#من _ رماد
بقلمي : نسمة الجابري
فضلا وليس امرا تصويت للبارت + كومنت
🩷🩷🩷
***
سولاف : طلعنا كلنا سوا ومريم تشرح النا كيف رح يعملو استعراض وزفة للؤتيل وبعدين نرجع على البيت
لونا : توڤان ورهف وين
مريم : بتواليت هسة تلكينهم ينتضرونه
صارت هوسة هوسة والتواليتات فارغه طلعنا نشوفهم اكيد طلعو برى بس الي شفنا محد متوقع يشوفة!!
الحسن : روحي للبنات رهف وآنتِ غطي شعرج
وتعالي منااا
رهف : ما لحكت افتح حلكي وانطق حرف
ذب هلكم كلمة بسرعه وسحبها من ايدها ومشة
بس يريد يبتعد عن النسوان والزلم الي ترسو الشارع واهية محتارة بالكعب كوة تمشي
توڤانا : حسن أيدي جاي توجعني شبيك!
الحسن : _______
توڤانا : مارد علي بس مبين من طبكة حواجبة واصلة ويا كلش معقولة مايريد يرجع وعلمودي اجه التزمت الصمت ثواني من وصلنه للشارع نريد نعبر همزين ما ترك أيدي جان متت من الاحراج
وحده بعمري وطولي واناقتي وبرستيجي شكلة؟
ها اخاف من الشوارع العامة تعال عبرني خاف تجي شاحنه وتطيرني
عبرنا الشارع وكم خطوة وصلنا للسيارة فتحلي الباب الكدامي وبقى وراي لمن ركبت وسد الباب
مستعجل مستعجل مدري شبي
عزا يريد يوصلني ويلحك الزفة شلون نسيت العريس صاحبة !
طفة إضاءة السيارة والدنيا مغرب ومغيمة
صارت شبه مضلمة
بهمس : حسن
ناديته بصوت خافت لان مبين متضايق كلش
اقل كلمة او تصرف ينفجر بوجهي واذا نفجر بوجهي اخذ موقف واذا اخذت موقف راح اثكل وجهي علي واذا ثكل وجهي يعني اصير رسمية ويصير عدوي واذا صار عدوي يعني راح اتعامل ويا كأنما لم يخلق يعني تصير علي علامة X
باوعلي بدون لا يجاوب
توڤانا : اذا مضايقتك وتريد تروح للزفة عادي
اروح وياك مو مشكلة انا بس صدعت من الأغاني وتعبت من الكعب وإذا تريد هم جيب فاطمة ونور ويانه ما اريدها تتحسس وانتو توكم هديتو وتسويلك مشكلة جديدة
شغل السيارة بدون لا يجاوبني
خمس دقايق يسوق وساكت وانا عيوني على الشارع لحدما قرر ينطق ويقطع الصمت
الحسن : انه هم راسي صدع هاجت عندي الشقيقة
فكلت لإياس اخذج بطريقي والبنات اكيد ما يجون هسة يشوفون الزفة يالله
توڤانا : هممم، بقينا ساكتين تقريبا عشر دقايق لحدما صارت على اليمين استدارة طفرت من مكاني حتى اهوا مثل الجان صافن وخترع
الحسن : اسم الله ابوية شبيج
توڤانا : راح نفتر منا
الحسن : اي ليش؟
توڤانا : اوكف اوكف ارفع ردن قمصك
باوعلي صافن بوجهي كأنما احجي غير لغة سحبت ايدة فتحت الدكم مال ردن قميصة وطبكته للعكس ورجعتها على لستيرن الثانية تولي مو مهمة
أنت تقرأ
مِــــــــن رمـــــــــاد
Romanceتعالت اصوات الصراخ واحنه نشوف تابوت الصغير مدخلينه الولد والكل منهار محتارين بالفاجعة الجديدة الي حلت علينا ، وصوت صريخ فاطمة واصل لاخر الشارع قاطعنا صوت توڤان واهية واكفة قريب علينا عيونها ورمانه وجفونها حمر ، ... هسة حسي بوجعي وشربي من نفس...
