انت لي و هو لغيري بقلم رقيه موسي

14

رقيه موسي

قولولي رايكم في البارت
ــــــــــــــــــــــــــــ
في غرفة تيم
هيفين : صوفيا هو انتي حطيتي شطه بالغلط
صوفيا : لا والله دا حتي راكان كان بيطبخ معايا
هيفين : بس مين اللي هيكون حط حاجه في الاكل
صوفيا : ممكن اقول حاجه
هيفين : اه طبعاً قولي
صوفيا : ممكن هدير هي السبب
هيفين : بس لو هي لازم يكون معانا دليل
صوفيا : اللي زي هدير بيعترفوا بسرعه ف ممكن نخلي اي حد من المساعدين يقول إن هي عملت كدا و ساعتها هتعترف
هيفين : فكره حلوه
هيفين و صوفيا نزلوا
هيفين بصوت عالي : هدير ، هدير
فريد : في ايه يا ماما
هيفين : هدير هي السبب في الحاله اللي اخوك فيها
فريد : طيب ممكن تستني لحد ما الضيوف يمشوا و بعد كدا نتكلم
هيفين : لا هدير اتهمت صوفيا قدام الضيوف
هدير جت هي و احمد.
هدير : في ايه تاني مش كفايه اللي ابنك راكان عملوا
هيفين : هو انا معرفش راكان عمل ايه بس اكيد عمل الصح
راكان جي و سمع هيفين و انبسط
احمد : و عايزه ايه بقي يا هيفين
هيفين : هدير هي السبب في اللي حصل ل تيم
هدير : مستحيل انا معملتش حاجه
هيفين : بس انا معايا دليل
هيفين نادت عم سيد ( واحد من المساعدين في البيت )
عم سيد جي
عم سيد : نعم يا مدام
هيفين : شوفت ايه يا عم سيد لما صوفيا و راكان طلعوا يغيروا هدومهم
عم سيد : شوفت مدام هدير بتحط شطه في اكل تيم
هدير : كداب
هيفين : شكرا يا عم سيد
عم سيد مشي
هيفين : بصي بقي يا هدير انا ساكتالك من اول ما دخلتي البيت دا بس كله الا عيالي ف اتفضلي لمي حاجتك و اطلعي برا
جواد ( ابو جونول) : هنستاذن احنا
هيفين : العزومه دي مش محسوبه أن شاء الله هتتعوض
سوزان : اكيد أن شاء الله
جونول و عيلتها مشيوا
هيفين : هو انا مش قولت لمي حاجتك و اطلعي برا
احمد : مستحيل تطلع برا
فريد : ليه مستحيل تطلع
احمد : لأنها مراتي
فريد : خلاص متزعلش نفسك
احمد و هدير ابتسموا
فريد : انت و مراتك برا
وشهم قلب تاني
فريد : علي ما اظن ان البيت دا بتاع ماما يعني هي اللي تقرر مين يبقي و مين يمشى ف ياريت برا انت و مراتك
فريد و راكان مشيوا
احمد : ربيتي عيالك ميحترموش ابوهم ولا يحترموا حد
هيفين : لا عيالي بيحترموا الصغير قبل الكبير معوده انت لأنهم مش فهمينك جسم كبير بعقل صغير يعني مُعاق ف عالج اعاقتك الاول يا احمد ، و ياريت تطلعوا من البيت بسرعه لان ريحت البيت وحشه يلا يا صوفيا
هدير : عجبك كدا
احمد : اعمل ايه يعني دا بيتها
هدير : هنروح فين بقي
احمد : هشتري بيت
هدير : روح يا احمد بسرعه عقبال ما الم الحاجه
عند صوفيا في غرفه تيم
تيم بدأ يفوق
صوفيا : انت كويس
تيم : اه هو ايه اللي حصل
صوفيا حكتلوا اللي حصل
تيم : وهي ليه تعمل كدا
صوفيا : معرفش
تيم : بقولك يا صوفيا
صوفيا : نعم
تيم : في حاجه بينك و بين راكان
صوفيا : لا طبعا بس ليه بتسال سوال زي دا
تيم : اصل لما ماما قالت تسلم ايدك علي الاكل انتي و راكان بصيتوا لبعض ف بسال
صوفيا : لا مفيش بس هو ساعدني في عمل الاكل لاني مبعرفش اطبخ
تيم : كنت متاكد
صوفيا : من ايه
تيم : اصل طعم الأكل نفس اللي راكان بيعملوا
صوفيا : اه دا حتي مرضاش يخليني اعملك البقلاوه كان حابب يعملهالك بايدو
تيم : وانا مكلتش منها
صوفيا : هو ممكن اسالك سؤال
تيم : اه طبعا
صوفيا : هو ايه سبب كرهكوا لبعض
تيم : مفيش اخ بيكره اخوه بس هو مخبي عني حاجات كتير من ضمنهم أنه رائد في الشرطه و أنه كان بيدربك
صوفيا اتصدمت
و تيم كمل كلامه
تيم : صوفيا انا عارف كل كبيره و صغيره في البيت دا بس انا ساكت لان عارف ان كل واحد بيخبي علي شان مصلحته اللي حواليه
