طبعا الكل يجهز للمدراس ومن ضمنهم ترف الي جهزت شنطتها واخذت الأغراض الي تبيها وهي زعلانه انها بتبدا عامها الدراسي بدون رفيقة دربها نوف
صحت ترف من النوم ونزلت لأبوها
ترف : صباح الخير
عبدالله : صباح النور
ترف : متى بنروح
عبدالله : نتغدا ونمشي
ترف : تم
تغدو وخلصو وترف بدلت ملابسها ونزلت الشنطه
عبدالله : اخذتي كل شي
ترف : اي اخذت الي احتاجه بابا ترا بروح بسيارتي
عبدالله : اي افضل
ترف : يلا
ترف طلعت سيارتها وحركت هي وابوها وصلو المدرسه ونزلو
عبدالله : شرايك في المدرسه
ترف بتعجب : ماشاء الله المبنى حلو وكبير
عبدالله : اي لأنها متوسط وثانوي وسكن
ترف : حلو
عبدالله : امشي ندخل
دخلو وعبدالله دق غرفة المدير
محمد : تفضل
دخل عبدالله ووراه ترف
محمد : اهلين العميد عبدالله
عبدالله ابتسم : اهلين فيك
محمد : اجلس حياك الله
عبدالله : زاد فضلك الله يحيك
محمد : كيفك رايف
ترف : الحمدلله انت كيفك
محمد : الحمدلله بخير
عبدالله : زي ماأتفقنا معا هذاك الولد
محمد : لا تشيل هم على اتفاقنا
ترف : فين الغرفه ابغا اريح
عبدالله قرصها : مسكين من امس مانام يجخز اغراضه
محمد : ابد معذور الحين استأذنك بروح انادي عبدالعزيز
عبدالله : اذنك معك
خرح محمد
عبدالله : انتي قليلة ادب تتكلمين من طرف خشمك ترا هذا مديرك
ترف : انا وس قلت ابغا اريح فيني نوم وانتو بتتكلمون ساعه
عبدالله : انثبري بس
محمد وصل الغرفه ودخل
محمد : عبدالعزيز تعال
عبدالعزيز : هلا وش تبي
محمد : الطالب الجديد الي بيشاركك الغرفه وصل وابيكم تتعرفون
عبدالعزيز : ياليل ام النشبه
محمد : امش قدامي يلا
عبدالعزيز مشي ومحمد وراه وصلو الغرفه
محمد : هذا عبدالعزيز
عبدالله : هلا والله
عبدالعزيز باأبتسامه : اهلين فيك
محمد : هذا رايف
عبدالعزيز الي حس ان هذا الوجه مألوف: اهلين رايف
ترف الي عرفته توترت وبالقوه نطقت : اهلين عبدالعزيز
محمد : عبدالعزيز دله على الغرفه
عبدالعزيز : تمام يلا رايف
ترف : يلا
ترف وهي تمشي وراه وتفكر اذا عرفها ولا لا وتدعي انه ماعرفها
عبدالعزيز : هي وصلنا
ترف : طيب طيب
عبدالعزيز : هذا سريرك وهذا الدولاب حط اغراضك فيه
ترف : تمام
عبدالعزيز : ياخي احنا قد تقابلنا
ترف وهي ترجف : لا ماأظن
عبدالعزيز : والله العظيم وجهك مو غريب متأكد اني شفتك
ترف وهي تحاول ترقع : يخلق من الشبه اربعين انا اول مرا اشوفك الحين
عبدالعزيز : تمام
ترف وهي مكسله : عبدالعزيز ابغا انام تصحيني العشاء تكفى
عبدالعزيز : كأنك طقيت ميانه منبه عندك انا
ترف : والله ان صحيتني اعشيك على حسابي
عبدالعزيز : دام بتعشيني تم
ترف : بنام اثق فيك
عبدالعزيز : قلت بتعزمني ازهل
ترف حطت راسها ونامت وعبدالعزيز جالس على جواله منتظر العشاء يأذن
أنت تقرأ
سيرتك سعدي ومناي انطق اسمك الترف واقول انتي فرحي وهناي
Acakبطلتا ترف الدلوعه تتخلى عن دلعها وتدخل مدرسة عيال عشان تحل قضيه بطلنا عبدالعزيز كل المدرسه تخاف منه خمس سنين ماعنده اصدقاء ومحد يشاركه الغرفه وفجاءه يجي طالب يشاركه غرفته ويصير صديق له نتعرف على الباقي داخل الروايه اتمنى تنال اعجابكم لا استبيح الن...
