလောတာပဲ.."
သူငယ်ချင်းနှစ်ယောက် စနောက်ရင်း အိမ်ပြန်ဖို့လုပ်သည်။
🌻
ရောက်လာခဲ့ပြီး...ထပ်ရောက်လာခဲ့ပြန်သည့်အိမ်ကို ခင်တစ်ချက်မော့ကြည့်လိုက်သည်။ ပြီးနောက် ခပ်ဖျော့ဖျော့အပြုံးလေးတစ်ချက်ပြုံးလိုက်ကာ ဘေးက ဖြူကိုကြည့်လိုက်သည်။
