رواية: سكرتيرة|secretary
كاتبة : Selina_Harry
*Part 8* :
من بعد ما اسماء مسحات ميكاب ديالها و لبسات بجمتها مشات تكات في ناموسيه هزات تيلي ولقات مروى كتعاود ليهم على شنوا دارت من بعدما مشات لفرنسا
محادثة هاتفية :
اسماء : سلام عليكم
هند : هاهيا جات لالة لبنات
خديجة: لعروسة جات يما وزينة لبناااات
مروى : ههههه
اسماء: نتي امروى الى مخليتش فيك شي عظم مصحيحش منتسماش اسماء
هند : مالها اش دارت
اسماء: كنا في حفله ويجي واحد خونا وكيقوليا سميتي ايمن هي تمشي خلتني بوحدي معاه
مروى : مشيت عند راجلي
هند : هههههه نودي على سلامتك
خديجة: واع ايو مسيوا احمد مدار والو
اسماء: اش غادي يدير خليت داك خونا مشا يجب ما يشرب وانا ندوز عند احمد
هند : اممممم
خديجة: كيدازت لحفله
اسماء: مزيانه جا صهيب و محمد
هند : ايوا الله يسهل عليهم
خديجة: ايوا مزيان انا راه قريب تقولوا ليا ممرضه خديجة
مروى : هاي هاي هاي الله يسهل عليك تولي دكتورة
هند :ايوا نودوا تنعسوا راه 12 حنا راه خدامين
اسماء: انا لا هههه
مروى : وعلاش
اسماء: حيتاش مسيوا احمد قاليا بلاما تجي غدا غير رتاحي
هند : والله يعطينى شي مدير بحال مسيوا احمد ديالك
خديجة: دبا يجي الحبيبه ودبا يجي
اسماء: هههه كاين غير واحد اااه مقلتش ليكممممم وسيرو تنعسوا
هند.: شنوا
اسماء: مني مشيت عندو من بعد سْلَّتْ من ايمن مشيت وقفت حدا احمد ياك وهوا يسولني واش حفله زوينة انا قلت ليه اه هوا يقوليا بحالك ولكن انا درت راسي مسمعتوش وقلت ليه ها هوا يقولي اه بزااف
هند :🦋🦋🦋
خديجة : الله اكبر وشتي دري راه طيح فيك
مروى : هذا مسيوا احمد
اسماء: أيه مسيوا احمد
مروى : على منعرف مسيوا احمد مكيحملش لبنات
اسماء: ويلي هههه
هند : ولكين هي ماشي اي بنت
خديجة: اممم 😉
اسماء: نوضوا تنعسوا
كلهم : تصبحوا على خير
وهنا بطلات ديالنا ستسلمو لنعاسهم
عند ابطال
باقي مجمعين في واحد قهوى
أحمد : ايوا سيدنا مغاديش تمشيوا لديوركم عذا خدامين
صهيب : مسيوا احمد نتا كدير فرزيات
محمد : متافق معاك اصديقي
أحمد : فاش تحاميتوا
صهيب : نقول انا ولا تقول نتا امحمد
محمد : لا غير قول نتا
صهيب : مسيوا احمد كيفاش مدموزيل سكرتيرة ديالك عاطيه غدا ترتاح فيه هادشي ماشي عدل اصحبي
محمد : اه انا متفق معك ماشي عدل
احمد : انا و (ضحك) مراتي ونتوما مالكم نعطيها عطله
صهيب : سمعتي شنو سمعتي مراتي يلاه امحمد و دوي دبا نتا مع هاذا
محمد : تطور ملحوظ مراتك امتا ولات مراتك
احمد : من اول مرا شفتها( من اول نضره قلبي هديتوا ليك ). وعرفتها
صهيب : امممم تفو نوض نمشي بحالي
أحمد : دبا بحال نتا مكتبغي توحده من صباح ونتى تعود لينا على معرت اش سميتها هندية ولا معرت
صهيب : جمع كرك ازبي قاليك هندية هند ازبي هند لا ش تعرف سميتها قول مرات صحبي وصافي
محمد : باليا انا لي غادي نمشي
صهيب : مين دوا الله يعطيني وجهك
محمد[بحزن] : انا باقي موسلتش لمرحلة مراتي جاتني في واحد ضروف قاسيه على لقلب هههه
احمد : الله يرحمها اخويا
صهيب : الله يرحمها
محمد : امين صافي بدلوا موضوع وندوا ليوم سهرنا بزاف
صهيب : وياه يلاه نوصلوا
ناضو دراري كل واحد هز طموبيلتوا ومشاو لديورهم غير وصلو بدلوا حويجهم ونعسوا
اصبحنا واصبح الملك لله
