عشقت افعاله

part 2

﴿عشقت افعاله ﴾
﴿البارت الثاني﴾

مو تنسون التصويت والتعليقات بين فقره وفقره بل بارت علمود استمر قدرو التعب بناتي
٭٭٭٭٭٭٭٭٭٭٭٭٭☆٭٭٭٭٭٭٭٭٭٭٭٭٭
في بيت......
وصلت ملك وهيه منهاره ودموعها على خدها دخلت الشقه وفايزه كاعده تقراء بل قران..
فايزه:-اول ماشافت ملك حالته صدقت بالله العظيم وقفلت المصحف وكالت شبيج ملك يمه
ملك:-مسحت دموعها وكالت ماكو شي ماما
فايزه:-شلون ماكو شي وانتي بالمنظر هذا
ملك:-حجت الامها الي صار كله بل مطعم وهيه تحجي ودموعها تنزل على خده...
فايزه:-كافي حبيبتي أنشأ ءلله ماكو شي
ملك:-انتي شايفتني غلطانه ماما؟!
فايزه:-لايمه عين العقل الي سويتي والله افتخر بيج
ملك:-ماصدكت انو لكيت شغل منه الله حسبى الله ونعمه الوكيل بي
فايزه:-ربنا عنده الخير كله ومالج نصيب بهذا شغل يايمه احمدي ربنا في الضراء قبل السراء...
وخليج مذكره الايه الي تكول بسم الله الرحمن الرحيم ﴿ان مع العسر يسرا ان مع العسر يسرا ﴾صدق الله العلي العظيم يعني ان شاءلله فرجه قريب
ملك:-ونعم بالله ماما الحمدلله بل السراء والضراء،
فايزه:-ربي يبارك بيج وبخواتج البنات يلاا كومي حبيبتي غيرى هدومج ونامي شويه لحد مايجين خواتج..
ملك:-لاا خل اساعدج
فايزه:-لا بنيتي كومي بدلي ونامي اني مخلصه كلشي وجنت اقراء بل مصحف لحد ما تجون،
ملك:-ماشي ماماتي اترخص
ودخلت غرفته وغيرت هدومها وتذكرت الي صار وكعدت تحسب ربنا بي....
..........................
في فيلا فريد.....
وصل فهد هوا على اخره دخل الفيلا من غير ماينطق ولا كلمه
سهير:-الناس من تدخل تسلم لو تحجي شي يمه،
فهد:-وهوا يدوس على اسنانه يمه ممكن شويه تعوفيني...
سهير:-شهل قلة الادب ماتحجي عدل وياي مثل البشر
فهد:-يمه اني جاي طالعه روحي تره في فدوه بدون كلام ابوس ايدج لاتفتحين وياي اي موضوع وعافه وصعد عله غرفته.
سهير:-راحت فتحت باب المكتب ودخلت لفريد وهيه بعصبيه شوف ابنك شنو جاي يسوي.
فريد:-ياسوسو ياحبيبتي عوفي عله راحته هوا مو صغير علمود نتحكم بي ثنينه هذا راجل طول بعرض،
سهير:-يعني هسه اني صرت غلطانه مو بيك فريد
فريد:-لا ياست اني غلطان هسه ارتاحيتي
سهير:-مو اني اعرف مراح اخذ لا حق ولاباطل هاي العيشه صارت تقرف
وطلعت من المكتب ودخلت غرفته...
.......................
عند فهد
جان معصب وجر مبايله واتصل على باسم..
باسم:-ها ضلعي خير صاير شي
فهد:-باسم راح ادزلك صورت بنيه على الوتساب اريد منك وتروح تسئل عليه وتشوف معلوماته..
باسم:-ليش مسويه شي
فهد:-سوي الي كتلك عليه بدون كلام زايد
باسم:-حاضر ضلعي
وقفل الخط ودز الصوره الباسم
وضحك ضحكت شر وكال شنو مفكرتني راح انسه الراجدي لو مراح اعرف اوصلج رجع راسه الي وره واتذكر شلون وصل الصورته....
..........................
فلاش بااااك
بعد ما دور فهد على ملك ومالكه عصب وكعد يضرب بسياره وحط راسه عليه واذكر الكاميره الي حاطيه بل مطعم شغل سيارته ورجع مره ثانيه للمطعم ودخل غرفت الكامرات وطلب من الي كاعد يرجع الصورع لواره لحد ماوصل لصورة ملك كال...
فهد:-بس اوكف هنا وقرب ليا الصوره
وبعدين طلع التليفون وصور صورتها وطلع من المطعم وراح على الفيلا
.......................................
باااااك
فهد:- ضحك وكال اكوم اسبح واطلع احسن..
دخل الحمام سبح وطلع لبس هدومه وسرح شعره ورش عطره وطلع من الغرفه ونزل....
سهير:-طلعت من غرفته وصاحتله رايح وين فهد
فهد:-غمض عيونه علمود يهدى وكال طالع
سهير:-اريدك بموضوع
فهد:-من ارجع عود
