دخل للعيادة وشغل الاضوية٫ راح لماكنة القهوة وسواله كوب قهوة وسط٫ حط السماعات بأذونه وشغل بلايليست للأغاني المفضله اله ووكف مقابيل الشباك٫ بعد مافتحه والهواء البارد خلاه يبتسم٫ اشتغلت اغنية محببة لقلبه وضحك وهو يشرب من القهوة ع الخفيف٫ تفاجأ من حس بأيدين تلتف على خصره ووجه ينحشر برقبته.
"صباح الخير حبيبي"
وقف يوسف الاغنية وشال وحده من السماعات ودار وجهه على مصطفى.
"صباحي وخيري انتَ"
أبتسم يوسف من باسه مصطفى٫ ومصطفى حس بمرورة القهوة٫ ما كان من محبين القهوة ويفضل الشاي بس مرورتها من فم حبيبه خلاه يعشقها.
"شوكت اجيت ماحسيت بيك؟"
سأله يوسف٫ وهو يضحك بسبب الدغدغة الي حس بيها من لحية مصطفى٫ بسبب انه كان يمرر انفه على رقبته.
"توني اجيت"
اخذ مصطفى السماعة الي بأيد يوسف وخلاها بأذنه ورجع شغل الاغنية٫ أبتسم من عرف الاغنية الي كاعد يسمعها يوسف.
هو الي وحده بعيني أشوفه بينهم كامل٫"
هو اللي ما أبي غيره ولاني مُجبر أجامل"
حس يوسف بضربات قلبة تتسارع٫ لما غنى مصطفى البارت بأذنه٫ وحس بالحرارة ترتفع بوجهه وهو يحس بشفايفه على أذنه.
حط يوسف كوب القهوة على الطاولة الجانبية للشباك ودار بجسمه على مصطفى٫ شال نظارات مصطفى عن عيونه وخلاها بصف الكوب ولف أيدينه على رقبته وقرب وجهه منه.
"لمحته وأرتعش قلبي وضاعت مني أنفاسي.."
ماكمل يوسف البارت بسبب مصطفى الي باسه وهو يقربه أله اكثر٫ شد يوسف أيدينه اكثر على رقبة مصطفى وفتح حلكه بعد ما حس بلسان مصطفى٫ تأوه وشد على شعر مصطفى من دخل أيده بتشيرته وكعد يمشيها على بطنه٫ ورا فترة عض لسان مصطفى ودفعه عنه.
"أخ! هاي ليش؟!"
عقد مصطفى حواجبه وهو يحس بلسانه يلسعه وباوع ليوسف الي جان يضحك.
"اول مراجعة رح تجي بعد ربع ساعة٫ لذلك روح أستعد يا دكتور مصطفى"
كتف يوسف أيدينه بعد ما حط السكراب بأيدين مصطفى.
"مو جنه متعمقين بالبوسه وخوش ناس لازم تعضني يعني؟ خو أنهيها بطريقة رومانسية"
ضحك مصطفى من شاف الحمرة الي انتشرت بوجهه يوسف٫ تقدم اله وطبع بوسه أخيره على شفايفه ودخل للحمام يلبس السكراب.
طلع بعد فترة قصيرة وكان يوسف واكف عند المكتب وبيده الايباد يراجع الحالات الي رح يستقبلونها اليوم٫لبس الاب فوك السكراب وتقدم ووكف كدام يوسف.
أنت تقرأ
11:11
Romanceلُا اعٍلُم ايَن سننتهيَ... ۆلُكن يَكفَيَ اننيَ ساسلُك الُطُرٍيَق معٍك رواية عراقية تحتوي على علاقات مثلية!
