كنت احسب الحب لعبه لين عرفتك

البارت الخامس عشر🤍

فلاش باك
منال: بسالك
عايض: اسالي يا قلبي
منال: الحين انت قلت قبل انه عمر يحب وحده ثانيه صح
عايض: اي كان يحبها وضايفها بس الي قالي انه تقرب لنا بس ما اعرف مين هي
منال: امم طيب
عايض: ليه
منال: صراحه العنود تحب عمر ويوم قلت لها الكلام زعلت
عايض: صدق
منال: اي بس لا تقول حق عمر ولا بتذبحك وتذبحني
عايض: تذبحني اي تذبحك تخسي محد يذبح زوجتي
منال ابتسمت
عايض: ايوه هاذي الابتسامه الي ابيها من زمان
__________________
نزلت منال تحت عند العنود
منال: اشتقت لك
العنود اول ما شافت منال مسحت عيونها بسرعه
منال: تبكين؟
العنود: لا وين عيوني بس دخل فيها شيء
منال عرفت انه العنود تبكي وجت جلست جنبها وحطت يدها على كتفها
منال: قولي شفيك
العنود ما صدقت انه احد سالها وبكت على طول
منال: والله اني كنت حاسه شفيك يا قلبي
العنود: تاكدت انه عمر يحب غيري وانه الي كان يسويه معاي بس يستهبل ويضيع وقت
منال: شلون تاكدتي
العنود: حسابه الريبوست حقه والستوري حقه يصور محادثاته مع شخص وكان كله كلام حب
منال: طيب يمكن يكون صديقه
العنود: لا خلاص ما عاد صار يهمني
منال: مافهمت يعني رح تنسينه؟
العنود: اي ورح اتزوج
منال: ها شلون متى
العنود: ابوي قال انه في احد متقدم لي وصليت استخاره وارتحت
منال: يعني خلاص بتتزوجينه؟
العنود: اي ابي انساه باسرع وقت ابي اتخطاه ابيه يروح من حياتي مابيه
منال: مادري وش اقول بس كيفك هاذا مستقبلك
العنود: اسمه عبدالعزيز و يشتغل دكتور في الجامعه
منال: حلو بس مو تحسين انه للحينك صغيره يعني توك 18؟
العنود: عادي ما يهم العمر
منال: كيفك المهم يعني انتي خلاص موافقه
العنود قالت اي وراحت مع منال للمجلس وكان فيه عايض وفهد وعزيز وسلوى وحازم وعمر
العنود: يبا انا وافقت
فهد: على ايش يا قلبي
العنود: على عبدالعزيز
عمر اول ما سمع اسم عبدالعزيز فز وجهه قلب احمر وكان يتمنه انه ما يطلع الي بباله
فهد: ايه زين الحمدالله
عزيز: على وش من عبدالعزيز هاذا
فهد: هاذا ولد صديقي تقدم حق العنود
عايض طالع عمر وكان يحاول يفهمه من تعابير وجهه
عايض: يلا من رخصتكم انا وعمر بنروح مكان قريب ونجي
عمر كان للحين مصدوم من الكلام الي سمعه وجا عايض وشده من يده معاه وركب السياره وركب عمر معاه
عايض: اهدا عمر
عمر كانه استوعب ولف على عايض وقال وصوته فيه غصه
عمر: كيف اهدا عايض؟
عمر: الي احبها راحت مني يدي وتزوجها شخص حتى ما يعرفها
عايض: ادري ادري بس يمكن تغيير رايها
عمر: عايض انت ما سمعت قالت انها موافقه كييف تغير رايها
عايض: خلاص اهدا وروق
كان عايض يسوق ويلتفت على عمر بعض الاحيان
عمر: لالا مو مصدق عايض قل لي انه حلم قل لي انها ما وافقت قل لي انه اذني سمعت غلط قل لي يا عايض قل لي
عمر كان معصب وكان يضرب الطبلون
عايض: خلاص هد بقولك الحين
عايض: رح ل خالي وقل له انه تبي تتقدم لها وخلاص ويمكن يقبلك
عمر: طيب هي قبلت ب عبدالعزيز الزق هاذا
