تــهـزمـنـي الـنـجـلاء وأنا ندِّ فـرسـان

Part6

رجاءً اول شي تصويت💙

سناء: ها كيف تتوقعين خليت جدي يرفض السفره
مرجان: انقلعي من قدامي عشان ما احط حرتي فيك
سناء:يلا يلا بس ولا بعد تبين اعلم سلمان انك قابلتي ريان وضحكتي معه
مرجان: وش تقولين انتي ترا بالغلط صقعته
سناء:لا تبررين واعرفي طول مو انا عايشه حياتك بتكون جحيم
مرجان: اصلا انا غبيه واقفه اتناقش معك انقلعي بس رخيصه فعلا
راحت مرجان وانزرع بقلب سناء الحقد زياده

سناء : هين هين يابنت مها اذا ماخليت حياتك جحيم في جحيم ماكون انا بنت امي وجدي بعد ماعنده عقل صدقني على طول وسحب على دلوعته ولغى سفرتها احسن اصلا هي تستاهل حياه اسوأ من كذا وبساعد ريان يخطفها

بس الي ماكانت تدري عنه سناء ان كانت رفاء وسيران شافوها وسجلوا كل حرف هي تقوله
سيران: وقفي وقفي رفا
رفا: بسم الله وش فيه
سيران: شوفي سناء مع مرجان تعالي نشوف وش يقولون
رفا: طيب
سيران: عطيني الجوال سريع بسجل وش يقولون
رفا: والله صح عشان اذا وقفوا ضد مرجان نسمعهم الفويس
سيران: اي يلا سجلي سريع

وسجلت كل كلمه هي تقولها
رفا: ذي وش تقول الخبله ولا بعد تسب جدييي!!!!
رنا: قفطتكم وش تسوون
سيران: اسمعي بنفسك
وعطتها الفويس
رنا: ايش ايش يعني ذي لعبت بعقل جدي اسمعي سيران ارسلي علي وعلى رفا وخلوه سر بينا حتى مرجان لا تعلمونها انتوا تعرفونها اذا انقهرت
سيران: خلاص تمام

راحت مرجان رجعت للحريم الي المجلس حقهم بدا يفضى تدريجي لين طلعوا كل الحريم
مرجان: بنات بساعدكم
سيران: لا لا تكفين لو حدي درا خلاك تنظفين القصر كله
مرجان: لا مالي دخل بساعدك لان ادري اصعب شي تغسيل الصحون واصلا لو جدي فعلا سواها والله ل اهج لندن لا من درا ولا من شاف
رفا: اقول اهجدي بس المهم بنات فين المكنسه
سيران: اتوقع اتوقع ان ماخاب ظني بالمستودع واسمعي مرجان انتي توك اليوم مسويه اظافيرك خلاص اقعدي معي ونقعد نحش احنا والبنات
مرجان: طيب رفا ورنيم خلصوا بسرعه

طلعت رفا فوق عشان تجيب المكنسه الكهربائيه
وهي طالعه بسرعه ماكانت منتبهه صقعت في رماح
رماح:معليش مانتبهت
رفا: وجع ثاني مره انتبه
رماح:اقول اسكتي قلت معليش خلاص
رفا: انقلع بس

سحبت عليه وطلعت فوق

رماح: الله يسامحني اذا هذا الشي غلط بس حبيتها من المتوسط وقلبي عليها والله ل اخطبها بكره ان شاء الله

عند مرجان وسيران
مرجان : اي اسمعي شفتي ام محمد كيف حاقده
سيران: اييي وعشان بس جت وحده خطبتك بس ماتدري ان سوينا ملكة بس خليناها عائلية
مرجان: شكلها حاقده من يوم ما قلت لها وش دخلتي اذا بناتك عرض في عرض
سيران:يع مرهه كريهه ولا شفتي شعرها ولبسها
مرجان: اي لابسه لي اخضر غامققق وعليه لمعات مدري وش اسمها
سيران : ولا شعرها الي رافعته المشكله شعرها مره خايس وطايح ويتساقط واعدمته بالصبغات كانه شعر عروسه يع
مرجان: يع حالفه تصغر نفسها وهي عمرها سبعين
سيران: اي اسمعي صح
مرجان: وش
سبران: شوفي اذا خلصت بنروح عند جدي اذا ماكان نايم وبسمعك فويس لاكن تكفين اهجدي ولا تعلمين احد الا جدي وجدي هو يتصرف
مرجان: اوف اوف وش ذا الفويس الخطير

سيران شغلت الفويس وكان الملام زي الصاعقة على مرجان
مرجان: يع الكريهه هذي من متى وهي حاقده علي ابي اعرف وش سويت انا لاكن هين هين
سيران: الفضول الي عندي ابي اعرفه هو كيف جدي اقتنع ويصدق وحده مكروهه من العالم كله وحسوده وخبيثه ويكذب دلوعته
مرجان: هذا الي قاهرني