ناضو ابطال ديالنا
كل واحد قدا حاجتوا ليلبس لبس اما سكرتيرة ديالنا راه كتقلب لجهة لخرى باش تكمل نعاسها لكن ما غاديش يكمل حتى كتسمع اسماء صوت ديال ماماها هي كتغوت بسميت باباها بجهد مفهمت والو ناضت كتجري لبسات بنطوفتها و خرجات من. بيت حتى كيتوسع عينيها من صدمة باباه مليح فلأرض و ماماه كتحاول تنوضوا اسماء مشات كتجري عندهم
اسماء [مخلوعة]: اش واقع
فاطمة [مخلوعة]: معرفتش باباك كان واقف حتى طاح
اسماء : خاصنا نعايطوا لأنبيلونص
من بعد مدة طويلة جات سيارة الإسعاف ومشاو معاها وصلو لسبيطار ودخلوه اسماء ل كانت كتبكي وجالسين كيتسناو في طبيب يخرج
عند خديجة
لي كانت خارجه من عند واحد لمريضه حتى كتبان ليها اسماء وماماها مشات عندهم
خديجة: سلام مالكم وعلاش كتبكيوا
اسماء : معرفتش هئ ندت صباح لقيت بابا طيح في أرض وماما حداه كتبكي معرفتش اش طرا ليه
خديجة: تهدني يكون خير واش دخلوا هنا
[شيرات ليها على باب ديال مستعجلات]
اسماء: اه
خديجة: انا غادي ندخل نشوف ونقوليكم
اسماء: وتقدري زعما نتي باقي متدربه ياك قلتي حتى تديروا شي حفله ولا معرت
خديجة: لا راه ترسمت لحفله تأجلات في مشاكل وقعوا لواحد طبيب مهم انا غادي نمشي
اسماء حركات ليها راسها بأه خديجة مشات دخلات من بعد 2 دقائق خرجات خديجة ومعاها حتى طبيب اسماء و ماماها ناضوا عند طبيب وسولوه
طبيب: سيد راه قلب ديالوا بدا كيضعف نبضات ديالوا ضعافوا على لعلم ديالي راه ممتبعش دوى لخرجوا ليه
اسماء: ولكن اينا دوا بابا مكان كيشرب حتى دوا ديال قلب
فاطمة غير كتشوف حيتاش عارف لمرض ديالوا هوا لي قاليها متقوليها والو
طبيب : واش مفخبركمش راه كان جا لسبيطار دوزو خدا دوا
اسماء دارت عند ماماها وكتقف قفف وعينيها غرغروا: ايمتى هادشي ومن ايمتى وعلاش مقلتوش ليا والو
فاطمة : تهدني ابنتي انا مدرت والو باباك لي راسوا قصح وهوا مبغاش يكمل شريب دوا وقليا متقوليها لحتى واحد حتى يدي مول امنه امانتوا عيت معاه والو
اسماء [كتبكي]: علاش علاش
خديجة شدات اسماء وجلساتها وكتهدن فيها اما فاطمة بقات كتهدر مع طبيب
طبيب : خاص ضروري يدير عملية وخاص شواحد يتبرع ليه بقلب حتاش قلب ديالوا عيا ومنقدروا نديروا ليه والو
فاطمة [مصدومه]: وعملية بشحال
طبيب : 15 مليون
فاطمة [مخرجة عينيها] كيفاش 15 مليون
طبيب : عملية لي كتكون على شي أعضاء مهمين كيكونوا غالين وعوتاني خاص تقلبوا على متبرع افي هاذ سيمنة ضروري يدير لعملية فاالله يسهل عليكم
فاطمة: امين
مشات فاطمة جلسات حدا اسماء و خديجة
اسماء [بصوت مبحوح]: اش قاليك
فاطمة : خاصوا يدير ضروري يدير عملية في هاذ سيِمَنة وعملية غالية 15 مليون
اسماء: 15 مليون
خديجة: عملية ديال زراعت قلب كتكون غالية كتوصل تال17 18 مليون
اسماء: ولكن منين غادي نحيبوا هاد فلوس كاملين
فاطمة : منعدناش عتى 4 مقدين 15 نحاول نبيع دهب لعندي ونتسلفوا من عند ناس
اسماء كنت كتفكر حتى تفكرت سي احمد نادت غدا خرجى من سبيكار كتجري وعينيها كيدمعوا شدات طاكسي وغادا لشركة جالسه فطاكسي وكتفكر الى فقدات لأب ديالها اش غادي يطرا ليهم و كيفاش غادي يديروا بقات على هاذ لحال حتى وصلات دخله كتجري وكتجر فبنطوفتها وشعرها مخربق وكتجري غادا لمكتب ديالوا دقات
