احفاد الحجي سلام

البارت السادس عشر

حطو براسي طلقه وموتوني
وشيلوها الجنازة وشيعوني
ادري ايامكم مو حلوة وياي
عيشو ايامكم الحلوة ببدوني
بنص الفاتحه ضحكوا لتبجون
واذا مر اربعيني لا تجوني
لبسوا الوانكم لتحبها العيون
ولتلبسون الاسود هذا لوني!
ذكروني اذا مريت عالبال
وادري انا جذب ماتذكروني
مااستغرب من الغربة ينسون
انا المنهم وبيهم نسوني
حياتي انا عشتها هموم بهموم
واحسنها ثكيله علية لهدوم
كلت ايام ويروح الحزن هذا
بس الحزن مافارگني ولايوم
عشت العمر كله خنگه البيت
انا بيتنه ويومية معدوم
يجيني الليل جايب حزنه وياه
مااذكر نمت انه اله انه ملجوم
مااذكر غفيت وراسي مرتاح
حلمت اتعذب من الجاي والراح
مامرتاح كلش حتى بالنوم
وصيتي وخاف اموت وادري ماادوم
شگوها صوري وحرگوها الهدوم .

الفضل: يالله كومو كافي خلي نرجع ض

تاليا: بعد وكت

الفضل: لا يكَلبي كومي

شيلان: وكف زمن هسه اعاونك تكَوم

زمن: لا ايدج هسه اني اكوم

روح : وكف ركضنه اني ونفس كومناه

زمن: بوياهههه اروح فدوة لبنات مسلم الحنينات

بارق: بلا صبغ ماننطيك

داليا: ليش يابه شبينه وماتنطونه

روح: تجننون ماعليج منو

زمن: بلا شقه عوفو يالله

الفضل: وكف احنا نمشيك داليا لاتسوقين بسرعه مو زين على زمن

داليا: مو جينه سباق كلشي مابي

نفس: لا متوجع بس انتي حم...ه

داليا: انجبي شنو تسوقون بسرعه واني لا

الفضل: محد يسوق سريع بس لاتسوقين انتي واذا كالتلي تاليا سقتي سريع اجي اشبعج كتل

داليا: لا فضول ماسوق

الفضل: وعد

داليا: وداعه وعد ورعد بعد هههههاي

روح: انجبي وولي

داليا: اي عيني غثيناج بالاسم

نفس: دالياااا

داليا: ماكتيلها

روح: شتكلي

تاليا: ماعليج منهل خلي تولي

روح: احجي داليا

داليا: اشاقيج يولي كلشي ماكو يمي نفس ضربتها وحجيت بهمس ماكتيلها

نفس: لا ماكتلها عليش تجفصين

داليا : والله ابالي كتيلها اسفه

نفس: انكلعي ولاتسوقين بسرعه اخوج مايكدر

داليا بصوت عالي: وداعة الاسود مااحجي بوياااا يذبحن ذبح العيون الخضر

بارق: راح اجي واعلمج اشون تصيحين