استعملو خيالكم وياي ، قرائه ممتعه .
تكعد شمس ع صوت زقزقه العصافير الي بجانب نافذتها مفتحه عيونها بنزعاج هي وكفشتها
تشوف العصافير تزقزق كدامها ب أصواتهم الي عكرت نوم شمسنا تخزرهن وتكول كلماتها بنزعاج وهي بفراشها ومغطيه نفسها
يعني حتى بفصل شتاء ما خلصانه منجن شوكت اخلص منجن؟ جنجن حضي بكل سنه ما يتغير لا فصل ولا شي يوقفه
تزيد صوتها العالي تلك العصافير الي تخزر بشمس وهي تخزر بيهن يابه كايمه كايمه هاي خاف أمي ما مكعدتني انتن فوك راسي
تدفر الغطاء عنها وتكوم تقترب من النافذه ب ابتسامه متصنعه للعصافير وما تحس عصافيرنا المسكينه
الا وبشمسنا تسويلها صوت مثل البزونه واخخوو ترفع اضافرها بوجهن الي اخترعن وطارن تضحك عليهن بشر وتنزل من درج
متبختره وابتسامه شاكه وجهه أين انتِ يا أمي العزيزه يا نبع الحنان الذي فقط ب الأسمي نبع الحنان
تكولها وهي تنزل تتفقد البيت بعيونها الا وتشوف امها ماكو رايحه للشغل واول ما تريد تروح للحمام شمسنا وتدخل شويه للباب
ما تسمع ألا وبطرق باب تطلع راسها وشوي من جسمها وتروح تشوف منو تفتح الباب وتشوف كدامها رنيم رزان تاله صديقاتها
الي ضحكن لمن شافن شكل شمسنا
رزان: والله صورتج صوره تخبل، تستمر تضحك ع شمسنا
رنيم: ادوخ أني ادوخ من أم كفشه شنو من كفشه هاي شنو هذا جمال
تاله: رجائآ رنيم لا تتحارشين، وبعدين عوفي الكفشه شوفي جهرتها تشبهه ملامح البومه
أنت تقرأ
دجلة والفرات : نور شمس يضيئ دجلة
Humorب الهجة العراقية، مثليه ما يعجبك لا تقرء ما انسى لحظه دخلتها المكتبتي، لأَجل قرائه كتاب بس اخذت گلبي وي كتابها، لمحت عيوني عيونها بنية الون وصاحبتهن شمس، بمجرد ان يأتي نور شمس ع عينيها تصبح كارثه لمن يراها عيونها طلقه والي يضغط زناد هو نور شمس وتخ...