اللهم صلي وسلم على سيدنا محمد
سيرتك سعدي ومناي انطق اسمك الترف واقول انتي فرحي وهناي 🥀.
محمد : وين كنت انت وياه
ترف : مو شايف جوعانين تقضينا وجينا
محمد : يعني انت الحين ساطي انا ماصدقت تجي ذي السنه عشان يتخرج عبدالعزيز تجي انت بعد ترفع ضغظي
ترف : معليش ياأستاذ
وشمقت ومشت
محمد : قليل ادب والله ماهي رايحه لك
ترف : عزوز ااخلص امشي
مشى عبدالعزيز ورا ترف وهو حاس بفخر طبعا دايم يرد على محمد بس ذي المرا حس ان في احد واقف معاه
ترف : انت وش فيك سنترت عنده
عبدالعزيز : انصدمت منك ماتوقعت ترد عليه كذا
ترف بضحك : يعني متوقع اترجاه شكلك ماتعرفني المفروض يسون تعميم علي في المدارس
عبدالعزيز : ههههه اقول سوي الكبسه وانا بنام شوي
ترف : تم
عبدالعزيز انسدح يبي ينام
وترف دخلت المطبخ وبدت تجهز الأغراض واستغلت نوم عبدالعزيز ودقت على نوف
ترف : نوفي وش مسويه
نوف : مو بس انا افتقدتك حتى المديره افتقدت مشاكلك
ترف : حتى انا اشتقت والله احس اني ضايعه
نوف : المدرسه بدونك زق
ترف : تخيلي من اول يوم اخذت تهزيئ من المدير
نوف : من يوم غيرتي المدرسه حتى كلامك تغير وش مدير
ترف : فيني نوم تلخبط اقصد المديره اي ماصارت مشاكل
نوف : لا مافي مشاكل المدرسه هاديه صرت وحيده
ترف : ياعمريي حتى انا احس انو مو جوي
نوف : ان شاء الله ابوك يخلص شغله بسرعه
ترف : ان شاء الله باي حبيبي اكلمك بعدين
نوف : بايات
انتهت المكالمه وترف جاهله الي واقف عند الباب وسمع كلامها معا نوف
عبدالعزيز الي كان شاك والحين تأكد رجع انسدح وهو يفكر وش الي حادها تسوي كذا
ترف وهي في المطبخ : عزوز قوم
عبدالعزيز عمل نفسه نايم
وترف حطت الأكل
وراحت عنده شاتتو : ياخي قوم
قام عبدالعزيز : قمت قمت اذلف
جلسو الأثنين وبدو ياكلو
عبدالعزيز : طعمها يجننن
ترف : اكيد انا الي طابخها
عبدالعزيز : الثقه شينه
ترف : كل بس
عبدالعزيز بفضول : غريبه انت ليش جيت هنا
ترف : يوم كنت في ثاني متوسط امي توفت ودخلت اكتأب حاد ذيك الفتره وبالعافيه طلعت منها وابوي تزوج وزوجتو كريهه ومو ناقص ادخل اكتأب مرا ثانيه بسببها
عبدالعزيز وهو عارف انها كذبت في النهايه بس مشى : الله يرحمها بس ماألومك
ترف بنفس الفضول : وانت على حسب كلام محمد ان لك خمس سنوات الي مستغربو انت كيف مستحمل هذا الكائن
عبدالعزيز بضحك : ترا لايغرك اسلوبه تراه طيب
ترف : بحاول اصدقك بس انت فين اهلك
عبدالعزيز بصوت مهزوز : الي صار كالتالي يوم تخرجي من سادس جو امي وابوي ياخذوني واحتفلو فيني ورحنا مطعم وتغدينا ووناسه وحنا راجعين البيت سوينا حادث قوي لدرجه السياره تقلبت فينا ومعد دريت في نفسي الا وحنا في المستشفى ابوي توفي في وقتو وامي دخلت في غيبوبه وانا صارت لي رضوض وكسور ويوم عرفت ان ابوي توفى اكيد بكيت الين حسيت ان روحي بتطلع وقعدت اسأل عن امي قالو انها في الغرفه الثانيه ومارضو يودوني عندها سألو اذا اعرف رقم احد من اهلي ايامها ابوي حفظني رقم عمي عشان لو تأخر علي في المدرسه ادق عليه ودقو على عمي وجا وبعدها بأسبوعين تقريبا انا طلعت وامي لسى الفتره الي جلستها عند عمي كانت اسوأ شي صار في حياتي الي كان يهون علي وسن بنت عمي اكبر مني بخمس سنوات بس كانت لي اخت ووقفت معي كان زوجة عمي تكرهني لدرجه تضربني تحرمني من الأكل وماألومها لأن عمي يكرهني كانت بنت عمي تخبي الأكل وتعطيني ياه كانو عيال عمي التوأم فهد وسعد يضربوني وعمي يشوف ويقول زيدوه بالمختصر كنت اكره عيشتي وامي توفت بعد ثلاثه شهور في الغيبوبه والوحيده الي هونت علي وفاة امي وسن صدق انا ممنون لها المهم بعد وفاتهم عمي رماني هنا ولي خمس سنوات حتى مالمحته بس مستني اخلص الثانوي واوريه شغله وباخذ حلال ابوي من عينه
ترف بغصه وواضح انها بتبكي : الله يرحمهم
عبدالعزيز : ابوك يالحساس
ترف : انت تدري وينه عمك الزق
عبدالعزيز : رحت بيته مأجره توقعت انه في بيتنا بس حتى بيتنا فاضي
ترف : عطني اسمه بكلم ابوي يجيبه
عبدالعزيز : تم هات رقمك ارسله افضل
ترف : طيب
وعطته الرقم وتذكرت انها كاتبه اسمها والأفتار صورتها
ترف : عزوز كل الحين
عبدالعزيز : طيب
ترف دخلت الواتس وغيرت كل شي
عبدالعزيز فهم ليش توترت وقال : الحمدلله شبعت
ترف : الحمدلله حتى انا
قامت غسلت المواعين وخلصت ودخلت الغرفه وعبدالعزيز لسى على جواله
ترف : تدري ان مانك فايده
عبدالعزيز : ادري والله وش بتوي الحين بتنام لأن الحصه الأولى سبعه والحين الساعه وحده
ترف : اهم شي انك تدري اكيد برجع انام
عبدالعزيز : فكه
نامت ترف وعبدالعزيز يفكر ليش جت هنا وبين تفكيرو نام
الساعه سته ونص صحت ترف وصحت عبدالعزيز
معليش على القطعه ان شاء الله اخر القطعات بس صدق كان عندي اختبارات
بأذن الله البارت يعجبكم وبحاول انزل بارت ثاني اليوم ان شاء الله
باي بنوتات
أنت تقرأ
سيرتك سعدي ومناي انطق اسمك الترف واقول انتي فرحي وهناي
Randomبطلتا ترف الدلوعه تتخلى عن دلعها وتدخل مدرسة عيال عشان تحل قضيه بطلنا عبدالعزيز كل المدرسه تخاف منه خمس سنين ماعنده اصدقاء ومحد يشاركه الغرفه وفجاءه يجي طالب يشاركه غرفته ويصير صديق له نتعرف على الباقي داخل الروايه اتمنى تنال اعجابكم لا استبيح الن...
