علقوا بين الفقرات عمري
صوتو ورداتي
_____________________________
صوت الرمي والرعشه الي بجسمنه خوف وقلق
والولد الفوگ الي منعرف شنو سالفتهم ومنو صاح؟ وليش؟ شجاي يصير؟ أفكار مُرعبة حاوطتني گلبي أحسه راح يطلع من مكانه ألم براسي مو طبيعي أربعتنه جسمنه يرجف مرت خمس دقايق بس أحسها سنين كُل وحده ساده أذنهه نـور بـ أيدها ساده أذن أيـهـم الي من صدمته صوته ماطلع بعد
أيـلـيـف تهمس بـ نـادي عـلياً مُـظهر الـعجائب تـجده عـوناً لـك فـي الـنوائب
تـولـيـن الي بس صافنه ودموعها تنزل شويه يله صوت الرمي أختفى بقينه على وضعنه ثواني نستوعب شكو منگدر نتحرك بقينه بمكانه وره القنفه دقيقتين ونزل يـامـان يركض يلتفت شافنه جر نفس بـ راحه گعد ع الدرج يسند نفسه حچت نـور گوه صوتها يطلع
_شش شكو أنتوا بخيرر؟
_أي بخير
گال هيج وصعد يركض أسمع صوته يگلهم
_الحمدلله بخير مابيهن شي
صعدت نـور وراه وهيه شايله أبنها صعدنه وراها لأن الوضع لا يطاق دخلت على ثاني غرفه ألي همه بيهه بچت وهيه تدخل لغرفة أيـهـم عرفتها لأن أثاثها أثاث أطفال وألعاب وهواي أشياء أله
الغرفه الگزاز مكسر بيها ع الكاروك وبـ الگاع وبـ كل مكان
سكتت وسئلتهم شلون هيج صار وكُل أجوبتهم چانت "ما أعرف" أي واحد منهم تسئله هيج جوابه
شويه وگالت
_أبني أبني لوو چان هنا چااان تأذههه؟؟
سكتو ورجعو يحاولون يهدئونها وهيه منهاره
وخرت من حضن أيـسـر ورجعت لـ أيـهـم ألي أول ما دخلت ركض لـ يـامـان نزلوها جوه لأن الطابق الثاني كله بي زُجاج نزلنا وراهم توزعنه ع التخم الولد أعصابهم فدنوب موصلينها شوي وأجت الشرطه واضح الجيران أشتكو رادو يدخلون يفشتون بس مدري شلون أستاذ مُـهـيـب سكتهم نص ساعه وأجه أتصال لـ أحـمـد رد عليه وخلانه كُلنه مصدومين
_ألووو .... خيرر .... أي .... شنوووو؟؟ .... لااا يااا ***
بدون مقدمات سد الخط بوجه المتصل وشمر التليفون ع الگاع لزم راسه عصره بأيده بـ قوة
مُـهـيـب: أحـمـد شبيك؟
أحـمـد: الگوا* السوه هاي المضرطه كلهاا جدك العاااقللل
أيـسـر: لا يا كلب أبن سطعش كلب
مُـهـيـب: عااار أبن أستغفر الله
دقائق مَرت ويـامـان طلع وبقوا الولد يحللون ليش هيج سوه بس طبعاً كلامهم كله بـ ألالغاز لأن أحنه البنات موجودين يمهم
رن تليفون أيـسـر شاف أسم المتصل وحچه بلعبان نفس