دخلت الجده فاطمه وقطعت سوالفهم
فاطمه: للحين ماخلصتوا يابناتي
مرجان: لا والله باقي شوي
فاطمه : ياحسرتي عليكم يابناتي انا مدري وش الي قالته الحيوانه ذيك لجدكم عشان تلعب بعقله
سيران: اي والله ولا بعد ياجده تخيلي جدي لغى سفرة مرجان الي بخاطرها فيها من سنتين
فاطمه: ياحسرتي والله ماخليها بخاطرك يامرجان شوفي بخليك تسافرين شهر وترجعين بالكثير بس لا تعلمين حد وانتي بعد سيران لاتعلمين حد بخليكم بس انتوا يالبنات بس ماعرف احجز حد منكم يعرف
مرجان استانست: جده منجدك
فاطمه : اي والله لاكن اهمشي لا تعلمون حد وبخليها بعد زواجك يامرجان بس وحده منكم تسويها الحين عشان ليل ومحد يدري
مرجان: اببشري ياجده الحين اسويه
سوتها مرجان وكانت فرحانه مره
سيران: اي بس الحين كيف رح تعلمين سلمان تغريد ممكن راكان يوافق بس سلمان ؟
مرجان: موضوعة عندي بخليه بالامر الواقع
سيران : اخس وش بتسوين
مرجان : رح تعرفين بس حرام والله السفره بعد زواجي ب ثلاث اسابيع وانا مو قادره انتضر
سيران: مافي شهر عسل
مرجان: لا عشان شغل سلمان واصلا هو بيكون وقت دوامه يعني لو ماوافق والله اعلم جده عليه ونروح غصب عنه او اهج بدون مايدري
سيران : والله مو سهله انتي
مرجان: افا عليك

خلصوا البنات وعلمت سيران السالفه حقت الفويس وعلمت البنات سالفة السفره
طلعت مرجان عند جدها والفويس من سيران
دقت مرجان الباب
سعد: ادخل
دخلت مرجان وتمثل البراءه والحزن
مرجان :السلام عليكم
سعد : هلا هلا بدلوعتي
مرجان: متاكد اني دلوعتك
سعد: افا لايكون زعلتك بشي
مرجان: الصدق اي تذكر لما رجعنا من عزيمة خالتي انت عصبت علي ولغيت السفره
سعد: افا خلاص سامحيني وانا جدك عقلي ماكان معي ولا انا ازعل دلوعتي
مرجان: يعني ياجدي عادي اروح
سعد: لو تبينها بكره ابشري
مرجان: جدي تبي الصدقه جده حجزتها لنا تحت وخلتها بعد زواجي بثلاث اسابيع
سعد: مايخالف روحي ووسعي صدرك واذا قال سلمان كلمه قولي لي والله ل اوريك فيه
مرجان باست راسه : الله لا يحرمني منك
سعد: ولا منك ياروح جدك
مرجان: جدي قبل اطلع عادي اوريك فويس
سعد : عساه خير وش هو
سمعته الفويس وانصدم من كلام سناء
مرجان: جدي ترا يمكن امها بعد تكون مساعدتها لان قد سمعت امها تقول خلينا نتخلص من مرجان وبعدها نعطيك سلمان
سعد:انا اوريها اصلا انا ندمت يوم اني جبتها وبكره بطردها
مرجان: كفو ياجد عاد انا بطلع

طلعت مرجان من الغرفه وتمثل الحزن
سيران: ماش وجها مايبشر بالخير جدي وافق قال شي
مرجان: بنات
رنيم : يمه اخصلي تكلمي ايش
مرجان قلبت وجها لفرح
مرجان: جدي وافق وسمعته الفويس ويقول بكره بيطردهم وانه ندم لما جابهم
جاء سلمان على صياحهم وجاء من ورا
البنات هربوا
سلمان: اي وجدي وافق على وش
لفت مرجان بصدمه وسكتت
سلمان: شفيكم سكتوا تكلموا
مرجان: لا لا ولا شي
سلمان: طيب ازعجتوني اسكتوا ولا اقول انقلعوا ناموا
مرجان بدلع : افا تقول لي انا انقلعي
سلمان: اعقب انا وعشرين زيي
مرجان: احبك سلماني
سلمان سكت وطالعها بصدمه من الكلمه الي قالتها
سلمان : ايش ايش ايش عيدي عيدي ماسمعت
مرجان بخجل : سلماني
سلمان: لا الاولى
مرجان: امم نسيت
سلمان عرف انها استحت وحضنها
سلمان: والله اموت فيك مو بس احبك

ادري والله مره قصير بس بنزل بارت باسرع وثن