راح اعرفكم عن نفسي اني ياسمين واعيش بل بصرة بمنطقة(×××) ويا اهلي الي هماا ابوي وأمي واختي داليا واخوي محمد
امي موظفة بل بمستشفى حكومية وابوي مدرس يدرس جغرافية اخوي محمد طالب ثالث متوسط واختي داليا طالبة سادس ومشلوع كلبها وكل النهار تقرأ
واني عمري 18 أكبر من اختي وطالبة طب اسنان اول مرحلة
امي عمرها٤٣ وابوي عمره ٤٦ متقاربين بل عمر ابوي اخذ امي عل حب وغرام لحد الان يموت عليها شتكول يكَوللها حاضر ومن عيني الله يحفظهم الي
واختي عمرها ١٧ سنة واخوي عمره ١٤ وحيدخل ب١٥ سنة وحالتناا المادية ممتازة
وعايشين احلة عيشي ما عدنا شي ناقصنا من حب،، اهتمام ؛؛ مال كلشي حرفياً كلش سعيدة عندي هيج عائلة
بس اجا اليوم الي افترقت بيه عن اهلي وما ضلت ذيج العائلة القوية الحبيبة لبعضها اتشتت من ورة الثار
اني شنو دخلني هيج يصير بيه ليش جنت عرض ليش مشاكل وثارات
وبل اخص اهلي ما عدهم عدواة ويا احد ...
نبدي القصة
_ كعدت الصبح من النوم عل ضوء الشمس القوي الي يضرب بعيني كَمت من افراشي وشفت الوقت متأخر وعندي طلعة محتاجة نواقص وجنت اريد اخذ ملابس وعطورات واكسسوارات وهيج أمور اني محجبة طبعاً
_نزلت جوة شفت امي ماكو لانو هيا تعرفون موظفة وتطلع للمستشفى
_وابوي مدرس ويروح لدوامه واختي تطلع للمدرسة
واخوي هم نفس الشي
البيت جان هدوء اني جنت ماخذة اجازة راحة نفسية والله
رحت نضفت البيت وكفيت المطبخ خلصت وكعدت انتضر امي شوكت ترجع انروح للسوكَ
رجعو كلهم اتغدينا وكلت لمي ما عارضت وكالت تدللين
وابوي هم رحت بدلت وجهزت وطلعت اني وامي واختي دالياا
_ فتت لمحل جان بيه ملابس تجنن كلشش عجبتني
واحسهن حيل حلوات رحت كدرتهن واخذت كم لبسة
اني عندي ملابس بس احب اغير ما احب البس نفس البسة أكثر من مرة ...
_واخذت عطور واكسسوارات وغسولات ومقشرات والأهم المكياج ما خليت شي ما اخذت وامي تكولي ابنيتي اخذي شنو تريدين
_واني ما اصدك لانو صرافة بهيج أمور واختي هم اخذت
_دفعنا الاحساب وطلعنا من المحل رجعت منتهية من التعب
_ ثاني يوم كعدت اروح للدوام وبعيوني نعاس ومالي خلكَ ياربي شوكت اخلص بعدني اول مرحلة تعبت الله يساعدني بل جايات
_ فتت اخذت دوش ولبست ولفيت الشال واتأنقت وطلعت شفت نفسي بل امراية طالعة اخبش
_ذبيت لنفسي بوسة وطلعت اجا الخط مالتي طلعت وصلني للدوام اول ما فتت شفت صديقاتي اتعرفت عليهن هاي السنة
