الهاربة والمنقذ

الهاربة والمنقذ 18

آلَفــــــضــــــــلَ 18

وعد:أيان انت رجعت
مصطفي:مينفعش مصطفي
وعد بخوف: نعم حضرتك بتعمل ايه هنا
مصطفي : تقريبا انا توهت بين الغرف
وعد: توهت طب حضرتك دي من غرفتك تقدر تتفضل
مصطفي :ما احنا بنتكلم
وعد بصوت عالي: نتكلم في ايه حضرتك اتفضل
كانت زيري ماشيه في الوقت ده وسمعت
زيزي: فيه ايه يحبيبي ،مصطقي انت بتعمل ايه هنا
مصطفي :مفيش ي ماما بس توهت بين الغرف مش اكتر
وعد: تمام حضرتك توهت بين الغرف رغم انك يعني قاعد هنا بس تمام تقدر تتفضل
زيزي : مصطفي خلاص يلا اتفضل
مصطفي نظر ليها من تحت لفوق
مصطفي مع نفسه(لا خساره فيك ي أيان بجد)
زيزي بخوف:مصطفي سرحت فيي اييه
مصطفي :لا ي ماما طالع اهو
زيزي:معلش يحبيبتي مكنش قصده
وعد:تمام
زيزي خافت لتقول ل أيان اللي حصل
زيزي: شعرك ده ماشاء الله جميل انتي مش محجبه صح
وعد: ايوا شعري ميرسي لحضرتك ،لا مش محجبه
زيزي:أيان طبعا مش هيعرف ان مصطفي تاه في الاوض عشان بس يحبيبتي مش يحصل مشاكل وانا مصدقت ان أيان رجع لحضني تاني
وعد فضلت شويه تستوعب هي بتقول اييه
زيزي: ماشي يحبيبتي ولا ايه
وعد:تمام ماشي
زيزي: هسيبك بقي
زيزي راحت غرفه مصطفي
زيزي بزعيق:مش قولتلك ملكش دعوه بالبنت دي
مصطفي:انا بس توهت بين الغرف
زيزي:مصطفي مش عليا الكلام ده انت فاهم
مصطفي:عايزه ايه دلوقتي
زيزي:اياك اياك تقرب من البنت دي تاني
مصطفي: حاضر خلاص
زيزي:مصطفي انا مش قد أيان يحبيبي ابوه ذات نفسه بيعمل حساب ليه
مصطفي:ماخلاص ي ماما
زيزي:ماشي يحبيبي

نروح عند ريهآمـ

ريهام كانت عرفت هتعمل ايه واتعرفت علي كام بنتوته

سالي(تبع الشغل):بنات اتجمعو تمارا هانم هتعمل اجتماع للشركه كلها
ريهام: يالهوي اول يوم واجتماع بطني وجعتني ربنا يستر
عليا: طب يلا ي اختي عما نشوف الهانم دي عايزه اييه مش كنتي عايزه تشوفي تمارا هانم هتشوفي دلوقتي كتله من الغرور
ريهام: طب يلا نشوف

تمارا: ايه كل التاخير ده يسالي مكنش اجتماع يعني
سالي: معلش يافندم بس
تمارا:خلاص انتي لسه هتبسبسي
تمارا:اظن الكل متجمع احب ابدا كلامي ، دلوقتي حضرتكم الاستاذ أيان هيكون اول يوم ليه بكرا وطبعا اللي مش عارف أيان فهو ابن عمي وليه في الشركه هنا 70% تمام عايزين نكون محاضرين الاورق وكل حاجه تبع كل مناقصه لان كل حاجه هتتراجع،وياريت كل حاجه بنظام لان انا لو اي غلطه انا مش هسمي علي حد تمام
سالي:تمام يافندم
تمارا :تمام ابعتلي القهوه علي مكتبي، و صحيح البنت اللي اسمها ريهام متولي فين
ريهام بخوف: انا
تمارا:جهزي نفسك هتكوني سكرتيرة أيان
ريهام بخوف: تمام
تمارا :القهوه علي مكتبي بسرعه

عليا: لا انتي ربنا معاكي هتكوني سكرتيرة أيان بيه وضحكت عليها
ريهام: بتضحكي لييه متخوفنيش
عليا: لا لازم تخافي ،انا اسمع ان أيان ده يبت واحد مز كده ولا وكل ده فاهو كمان تقريبا حسب ما اسمع خطيب الاستاذه تمارا يعني وبتغير عليه جداا في ربنا معاكي من تمارا عشان حبيبها وأيان عشان الشغل وضحكت عليها جدا
ريهام بخوف:ربنا يستر