سهير:-هوا انته تطلع من الفيلا تروح الشركه وترجع من شركه تغير هدومك وتطلع مره ثانيه للمكان الخايس شوكت الحك احجي وياك
فهد:-كافي كلت بعدين من ارجع باجر نحجي عود
سهير:-يصير خير فهد بس خلي بالك انو تسوي حساب ترجع من وكت..
فهد:-ماشي عادي اروح بعد
سهير:-روح يمه محسسنى راح تتاخر على
شي غالي
فهد:-باوع عليه بعصبيه وطلع ركب سيارته وراح الشقق نفس كل مره...
...................
في بيت.......
وصلت مى وفتحت باب الشقه ودخلت
وكالت
مى:-السلام عليكم
فايزه:-وعليكم السلام
مى:-شنو محد اجه من البنات لو شنو
فايزه:-ملك بغرفته ومها ويه خطيبه
مى:-طيب اني جوعانه سويتي اكل؟!
فايزه:-روحي غرفتج بدلي هدومج وصيحي اختج عله مااحضر الاكل
مى:-فديت ام ملك ودخلت الغرفته غيرت هدومها وراحت دكت باب ملك
ملك:-نعم قزوم
مى:-عااااا لاتكولين قزوم تره انتي هم مو طويله
ملك:-بس ابقه اطول من القزوم ههههه
مى:-قزمه مو قزمه بس حلوه ونص شباب العراق تركض ورايه ههه
ملك:-شايفيج مسجله خطر هههههههه
مى:-اهوو كافي
ملك:-خلاص شتردين
مى:-تعاي اكلي
ملك:-تمام روح قزوم جايه وراج
مى:-عااااا والله اله اكول الامي عليج ومشيت وهيه معصبه
ملك:-مجنونه هههههههه
ودخلت غرفته وقفلت المصحف وشالته مكانه وطلعت من غرفه
فايزه:-ليش مزعله اختج ملك
ملك:-مو انتي تدرين احب اشاقة وياه لان خبله ومجنونه
مى:-ليش اكو واحد كلج اني جايه من مستشفى المجانين
ملك:-لا بس اذا دخلتي المستشفى الدكاتره يتخبلون بسببج
مى:-شفتي ماما
فايزه:-راح تبقن هيج شوكت تعقلن اكلن وانتن ساكتت
مى:-حاضر
ملك:-هههههههه
،،،،،،،،،،،،،،،،،،،،،،،،،،،،،،،،،،،،،،،
عند محمد ومها
محمد:-ميمو
مها:-نعم
محمد:-جنت افكر واكول ليش مااني اساعدج بجهاز العرس نشوف شنو الي ناقص نجيبه.
مها:-شبيك محمد شنو جاي تحجي مستحيل اقبل
محمد:-شبيج مها تره احنه واحد
مها:-اي صح بس مو معنا هيج اذا تريد افصخ الخطوبه واتزوج اذا مستعجل
محمد:-نجبي مها بعدين اني كايلج مستعد انتضرج العمر كله شهل كلام بعد
مها:-شوف ياابن الناس اني احبك واموت عليك واحنه ماضحكنه عليك من اجيت وخطبتني كتلك حالتنه مو كلش وضروفنه متسمح احضر جهاز عرس بسرعه في اذا تريد ومستعجل تبقه تكدر تفصخ خطوبتنه وتختار وحده تكون جهزه اتجوزها بسرعه وكامت وكفت
محمد:-شدها من ايديها وكعدها وكاله يابنتي اني والله مو قصدي شي وحقج عليه بنياتي ومراح افتح الموضوع مره ثانيه اني احبج ومكدر اعيش يوم ثاني بدونج وهاي العيون مريد اشوفه تبجي مره ثانيه عوبه عله كولت المصري طب توت توت يارب اموت ههههههه
مها:-اسم الله عليك
محمد:-خلاص لعد اضحكي بويه
مها:-تمام بس لاتفتح الموضوع ثاني مره
محمد:-يدلل الحلو
مها:-عمريي الجميل هههه
محمد:-احبه ياناس يلاا امشي لانتاخر خل ارجعج للبيت بنياتي وحط الفلوس وخرجو من المطعم واجر تكسي وركبوه وروحو.....
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بشقه فهد
جان نايم على السرير وجنبه بنت جالسه
ترقص
فهد:-نفخ ووقف الاغاني
سحر:-بدلع ايه يابيك رقصى ماعجبك ولاشنو
فهد:-اكلج عوف هل اشياء القديمه
سحر:-تمام خلينه بشي الجديد وغمزت
فهد:-رايد يتقرب منه وجت باله صورت ملك ابتعد من سحر وطلع محفظته وانطاه فلوس وكله اطلعي بره...
سحر:-استغربت وكالت ليش بيك
فهد:-مره ثانيه عود بالي مشغول شويه
سحر:-ماشي رايحه
وفي الوقت هذا رن التليفون
راح وباوع شافه رقم باسم
فهد:-ها ضلعي شسويت
باسم:-محد عرف وصورته بس الي وصله للبيت
فهد:-يعني يعرف عنوانه
باسم:-اي وراح ادزه الك هسه

