انستا حب

الاخير

كل هاي الفترة انا ما شايفها ولا هي شايفتني
بينتلها ان انا اريد اشوفها بس ما طلبت منها شي ، هي عرفت ، گالت تدري رغم علاقتي السابقة جانت طويلة بس الولد ما شايفني غير مرة وحدة دزيتلة صورة ومو واضحة ،
دزتلي صورتها قبل لا اطلب منها ومن سألتها ليش گالت لان واثقة بيك ، ساعتها اطيتها اسمي بالفيس بوك و گتلها اي شي تردين تعرفية عني راح تلگية بحسابي ، بس هي جاوبت ( اعرف حسابك بالفيس من قبل شهر )
تعجبت وضحكت گتلها لا جذب ، منين تعرفية
هي - تذكر مرة دزيتلي صورة لرسالة من صديقك الك و مرة دزيتلي صورة لسؤال اجاك ع الاسك وجان طالع بيها اسم صديقك هم
انا - اي ؟؟
هي - دخلت على بروفايل صديقك وعرفت كم شخص بأسمك ودخلت ع حساب صديقك بالاسك وربطت بين الاسماء وعرفتك
تعجبت من اهتمامها ، جانت تگدر تختصر كل هذا التعب لو سألتني عن اسمي بس هي ما جانت تريد تطلب شي حتى من اقرب الناس الها

جنت دائماً انا ابدي بالمشاكل وخصوصاً من اتعب من شي جنت تصير عندي مشكلة ابدي اخربط وي الاشخاص القريبين مني وهي جانت اقرب شخص الي ، بس كل المشاكل تنحل ما عدى مشكلة الرقم الي صارت باول تعارفنا وما نسيتها ، ع الرغم ان مشكلة الصورة من طلبت منها صورة الها بدون حجاب جان ردها اقوى من الرد السابق بس هاي المرة وضحتلي السبب وگالت ما ارسلك صورة بدون حجاب لو مهما صار ، اطلب اي شي غيرها انا حاظرة بس هاي لا
انا - لا ، ما اريد شي ، بس الصورة
- زين اصورلك بالحجاب
- لا، الا بدون حجاب ، شنو ما عندج ثقة بية لو شنو
- والله مو قصة ثقة ، بس الله شگلة ؟؟ انت مو من محارمي حتى تشوفني بدون حجاب ، والله حرام
- عادي حتى لو حرام
- شلون عادي ، حرام علينا ثنينة
- انتي تخافين من اهلج لو ما عندج ثقة بية ؟
- والله مو قصة خوف من اهلي ولا قصة ثقة بس شغلة حرام ما اگدر ، فدوة لا تضغط علية
- انا صوجي واطلب

وبديت الزعل رغم ان هي حاولت بوقتها ان تراضيني بس جنت تعبان من مشاكل هواي بحياتي وللاسف ما گدرت افصل بين مشاكلي وبينها ، حسيت ان هي لازم تتحمل وياي مشاكلي بدون ان تعرف بيهن ، حملتها اكثر من طاقتها وحملتني حنان الحب
اذكر ان ببداية تعارفنا جانت تگلي ان اكو ولد يحجي وياها لان هي تصممله صور دينية وهو ينشرها ببيجه وجان حجيهم حول الصور فقط وبالمناسبات فقط
بيوم گتلها نحتاج ادمنية ويانا بالبيج گالت
هي - ترة احنا كافي ، ما نحتاج بعد
انا - لا نحتاج ، انا مشغول شوي وانتي جاي تمتحنين
هي - اوكي بكيفك
انا - لا مو بكيفي ، بس هذا الشي لازم يصير
هي- اوكي ، منين راح تجيب
انا - انا عندي صديقة و نحتاج ولد
هي - اوكي انا معلية
انا -شبيج ؟
هي -ماكو شي

انا - يعني تحجين هيج ع اساس انا ما اعرفج ، احجي شبيج لا تسكتين
هي- يعني تريدني اضحك وانت تگلي عندي صديقة
انا - و علي صديقج الي تحجين وياه ، ما فكرتي بية من حجيتي وياه ؟
هي - انا وعلي ما نحجي من شهر و حتى ما اصممله بعد
انا - ليش ؟
هي - هيج
انا - شنو هيج ؟
هي - طلب يخطبني وراد اسم اهلي حتى يحاجيهم وانا رفضت
انا - ليش رفضتي
هي - انت اليوم مدري شبيك ، شنو ليش رفضت هو هذا سؤال
جانت بكل خطوة تگلي احبك وجنت اگلها احبج من خوفي عليها بس ما نطقنا احبك ، كلمة احبك من الكلمات الي اذا نحجت بسرعة راح تفقد حقيقتها وراح تتحول الى مجرد كلمة فقط
مرت ايام صادفت امتحاناتها صعبة صارت تفتح قليل نسولف وترجع تقرة

