عُمري هذا حسابي الجديد راح أكمل الروايه هنا
__________________________
إيـلاف: وصلنه السائق للبيت تلگتنه أيـلـيـف من الباب رزلتنه لأن أتأخرنه
_شبيجننن عايفاتني وحدي أحس صار بيَّ توحد من وراجن و...
قبل لا تكمل قاطعتهه لأن أيـلـيـف أذا حچت بعد ما تسكت
_أخخخ راسيي يأذيني باچر رزليني
أيـلـيـف: راسججج امممم ايي واضح بس..
هم قاطعتها وصحت ع تـولـيـن حته ننهزم منهه
_توتي يلههه توتي راسي يأذيني
باوعت عليهه فاتحه شالهه متسنده ع الباب ومكتفه أيديها ودموعها تنزل بدون صوت ركضتلهه أيـلـيـف تصيح
_توتي شبيج؟؟ يروحي بيج شي؟؟
تحچي وياها بس تـولـيـن موو وياها وأشك ماسمعتها لاا موو شك متأكدة رحتلهه
_توتي حبيبتي خلينه ندخل جوه نحچي
ماحچت بس ترجف حطيت أيدي ع كتفها فزت باوعتلي وباوعت ع أيـلـيـف الخايفه عليها وراحت تركض رحنه وراها شفتهه دخلت للحمام
أيـلـيـف بَـ همس: شبيها
_ما ادري
_لعد خل تطلع وأسئليها
بـَ همس: لا عوفيها باچر هيه تحچيلنه
هزت كتفها بطريقة "ما أعرف" وراحت تنام رحت لجدو وبيبي نايمين بغرفتهم
گعدت بالصاله أحاول أرتب أفكاري شجاي يصير وين چنت ووين صرت لمت نفسي ع هواي أشياء سويتها قاطع أفكاري صوت فتح باب الحمام يعني تـولـيـن طلعت رحتلها عيونها حمرر ومورمات وجهه كله أحمر والرجفه بعدهي بيها
_أسويلج عشه؟ هناك ما أكلتي زين
هزت راسهه بـَ لا ونزلت راسهه لزمت أيدها رفعت راسهه
_توتي شبيج سولفيلي
وخرت أيدها حطتها ع وجهها
همست بـَ صوت مخنوگ
_كُلشي غلط بـَ غلط
جريتهه گعدت ع القنفة
قبل لا أحچي هيه حچت
_حياتي كُلها غلط عيشتي غلط عائلتي "بـ أستهزاء" غلط زوااااجييي غلططط
حطت أيدها ع فمها تكتم صوت بچيهه
حچيت بَـ هدوء: ليش هالبچي يروحي ليش
وخرت أيدها وأنطيتها كلنس تمسح عيونها المورمات
قضينه وقت طويل والصمت محتل المكان أنتظرت رجفتهه تروح وتهدء يله أحچي وياها أنطيتها گلاص مي شربته هدئت بديت أحچي وياها بـَ همس
_ليش تبچين؟
_"خلصت عمري أبچي"
سكتت ورجعت حچت
_خايفه
_منين يروحي
_من كُلشي
لزمت أيدها حته تكمل
_يعني الي صار البارحة والزواج ألي بعده ما صاير وأنصاب الولد حيدررر المتأكدة مراح يعوفني ويعوفهم بحالهم أصلاً فكرة الزواج كُلها غلط أني ليش ورطت الولد وياي بمشاكلي