صوفيا : طلامه عارف ليه مقاطعوا
تيم : لان بسببه ماما جالها السكر بسبب انها كل دا مفكره أن راكان من المافيا
تيم هنا ضحك
صوفيا : انت بتضحك
تيم : الموضوع مضحك صراحه
رقيه موسي
صوفيا ضحكت و لقول الباب بيخبط جامد
صوفيا قامت فتحت لقت تميم
تميم جري علي تيم و حضنوا
تيم و صوفيا استغربوا
تميم : تيم متخليش ماما تاخدني
تيم : في ايه يا تميم
تميم : ماما بتضربني يا تيم خليني معاك
تيم : بتضربك ليه
تميم : معرفش بس بتقول انها ارتاحت من عيالها ف عايزه ترتاح مني
صوفيا : عيالها هو انت عندك اخوات
تميم : اه عندي بس معرفهمش انا مش عايزها تاخدني لأنها هي اللي بتعملي الاكل و بتحميني علي شان كدا هي قرفانه مني و مش عايزاني
تيم : لا متخافش مش هتعمل حاجه
صوفيا : و علي شان تطمن
صوفيا راحت جابت ورقه و قلم و كتبت رقمها
صوفيا : خد الورقه دي فيها رقمي بس خبيها ولو حصل اي حاجه كلمني ماشي
تميم : ماشي
هدير من تحت و بصوت عالي : تميم انت فين تعالي
تيم : يلا انزل يا تميم
تميم نزل و مشي هو و هدير و احمد
عند : يامن
يامن رن ب راكان
راكان : عايز ايه
يامن : مش تقول السلام عليكم الأول
راكان : السلام عليكم
يامن : وعليكم السلام
راكان : عايز ايه بقي
يامن : انت نسيت المهمة ولا ايه
راكان : لا طبعا
يامن : اممم ، طب هي عامله ايه
راكان : كويسة بتسلم عليك
يامن : انت هتهزر
راکان : ياعم كويسه
يامن : ان شاء الله تبقي كويسه دايما
راکان : امین یارب
يامن :  ايه موقفك دلوقتي
راكان : في ايه
يامن : في حبها هي و اخوك في بعض
راكان : ربنا يوفقهم
يامن : مش مضايق
راكان : مينفعش اضايق لازم افرح لاخويا
يامن : مع انك متقدم ليها مني بس متسامح مع الوضع
راكان : هي متعرفنيش عرفت تیم الاول و حبته ف خلاص كل واحد ليه نصيبه و انا تصيبي مع حد غيرها
يامن  : ربنا يوفقك مع واحدة كويسه
راکان :  يارب يا سيدي
يامن : صح نسيت اقولك انا متصل بيك علي شان اعرفك ميعاد الهمه
راكان : وساييني اتكلم في حاجات مش مهمه
يامن : لا مفيش أهم من اختي
راكان :  يعم مش قصدي بس يلا قول ميعاد المهمة امتي
يامن : يوم 25 في الشهر دا في مصر
راكان : يعني يوم الثلاثاء الجا
يامن : اه
هنا راكان سمع صوت تیم بینده
راكان : تيم بينده ف اقفل
يامن : طيب بس ابقي عرفني في ايه
راكان : ماشي
راكان قفل المكالمة
اما عند صوفيا و تيم تحت نزل راكان و فرید و هیفین لتحت
هيفين : في ايه يا اولاد
تیم : قررت انا و صوفيا نتخطب و هروح اطلب ايديها من عيلتها
راكان هنا اضايق
راكان في نفسه : مينفعش اضايق لازم افرح لاخويا
هیفين : مبروك يا حبايبي
فريد : يبقي خلاص خطوبتي انا و جونول معاكم
هيفين : فرحتوني اوي يا ولاد
راكان مكنش معاهم خالص
فريد : راكان مش المفروض تبارك لاخوك
راكان : اه طبعا الف مبروك ليكم
راكان سابهم و مشي من البيت راح بيته
هيفين : هتروح تطلب ايديها امتي
تيم : ممكن يوم الخميس
هيفين : يعني بعد اسبوع
تیم : اه
فريد : وليه تستني كل دا
تيم بص لصوفيا وقال
: دي رغبت صوفيه
صوفيا بصتلوا باستغراب بس متكلمتش
عدت الايام بدون اي احداث و راكان سافر مصر و جي يوم الثلاثاء
و في مصر الساعه 9 في الليل
راکان و سام راحوا النفق مكان القمبلة و كانت في نفق مترو العتبه
سام و راكان فضلوا يدوروا علي القنبلة و في جهة اخري في نفس المكان كان في بنت جميله هي و مامتها برا النفق
البنت : ونبي يا ماما انا عايزه ايس كريم
الام : اماسي يا حبيبتي انتي كلتي حاجه مسكره قبل ما ننزل و دا غلط عليكي بسبب السكر و دلوقتي عايزه ايس كريم
اماسي : لما اروح هاخد الانسولين بس ونبي هاتيلي ايس كريم شوكولاته
