مشاهد من كتاب الاطلس " دمليج الاسود "

مشهد ساره وفاهد

"سارة"

خزرني حيل وگام ورجع يفتر ويلعب بالزنجيل الي بيده يفرفره ومخنزر حطيت ايدي على حلكي مفرفحه..

-فاهد: ليشششش تبجييييين؟؟

زدت بالبجي ومغطيه وجهي ارجف تهت ضعت وحدي احتاجيت سند اسند لشوكت ابقى بهذا العذاب..

نزيت على صوت طرق الباب بقوه ندار فاهد عليه
فاتح عيونه

-اتصلتيي باحد؟؟؟؟ 

-لا لا ماتصلت لا

-اني اعلمج ساره بس انطيني صبر

-ماكلت الاحد ماكلتتتتت

-فاهد افتح الباب فاهد

طفل وجحظن عيونه حط اصبعه السبابه على شفايفه وهمس..

-اشش لاتحجين شي ماريد صوتج يطلع فهمتي؟

-اي اي

ماعرف منو هذا الشي فاهد انرعب منه عدل ملابسه وحمحم يسوي روحه طبيعي وگف بجانب الباب بدون لايفتحه

-فاهد ادري بيك هنا تفتح الباب لو اكسرهاا

غمض عيونه وحرك براسه موافق كان الي بره ديشوف حركاته فتح جزء بسيط من الباب ورسم ابتسامه على وجهه!!!

-فاهد: شهيب! شجابك هنا؟

-شهيب: تعال بره

-فاهد: ايي بس ثواني جايك

-شهيب: كلت هسه

اسمعهم وگلبي يدگ بقوه ابتعدت اختل روحي بزاويه الصاله وانرمطت بتعلاگه الي معلگين جاكيتاتنا شهگت خايفه من انفتح الباب على وسعه ودخل شهيب صرت انتفض من شفت عيون فاهد راح تطلع من محجرها من الخزر..

-شهيب: شد يصير هنا؟؟

-فاهد: شنو يصير يعني

-شهيب: انتي ساره صح،

هزيت راسي اي وفاهد مستمر بالخزر نزلت راسي امسح عيوني وداخلي راح ينفجر من الخوف

-شهيب: شبيها ملابسها فاااهد؟ ليش متمزقات؟؟

-فاهد: واني شكو بعد تريدني اجيب ابره وخيط واخيط ملابس العالم!!

-شهيب: ساره ليش فاهد وياج هنا؟ واخوج يعرف بهذا الشي لو لا؟؟

-ساره: تعرف اطلس؟

همستها بحس خافت وعيوني روحي تعلقت بهذا شهيب حسيته نزلي من السماء هوه راح يحميني

-فاهد: اهوو انته شبيك شجابك هنا امشي نطلع بره

-شهيب: اي اعرف اخوج ساره واعرفه عدل هم، امشي نطلع فاهد وبعدين حسابك

ماخليته يكمل وعطت واني اغطي وجهي بايد وجسمي بايد اريد احمي روحي

-فاااهد راح ياذيني فاااهد

اني كلت هيج لو فاهد نكلب شيطان رجيم عيونه طلعت كدام وراد يهجم عليه وشهيب فورا كتفه من وره

-فاهد: ساااااقطة جذااابة هاي جذااابة

-شهيب: فاهد كلمه ما اسمع منك فاااهد

فاهد يصارع يريد يتملص منه وذاك شاده بقوه الي خدمني وريحني شويه شهيب ضخم ومسيطر على حركه فاهد..

-فاهد: اندمج والله اندمكممم كلكم

-ساره: لا عوف اهلي

-فاهد: اليوم اعوفج بس ما راح العمر كله اربطج بيه وذا حجيتي البشر عن حديثناا والصار انهيج وانهيم
وانتي تعرفيني شنو ومنو

-شهيب: كدامي وتهدد حضرتك!!

-فاهد: شهيب لاتلزمني شهيب لاتمتحن صبري هدني

-شهيب: اهدك بس لو شفتك تقدمت خطوه وحده خطوه باتجاه البنيه انهيك فاهد وانت تعرفني عدل

هده وابتعد خطوه وگف فاهد يلتقط انفاسه ويباوعلي بحقد راح ياكلني نزل شال قفازاته من الگاع شد على رباطه وعدل جاكيته وطلع من الكوخ
وطبك الباب وراه..

وگعت بالگاع انهاريت ودگيت ولطمت ملخت روحي تملخ وين انطي وجهي وين اضم روحي شيردون مني ذوله المخابيل المرضى النفسيين شيردون گمزت اوگف على حيلي من سمعت صوته بعده بره
رحت اقفل باب الكوخ باحكام وفتحت جزء من الشباك اشوف بعدهم الاثنين واكفين يتماترون
ويتعاركون، فاهد نار بركان وشهيب يجاوبه برود

-فاهد: شتريد؟ انت شجابك للمغرب شجابك؟؟

-شهيب: عجبني

-فاهد: شعندك هنا شنو لاحگنه انت شتريد؟؟؟؟

-شهيب: بكيفي ياخي شنو حضرتك تحاسبني؟

-فاهد: شمعرفك بيه هنا؟؟؟؟؟؟؟؟

ضحك شهيب بخفه وسد دگمه الكوت ميل فمه وعدل مقدمه شعره بيده دفعه فاهد من صدره بقوه
وعاط...

-فاهد: احجي ابن الشوم احجي

-شهيب: ابن الكلب

وصار ملاطم واحد لازم الثاني من ياخته يهدد وينثني مضارب على بوكسيات على راشديات شهيب ولى فاهد وليه فصخه تفصخ واحد يسب بالثاني واحد يغلط على ام الثاني..

-فاهد: ابن ماريا ام الزلم مسترجل هههههه

-شهيب: ابن شمسون الوصخ كبران

-فاهد: ماكو وصخ غيرك ابن الدايحه

ثبت شهيب ركباته على ضهر فاهد الواگع بالگاع وشد ايده وهمس شي باذنه واضح استفز فاهد بس ماگدر يحجي گام عنه شهيب وتمشى گم خطوه وانهار مره ثانيه يباوع باتجاهيي..

وخرت بسرعه من الشباك شافنيي اباوعلهم
شافنيي...

يتبع..

كولو زينب مامدللتنه بارتين بيوم واحد 🤎🤡

لاتقصرن بالتعليقات تره اصيح حضجن 😔🤎

احبجننن 🤎🤎🤎.