عمر: تخيل بس اني طول عمري احلم انه انا وياها مع بعض واكل فطوري وهي قدامي وتضحك ومبتسمه واقول لها احبك وتقول انا اكثر وتكون تفهمها وتحبها حب مو صاحي وفجاه تصحا تلقها متزوجه شخص غيرك و شخص يسوي نفسه انه يفهمها كثري ويحبها كثري والله شعور يزعل تصدق ودي اذبحها مابيه ياخذها مني يا عايض والله اني احبها والله من ونحنا صغار والله اني احبها وكنت ابيها لي بل حلال وتخيل صارت لغيري
عمر كان يضحك بهستيريه شوي وكان زعلان وعيونه بدت شوي شوي تدمع
عايض ما قدر الا ان يزعل عليه وكان ما يبيه انه يحبها من اول لانه حس انه اخر علاقتهم بتكون كذا
عايض: شفت لو انك سامع كلامي افضل
عمر صرخ وقال: عايض تكفا مابي نصايحك الحين انا وين وانت وين الحين انا الي ابيها لي صارت لغيري
عمر: تخيل لو منال تزوجها واحد غيرك كيف بيكون شعورك ها؟
عايض: اكيد بزعل
عايض وقف السياره في مكان مافي احد وقدام البحر ولف على عمر
عمر: بعد ما تركت الكب عشانها وعطيتها كل الحب والاهتمام وكنت احسبها انه تحبني وبعد مهتمه فيني وغير عن الكل في الاخير سحبت علي وعلى مشاعري وعلى اهتمامي فيها الحين صار غيري بياخذها مني وهي حتى ما حاولت انها ترفض بلعكس وافقت ويا ريتها ما وافقت قدامي  والله شيء مو معقول
عايض: خلاص يا رجال انساها وهي اكيد مرح تنساك واكيد مرح تلقى الاهتمام والحب الي كنت تعطيها لها عند شخص غيرك ورح تندم صدقني ورح تجي بس بعدها تستوعب انه فات الاوان وانت نسيتها وتزوجت غيرها
عمر: عايض انا مابي احد غيرها من واحنا صغار وانا كنت اقول اني ما ابي احد غيرك واوعدك اني مرح اتزوج احد غيرك ومرح احب احد غيرك تبيني اخر شيء اني احب احد غيرها واعطي احد غيرها الاهتمام الي كنت اعطيها لها مستحيل
عايض عصب شوي لانه عمر مو راضي يفهم انه خلاص العنود رح تكون ل احد غيرها
عايض: غبي انت افهم خلاص البنت الحين بتنساك وبتحب احد غيرك ورح تنسى الاهتمام والوعود الي عطيتها قبل خلاص انساها وحب غيرها لا تقعد تنطرها بعد ما تزوجت غيرك
عمر: مو مشكله انطرها ل ميه سنه قدام بس اهم شيء انها ترجع لي وتحبني وتنساه عبدالعزيز الزق هاذا انا ابي افهم ما تعرفه شلون قبلت فيه ابي اشوفه احسه واحد مرح يهتم فيها نفس ما انا اهتميت فيها احسه رح يجرحها و ما يحبها حب من كل قلبه وانه بس ماخذها يلعب فيها وما يخاف عليها نفس ما انا اخاف عليها حتى من النمله
عايض: خلاص ربك كاتب انه ما رح تصير من نصيبك وانت ما تقدر تغير الي كاتبه لك ربي ولازم تتقبل هاذا الشيء يا عمر
عمر ناظر عمر وما قدر انه يمسك دموعه وبكي
نروح عند العنود بعد ما وافقت
منال: احس الي سويتيه غلط على الاقل مو قدامه!
العنود: انا ابي قدامه وابيه يسمع
منال: مو صاحيه ترا الولد يحبك وانتي ضيعتيه من يدك بس انتي غبيه
العنود: منال هو ما يحبني بس يمثل ووعدني انه بيتزوجني وانه مرح يحب احد غيري والحين هو يتزوج شخص غيري و يحب شخص غيري وما حتى خطبني من ابوي!!
منال: طيب يمكن قاعد يجمع نفسها مو شرط اذا ما خطبك على طول يعني ما يحبك! ويمكن ما يحب شخص الا انتي يمكن انتي الي اخذتي قلبه مو شخص ثاني!!
العنود طالعت منال وكانت قاعده تفكر بكلام منال
__________________________
مكافأتكم🤍🤍
نزلت لكم جزا لانه الي قبل كان قصير وحبيت اعوضكم
تحسون انه الي سوته العنود غلط وانه تسرعت وهي ما تعرف اشياء واجد؟