مشاهد من كتاب الاطلس " دمليج الاسود "

مشهد مريم ومالك

"مريم"

بعد كم يوم بعد الصار كعدت الصبح وطخت ببالي
فكره گمت بدلت وكشخت على اخر حبايه، واخذت السايق وطلعت متوجهة للمكان المنشود. اول ماوصلت وخطيت خطوتي داخل المكان استرجعتني الذكريات الحلوه

تذكرت اول يوم داومت بشركة"الاطلس " وتذكرت
نظرات الكل وهمه مزعوجين من فستاني المورد، ضحكت بيني وبين نفسي مكممه فمي وعبرت البوابه...

سلمت على الموجودين لكن انحرجت من نظراتهم
يبتسمون بوجهي ويبسبسون بين بعض..

عدت ادراجي اروح لمكتب اطلس ومنار كالت طالع
باجتماع انقهرت من ماشفته اساسا الجيه كلها على موده طلعت من الشركه نويت اشتري كهوه من الكوفي القريب احب كهوتهم وصيت ووگفت ادفع فلوس وخرعني صوت واحد بجانبي يكول...

-اخيرا شفناچ

-ياربي وگفت گلبي استاذ

-مالك:مو قصدي اخرعج

-شنو انت عايش بهذا الكوفي

-هههههه لابس احب كهوتهم

ماجاوبته اخذت الگهوه وطلعت بسرعه تبعني احسه يمشي ورايه قلقت والتفتت عليه اشوفه مبتسم ومثبت عيونه عليه...

-مالك: مشتاقين لزوجج مينشاف صاير

مجاوبته وكملت طريقي اتمشى، وكفني وگال بهدوء

-مالك: اني اتزوجت مريم

صدقا فرحت من كل كلبي الابتسامة شقت طريقها
لوجهي وكلت بفرحهه هادئه..

-مبارك الك

-شكرا، ماتوقعتج هيج تفرحيلي

خفيت بسمتي وهزيت راسي لا نزلت عيوني على الكوب الي بيدي وكلت...

-ليش لعد؟ ربي يوفقك. اتمنالكم السعاده

-شالعة كلبي

حجاهة بابتسامة ماعرفت منو يقصد وضجت من وكفتنا سوه من شافني متململة فورا اردف..

-زوجتي شالعة كلبي تصير اقاربي وفرق العمر بيناتنا
هواي ولسانها طويل وعنوديه نفسج

-نعم؟؟

-اسف ماقصدت اكول هيج بس شنو لا ماتوصلين
لعنادها تخليج بالجيب الصفح

هزيت راسي مبتسمه تركته بدون لا اودعه انقهرت من نفسي ليش واگفه وياه واسولف اخذت تكسي وطرت للبيت لليل رجع اطلس وگعدنا نتعشى سولفتله اجيته للشركه وما لكيته بقى الوقت كله صافن عليه ويسالني...

-شكو ماكو

-ماكو شي كتلك شسويت اليوم بس حرامات انقهرت من ما شفتك

-امم

-اي وانت شلونه اجتماعك؟

-لطيف