الام : مفيش فايدة خدي الفلوس هاتي وانا هستناكي تحت
عند سام و راکان بعد ما لقوا القنبله في مكان بعيد عن الناس
راکان : سام اطلع هات العدد
سام : هو مين القائد هنا
راكان : معلش يا عم سام
سام طلع وراح العربية جاب العدة و كان نازل تاني في نفس الوقت كانت اماسي نازله وهي بتاكل الايس كريم و خبطت في سام
اماسي : انت غبي مش تفتح اهو الايس كريم وقع انت مش عارف انا فضلت اقنع ماما قد أيه اني اجيبو و دلوقتي انا مش هعرف اقنعها تاني حسبي الله ونعم الوكيل فيك وفي امثالك
سام بعصبيه : اييييه يا ست انتي ، انتي اللي خبطي فيا و كمان التيشرت اتبهدل و متكلمتش و مكنش ايس كريم ب 5 جنيه وبعدين انتي قربتي تخلصيها
اماسي بتمثيل الحزن : هو علي الفلوس دي خمسة جنيه
سام قولي ل نفسك و سعي كدا من قدامي آخرتيني
اماسي : لا السيدات أولا
و لفت علي شان تنزل بس لفتلو تاني
اماسي : وصح نسيت اقو
و قبل ما تكمل كلامها حست بدوخه و سام استغرب سكوتها فجاءه وشافها هيخم عليها وقبل ما تقع على السلم سام مسك ايديها بسرعه
في راجل شافهم جاب كرسي
الراجل : تعالي يابني قعدها هنا
سام شالها وقعدها
(مبدايا كدا دا افضل كابل بالنسبة ليا )
سام : یا انسه اصحي كل دا علي شان ايس كريم خلاص هجبلك غيروا يا بنتي الله يخرب بيتك اتاخرت علي راكان و القنبله هتموتنا دلوقتي كان يوم اسود يوم موافقت
في الوقت دا جت ام اماسي
ام اماسي : اماسي اصحي يا بنتي ايه اللي حصلها
سام : والله معرف
ام اماسي :  شكل السكر علي من الايس كريم
سام : متقلقيش هتكون كويسه
الام : لازم اديها الانسولين
سام : تعالي في عربيتي
سام شال اماسي وراح عربيته
راكان رن علي سام
سام : ايه
راكان بعصبيه : هو ايه اللي ايه الله يخرب بيتك فاضل 12 دقيقه و الزفته دي تنفجر بينا
سام : طيب اقفل ، بصي خليكي في العربيه انا جاي تاني
سام راح بسرعه خد العدة من عند السلم ونزل
راكان : ايه اللي اخرك
سام : مش وقته انجز
راكان خد الحاجة و وقف القنبله
رقيه موسي
عند صقر و يامن راحوا لمكان تسليم المخدرات
يامن للفريق : كل واحد مكانه
الفريق انتشر و كانوا جاهزين
العربيات وصلت و نزلوا منهم بنات
صفر اتكلم في السماعة .
صفر : دول مش بيتاجروا في المخدرات بيتاجروا في البنات
يا من : احنا زرعين واحدة بينهم
صفر : مين
يامن : بنت اسمها اسراء
صقر بعصبيه : وانتوا معرفتونيش حاجه زي دي ليه
يامن : مش وقت عصبيتك دلوقتي يلا اهجموا
الفريق هجم و اسراء طلعت مسدسها
الرئيس : انتي طلعتي ظابط يابنت ال ***
اسراء : معلش بقي خلي بالك المره الجايه دا لو فيه
صفر : يلا خدوهم
الفريق خدوهم بس الرئيس طلع مسدس و كان هيصوب علي اسراء
صقر : حاسبي
صقر خد الطلقه في ايده مكان اسراء
اسراء : یا نهار اسود
الفريق خدوا التجار علي القسم و اتبقي يامن و صقر و اسراء
يامن : انت كويس
صفر : اه كويس
اسراء : هو ايه اللي اه هو مش المفروض تتمرمت علي الارض وتموت
صقر : اعوذ بالله في ايه يابنتي
اسراء : مفیش بس انا مستغربه کانك اتشکیت شکت دبوس دا حتي لما بتشك من الدبوس بعيط من الوجع انت بقي اضربت طلقه و ولا عملت أي رياكش
يامن : اسكتي الله يخرب بيتك الواد هيفرفر مننا دلوقتي
صقر : من امتي يا يامن بنخلي بنت لسا بتدرب تدخل مهمه زي دي
اسراء : ليه انا مشبهش ولا ايه
صقر مشي ناحيت العربيه بتاعته و هو متجاهلها
اسراء : مالوا دا
يامن : يلا يا اسراء

ـــــــــــــــــــــــــــــــــــــــــ
رقيه موسي

               البارت المره دي طويل
        ايه اكتر جزء من البارت حبيتوه
               مين اكتر كابل حلوين