أحمد : دخل
دخلت اسماء وقفه كتنهج وعينيها منفوخين بلبكى وشعرها مخربق أحمد تصدم كيشوفها فديك لحاله ولابسه بيجمة وجاي خدمه
اسماء: سي احمد خخخاصك تتعاوني
أحمد : تهدني جلسي بعده مالك في هاذ لحاله
اسماء عينيها بداو كيدمعوا وجلسات احمد جلس قدامها : فاش خاص نعاونك
اسماء [مسحات على عينيها] في فلوس زعما تسلفني
أحمد [غوبش فيها ودار شوفات ديال كيفاش ]: وعلاش
اسماء [كتشوفيه ] : خاصني فلوس واحد عملية وانا معنديش فلوس جيت عندك باش تسلفني فلوس تقدر تقطع ليا فلوس من خلصتي وندير لبغيتي
أحمد : نقدر نعرف لاش هاذ عملية واش مريضه
اسماء: لا ماشي انا بابا
أحمد : اه الله يشافيه [هز شيك ديالوا] شحال بغى
اسماء: 15 مليون
احمد : نعطك هاذ مبلغ كامل ولكن بشرط
اسماء: شنهوا
أحمد : تزوجي بيا
اسماء [تصدمات]: كيفاش واش عارف اش كتقول
احمد [صارم]: اه انا عارف اش كتقول ياك قلتي لبغيتي نديرها ايوا هذا هوا شرط الى بغيتي تخدي فلوس متخافيش هاذ لعرس غادي يكون صفقة بيني وبينك تربي معايا امجد ومني يعرف شوية نقدرو نطلقوا
اسماء : واش كضحك عليا (مفهمتش هاذ شخص مريض في عقلوا ولا معرت ولا عندوا انفصام في الشخصية )
احمد: مكنضحكش
اسماء[كتفكر في باباها ]
أحمد : كنتسنى
اسماء: موفقه
أحمد : من بعد ميدير باباك لعملية ويبرا انشألله نديروا شي حفله صغيرا الى بغيتي
اسماء : انشألله
احمد واخيرا لقى فرصة باش يتزوج حب قلبوا (حب من أول نظرة 😂)
اسماء خرجات وكلشي كيشوفيها هي خنزرات فيهم وغادا احمد منوراها مشاو لبركينݣ دخلوا لطموبيل واسماء تكات على شرجم واحمد كيسوق
احمد : اينا سبيطار كاين
اسماء قلت ليه اينا سبيطار ورجعات تكات
عند هند
لي كان واقف عليها اصحاق
هند : واش نتا مكتسمعش ولا صمك قلت ليك معنديش نمره
اسحاق : واش كابن شيواحد دبا معندوش نمره
هند : انا
اسحاق : دبا عطيني نمره وخلينا هانين
هند : مالك اخويا لصقه اويلي مبغيتش نعطيك
اصحاق : ولكن انا باغيك
هند : سير بغي شوحده خرى انا راه منصلاحش ليك
اسحاق: لا انا بغيتك نتي ودبا عطينى نمره
هند : ياربي تصبرني معنديش نمره
ولكن غادي تفضح و صوناليها تيلي هزاتوا وشافت خديجة
هند(ااع علاش تفو ): نمشي نجاوب
اسحاق [ضحك جنبيه]: سيري ( ولهيلا قلت ليك معنديش نمره )
هند مشات وجوبات على اتصال عودات ليها خديجة على شنوا واقع لأسماء
هند : فأينا سبيطار نتوما أنا جيا
خديجة: سبيطار **** انا كنتسناك اسماء معرفتش فين مشات غير قطعات هند خديجة لمحات اسماء طالعه في طموبيل معاها احمد
خديجة: اويلي هذا اش كيدير هنا
عند اسماء خرجات من طموبيل ومشات غادا بلعقل عند خديجة
خديجة: اش درتي
أسماء [عينيها لمعوا] خديت فلوس من عند احمد ولكن هوا شرط عليا شرط
خديجة: لهوا
اسماء: نتزوج بيه
خديجة [غوتات]: كيفاش
اسماء : صافي سكتي تاتجي هند ونهضروا
خديجة: صافي سري دخلي نتي واحمد راه كيتسنى فيك انا نتسنى هند
اسماء: وخا
مشات اسماء عند احمد وغادين لعرفة ديال باباها جلسوا شويه اما هند جات وهاهوما دخلين هند حلسات حدا اسماء خديجة مشات تعيط على طبيب دازت 3 دقائق جا هوا وخديجة اسماء غير شافتوا ناضت و......
Hadi hya part 8
Sem3o lornya li kayena lfo9
See you next part 👋🏻 💋