بهاي الفترة طلبت مني صديقة ان تكون ويانة بالبيج ، اعترف ان هاي الصديقة اغرتني بكلامها وبينتلي ان هي فتاة متمردة غريبة و تفكيرها جان شي جديد علية فوافقت عليها وصرنا 3 ادمنية ، وصرت احجي هواي وياها
من درت زيزو حسيتها ضاجت بس ما گلتلي شي وبعد فترة صديقتي گالت اتعرفت ع زيزو ودزتلي صورتها ودزيتلها صورتي گتلها شي حلو گالت هي تحبك ؟ جاوبتها بأستغراب يعني ليش هذا السؤال گالت لان حسيتها كرهتني يمكن خايفة اخذك منها
بدت زيزو تحجي حجي قوي بس ما اعرف شنو الصار بية بقيت اغلس ع گلماتها بقيت من اسمع حجيها وهي تگلي شو متغير ، ما اهتم ما ادري ليش
بيوم گلتلي تعبت انا
انا - ليش
هي - تعبت من النت
انا - اي احس بيج
هي - راح اتغير
انا - شلون

هي - احب النرجسية مثل ما انت تحبها ، فاذا شي يأذيني واذيتة اكثر من طاقتي ما اگدر استحمله لازم اتركة
انا - لا تتأذين ماكو شي يستاهل ، اتركي كل شي يأذيج
هي - تحجي صدك ؟ شو تغيرت كلش
انا - اي صدك ، لا شوية تعبان هاي الايام
هي - اوكي ، يمكن راح اترك النت
انا - كل النت
هي - اي كلة ، راح اهتم بدراستي وعائلتي طلبت من السيدة الزهراء تعينني وكتبتلها رسالة وادري بيها ما راح تردني
انا - منطقياً انا ما خايف عليج لان اعرف بأيمانج بس شلون اعرف اخبارج
هي - ما اوعدك بشي
انا- برحتج
وبعدها توادعنا واختفت
تعرف لو هاي الكلمة حاجيتها قبل شهر جا گلبت الدنيا عليها وما خليتها تروح
لو

حاجيتها من جنت زين جا سويت كل شي حتى امنعها
لو ، شيفيد لو ، الشي صار بعد و زيزو اختفت ، من اول يوم حسيت فقدتها حاولت اقنع روحي باي شي غيرها
يوم بعد يوم وزيزو ما تنسي ، اشتاقلها اكثر من اي وقت
مثل مريض يدور علاجة بكل مكان هيج صرت ، حاولت اعوض غيابها باي شي ، خلال 3 اشهر كونت اكثر من 20 علاقة وي بنات من مختلف الثقافات والاعمار والاشكال بنفس الوقت اكتب ل 3 او اكثر
بعد 3 اشهر اكتشفت ان ولا وحدة بيهن گدرت توصل شي بسيط من زيزو
اكتشفت شكد مختلفات عنها
شكد فرق بين زيزو الي تفكر بالروح وبينهن الي يفكرن بالشكل والجمال والفلوس
شكد فرق بين بنت العز الي ما باعت دينها
وبين البقية الي بكلمة يبيعن كل شي
شكد فرق بين زيزو الاستادة بالحب وبين الطالبات
~ حتى شكلها الي مجرد شكل عادي ويمكن لو سألني احد ع شكلها قبل لا اعرفها جا گتلة يعني مو كلش حلوة بس هذا الشكل تحول عندي الى اجمل شكل من شفت جمال روحها
بس رغم هذا كلة جنت

احس اكو شي يفصل بينا يمكن علاقتها السابقة ما گدرت انتزعها من عقلي لان جنت انا ما عندي علاقة قبلها فجان شرط ان الي احبها اكون اول حب بحياتها
مرة گلتلي الولد الي جانت عندي بية علاقة طلب مني نتزوج قبل يومين ، ساعتها صدك تدمرت من عرفت ان هي بعدها تحجي وياه ، وضحتلي ان هي ما تحجي وياه بس هو دز رسالة وهي ردت علية ، رغم هذا انا رجل عراقي بالغيرة ما اعرف التفاهم
انتضرتها .... اي انتضرتها هواي
وكتبتلها بكل مكان ......وادري بيها تقرة كل شي اكتبة الها و ادري بيها بعدها تراقبني
وادري بيها جاي تقرة هاي قصتنا ....تعبت من انتظارج
تعبت من البجي وي كل اغنية حب ..تعبت من طيفج السكني
اخر ما اكتبة الج بصفة الحب هو هاي القصة و بعدها حتى رجعتج ما راح تعوض الصبر ...بعدها حتى اذا رجعتي زيزو فراح تكونين صديقة ......بعد الصار زيزو فقدت شهيتي للحب
غيابج سواني ملحد بالحب
نقطة
بهاي النقطة انتهت قصة حب حقيقية
انتهت قصة حب الارواح الي ما تحولت حب للجسد بيوم

شكرا لكم 😊
بقلم
insta/dr_mustafa_r