انستا حب

1⃣

القصة حقيقية اخفيت الاسامي حتى ما ينعرف احد
قبل سنة جانت هنا
وجان كل الحجي الها
كل الاهتمام بيها
قبل سنة عرفتها صدفة
جان عندي بيج بالانستا وجنت بس انا الادمن بية ومحتاج ادمن وياي بس ما جنت اثق بأحد وخصوصا بالنت
سويت مسابقة اجمل تصميم
شاركوا بيها هواي
شاركت هي بصورة دينية ، جان اسمها بنت الاكابر
دخلت على صفحتها جانت صورها اغلبها دينية
گلت يمكن هاي ثقة وما تهكر البيج اذا خليتها وياي
فحاجيتها اذا تحب تصير ادمن وياي و وافقت هي
حجينا على الكك شوية
بعدها ترخصت منها وطلعت
بالليل تراسلنا
جانت تگلي خوية و اگلها اختي
بالصدفة طلعنا ندرس بنفس الاختصاص بس انا بالعراق وهي بالخارج ، هي اصغر مني بسنة

بقينا نسولف للصبح رغم ان هاي اول مرة نحجي
عرفت ان هي قوية من عرفت ان هي بهذا الوضع تدرس بدولة بعيدة عن اهلها وتسافر لوحدها . عرفت ان هي مؤدبة من عرفت ثقة اهلها بيها الي رغم من دينهم جانت عدهم ثقة ببتهم ما تنوصف
ثاني يوم سألتها من باب الفضول عن شي متندمة علية جاوبت / متندمة على علاقة
- علاقة شنو ؟
هي - علاقة حب
تعجبت من جوابها ما جنت اتوقع ان هي تحب سألتها اكو خيانة صارت ؟
هي - لا ، بس هواي مشاكل فاحسن حل ان نترك بعض وتركنا
- كل مشكلة الها حل
- تعبنا ثنينة ، فأحسن حل ان نبتعد
- ما اعرف بعد ، بس الحب يذوب كل مشكلة ، مجرد ان تگعد وي حبيبك راح تگدر تتفاهممون وتحلون المشاكل
هي - وين نگعد ، هو بدولة وانا بدولة

انا- 😳 جا شلون حبيتوا ؟
هي - بالنت
- مممم الحب بالنت فاشل
جنت متيقن من هاي الكلمة ان الحب بالنت شي فاشل رغم ان هي دافعت عنها وحاولت تثبت ان كلمتي غلط ، بس جنت متعصب لفكرتي
ثاني يوم شفت البيج متغيرة صورتة ومرتبة البايو مالتة
عجبني اهتمامها بالشي ، من الاشخاص الي من يدخلون بشغلة لازم يأدوها باحسن اداء
بقينا نحجي كل يوم
هي اختي وانا اخوها
عرفت عنها شغلات حلوة
رغم ان عائلتها من اغلى العائلات بالعراق والمعروفين بصيتهم بمحافظتهم بس جانت تحجي بالسان الفقيرة الما تعرف التكبر
بمرور الايام جنت اقرة رواية لاحلام مستغانمي بالصدفة ذكرت اسمها فگالت ان هم اريد اقره هاي الرواية ، فاتفقنا نقراها سوة بس انا جنت متقدم عليها وهي تأخرت لحد ما اشترت الرواية ، گتلها راح ارجع من البداية اقراها حتى نقرة سوة وهي واففقت

كل يوم نقرة جزء وبعدها نحجي عنه
اكو اجزاء بيها مواقف حلوة ، جنت ابجي مرات من اقراها وهي هم تبجي رغم ان لا انا ولا هي مرتبطين بعلاقة
خلصت رواية احلام و قرينا سوة روايات اثير عبد الله النشمي وبديناها برواية فلتغفري
هنا جانت حالتنا حالة
رغم ما احنا كلش مو من ثوب البجي بس جانت كلمات الرواية تسحب الدمع منك بالغصب
حبيت المشاعر الي حسيتها باسطر الرواية وهي ( زهراء ) جانت بس تبجي من تقرة الرواية
ايام رمضان جنت اصورلها الفطور وهي تضوج تگلي الخبيث بعد هواي الا افطر ليش حرااام عليك
بالليل تروح للقراية هي وتصورلي المشروبات و اگلها اشربي ثنين ككو نيابة عني
جانت تشبهني بهواي اشياء ، اثنينة ما نسمع اغاني لان حرام ، ثنينة نحب الشعر ، ثنينة ننظر للحب على انة شي مقدس حرام نكفر بية