تزوجني لأڪون خادمة لابنته(باللهجة الجزائرية🇩🇿)

تنويه🔺🔺🔺

كيما قلت في كرونيك لي كتبتها قبل بعنوان(سلطة القلب) هاذي الكرونيك رايحة نبداها في عطلة الصيف العام الجاي بإذن الله☝🏻💞
مي حبيت نمد لمحة خفيفة على الابطال ونورمالمو من عنوان الكرونيك واضحة كيفاش رايحة تكون الاحداث ويبقى عنصر المفاجأة اكيد حاضر بقوة🔥

سيداتي سادتي نعرفڪم  تعريف مختصر بأبطال الكرونيك والباقي تعرفوه كي نكون نهبط في الحلقات:
بطلتنا الرئيسية اسمها"ميار" من عائلة اقل مايقال عنها انها بسيطة كي كامل العائلات الجزائرية باباها متوفي تعيش مع امها"جميلة" وخوها وتاج راسها"نوح"
تقرا سنة ثالثة طب مع صحباتها واخواتها وحبيبات قلبها "جولان" و "انوار"
وميار طفلة متحجبة عاقلة مهبولة+ حاكمة قدرها يعني كثرة الهرج والمرج والضحك مع الجنس الاخر معندهاش عندها احلام اكبر من عمرها وعقلها يوزن بلاد.....
ميار:

في الجيهة المقابلة وبالتحديد عند أغنى عائلة جزائرية اسمهم برك يخليك تحس بالهيبة تاعهم. في قصر كبير يعيشو فيه ناس قلوبهم معلقة ببعضهم كثرة المال والورث ماخلاهمش يبعدو على بعضهم بالعڪس تحسهم بنادم واحد وهذا بفضل الاب تاعهم "سي عبد العزيز" لي علم ولادو من الصغر بلي الدراهم مهما كثرت يجي نهار وتروح وياسعدك يافاعل الخير ولاخوتو سند وقوة
عند الاب الاكبر"سي عبد العزيز" و"مدام كريمة" 3 اولاد و3 بنات احكموهم معايا مايتخلطوش عليكم
الكبير "مروان" متزوج "سارة" وعندهم توأم "نسرين" +"سيرين"
الثاني"احمد" مش متزوج
وبطلنا هو الصغير في خاوتو "جواد" عندو بنت في عمرها 5 سنين(تعرفو حكايتو  وحكاية بنتو في الحلقات الجاية)
البنات واحدة متزوجة لي هي "اكرام" والتوأم"ميلا"و"ميرا"يقراو في الباك

جواد: