مِــــــــن رمـــــــــاد

Part 5

#من _ رماد

بقلمي : نسمة الجابري

فضلاً لا تنسو الايك والتعليق بين الفقرات

   
                  ***************

  توڤانا : اجذب اذا اكول نصدمت
لالالا  ما نصدمت
الكلمة الاصح هي نصعقت
هيج حسيت نزلت صاعقة رعدية وضربتني على راسيي
تسجيل صوتي لحوار الاشهب ويا هشام بمعركة غاضبة
الاشهب ما يحجي لا مثل الأسد الجريح الي يزأر
رجع عاد كلشي حجيته الة لهشام ويسأله عنهم وحده وحده اذا صدك وهشام كلما حاول ينكر
الاشهب يقاطعه بشي ثاني

الاشهب : ما اريد اسمع منك ولا كلمة بس اي او لا
صدك مسوي كل هلحجي؟

هشام : بوية والله اعتذر منهم بس طلعني منا
اعدائي هواي ما أطول يكتلوني ما الي غيرك بوية

الاشهب : لو متصرف مثل الاوادم لو صاير اب مثل العالم جان هسة صارلك ابن يوكف بضهرك
صح مو من صلبك بس جان دخلك للجنه لان يتيم
يتيم ام ويتيم اب
الأطفال  الي ضليت تعذب بيهم ربو وهتمو وراعو الأطفال الي معتبرهم انت قطع لحم وتنهش بيهم مثل الحيوان المتوحش

وجبيرتك؟
ولك لبنيه ربت تلاثة أصغر منها لا من حياتها ولا من دراستها ولا من أهلها شيلتها حمل فوك حملها
وما كتفيت بهالشي جنت تكدر تتركهم بدون اذية
بس ضليت تشوه بيهم  حتى أصغرهم حسبي الله عليك ولك حتى قطعه اللحم الي بعدها باللفة مارف كلبك علي ومرضته مرض مزمن!

وقبلهم عفت يعرب لا ام ولا ابو ضربته عذبته هنته عيشته اليتم وانت عايش !!
المن تخلف وتذب اذا مو كفو

هشام : بوية اعتذر والله بس طلعني واعتذر منهم
الاشهب : تعتذر منهم عكبيش؟
شايف توڤانا شلون صايرة؟
يمكن لو تشوفك جنازة ما راح يرف شي بيها عليك
لو آشهب الي ما شايفك ولا يعرفك  اصلا 
يصح لغيرك بابا

هشام : بو....
الاشهب :  ااششش ولا كلمة انه سحبت أيدي منك
انت دخلت روحك بهالحفرة القذرة انت طلع روحك، واذا صار وطلعت بعد ما الك مكان
لا بيتي ولا شركتي ولا المعمل
  
_ هذا اخر كلام سمعته وراها بس صوت هشام العالي يصيح ويستنجد وحتى وصلت بي يكفر
الضاهر الاشهب عايفة وطالع

ما حسيت شكد الموضوع جان حاز بخاطري الا هسة من سمعت الكلام مو لان دافع عنا لاشهب لا
ماعليكم هذا مجرد عتب وصدمه متأكده الاشهب يجي يوم ويلين بس انا طايرة طايرة طايرة
لان الاشهب بدون لا يدري قدملي خدمه
بعدين اكلكم شنو
بس الي برد كلبي هوا صدمه هشام بالاشهب وكلامه ثلج ثلج بحيث طفرت على الجرباية بحماس كاتمة صوتي حتى لا ينسمع الصريخ

للساعه 2 ما غفتلي عين من السعاده
اول جولة الي الجاي أقوى يا هشام راح انتضر خطوتك بفارغ الصبر....