فهد:-ماشي وقفل الخط ويه باسم وانتضر رساله وفتحه وشاف العنوان ضحك ضحكت شر وشمر التليفوت على السرير ودخل سبح وطلع لبس هدومه وسرح شعره ونزل من الشقه ركب سيارته وراح للفيلا...
***
في بيت.....
وصلت مها ورنت الجرس وفتحت الهم ملك الباب
محمد:-شلونج ملك
ملك:-تمام الحمدلله تعال ادخل
محمد:-لا الوقت متاخر يدوب وصلت اختج يلاا مع السلامه
ملك:-ههههه الله وياك
ومشى محمد ودخلت مها البيت
فايزه:-شهل تاخير مها
مها:-والله يحلوه ازدحام
فايزه:-ليش مدخل خطيبج شربله حاجه
ملك:-مقبل مدري ليش
مها:-وين مى
فايزه:-كاعده عله الزفت المبايل مدري نت
مى:-مين جاب سيرتي

مها:-انتي منو علمود نجيب سيرتج
مى:-اني الدكتوره مى
مها:-ياا منو سلاااام
مى:-ياعبد السلام

ملك:-اني خايفه الكاع توكع بينه من كثر ماجذبت اختج هههههه
مى:-هه خفه منج شوفو اكلكم اريد اطلب طلب منكم يحلوين
ملك:-خير
مى:-مستعدين اتسمعون الطلب
مها:-ديلاا عاد
مى:-اريد 75 الف
مها وملك:-باوعن وحده بوجه ثانيه ورجعن نضرهن ال مى وكالن شكدددد
مى:-75 اريد اروح لحفله مال حماقى

فايزه:-شالت الشبشب وشمرته عله مى وكالت انتي شهل دم الي عندج مو صبح كتلج معندي علاج تردين فلوس علمود حفله،
مى:-مو الشله كله حتروح بقت عليه
ملك:-حبيبتي لو احنا عدنه جنه جبنه علاج امي وهذوله الي وياج عدهم امكانيه ياكلبي واحنه ناس عله كدنه بعدين يكول المثل مد رجلك عله كد غطاك واحمدي ربج عندج مكان تنامين بي،
مى:-اكلكم مالي علاقه بهذا كلام تمام خلو الكم اريد 75 دبرو معرف منين اهمشي اروح،
فايزه:-كامت وراحت جت مى من شعره
واجت ملك ومها فكنه منها،
ملك:-خلا مى روحي غرفتج وماما انتي اهدي
فايزه:-ماعده دم جاي اكله هيج تكلي هيج اذا معاجبه عيشتنه خل تشوف شغل وتصرف عله نفسه،
مى:-وشلون ادرس
فايزه:-انتي مو اخر وحده ولا اول وحده الكل يدرس ويشتغل،
ملك:-لا يمه اني باجر اطلع ادور عله شغله مره ثانيه،
فايزه:- وانتي شنو اصيرين فلوس علاجي وفلوس هاي الي دراسه ولبس لو جهاز اختج
ملك:-الله كريم يمه خليه عله الله
مى:-ضربت رجله بل ارض ودخلت غرفته،
ملك:-ماما عله كيفج وياه تره بعده صغيره
فايزه:-والله خايفه عليه وتعبت منه متعرف ظروفنا هيه شنو وتباوع عله عيشت غيره وتريد مثلهم،
مها:-لايمه انتي مربيتنه احسن تربيه والكل يحلف بينه وبتربيتج النه ومهما صار مستحيل نسوي شي خطا،
ملك:-هيه مى محتاجه غير حاجه وحده تدعى انو تلكه هدايه مو اكثر ههههه
فايزه:-ربي يهديكم ويحميجن من كل العيون ومن كل شر بنياتي
مها:-رايحه اشوفه
ملك:-واني راح انام تصبحون على خير
مها فايزه:-انتي من اهل الخير

ودخلت ملك على غرفته ودخلت مها لمى
عله غرفته جانت نايمه على السرير وتبجي
مها:-لا لا لا قزوم ليش تبجين مكدر اشوفج هيج
مى:-لو سمحتي اطلعي بره وعوفيني وحدي.
مى:-اني تعبت من الفقر كل الشله يلبسون احله لبس واحله سيارات عدهم وعايشين احله عيشه اله اني
مها:-مى احمدي ربج شبيه العيشه نعمه من الله
مى:-هههه نعمه وين النعمه ست مها احنه نكضي يومنا نوم علمود منحس بجوع" شبيج..
مها:-كافييي الستر واهمشي محد يطلبنه فلوس هاي اكبر نعمه.
مى:-حلو
مها:-والله ومتعرفين يمكن نصهم ابطنهم فلوس حرام مى احمدي ربج على العيشه وراحت البال
مى:-.............
مها:-يلااكافي
مى:-اموت اذا مروح الحفله
مها:-شوكت هيه الحفله
مى:-باجر بليل
مها:-نامي وخليه عليه...
مى:-كولي والله بفرح ميمو بس شلون
مها:-هههه نامي معليج
مى:-تصبحين على خير
مها:-وانتي من اهل الخير
وخرجت مها ونامت مى تحلم بمقبلت" حماقى
...........................................
للكاتبه بنين"
مو تنسون تصويت نجمه...