🔥 زهراء السلامي🔥.
.
.
.
.
.
.
.
.
٧__٨
[البارت السابع]
#قزح_107
بقلمي: زهراء السلامي 🤍
لتنسون التصويت + التعليق بين الفقرات + متابعة لحسابي 🤍.
حتئ في الخصام ، تستطيعين دوُمًا الاحتماء بصدري 🦋.
❥__ ❥
رحنه لبوابة المطبخ وشهگنه بصوت من شفناهه واگفة بالباب تبچي والوجه احمر والشعر مهوس، صوت بكاءهه فزز شكو شيطان بقلب قزح..
توجه علينه والكل ابتعد محد مستعد يواجه هالموقف، لزمهه من چتافهه يخضهه بقوة ويصيح..
-إيڤ بابا شصاير؟!!!
تشاهگ وتمسح دموعهه خايفه وهمست بكلمة "وكعت بالطين" ياريتهه كالت خطفوني يا ريتهه كالت كتلوني ولا كالت هالحچاية..
شالهه شيول وشمرهه بالحمام ركضنه اني وجوان عدهم وشفناه ينزع ملابسهه وبقاهه بالشورت والوجه احمر دم ممنتبه لشي ولا منتبه لوجودنه واكفات ببوابة الحمام، عيونه مركزة على إيڤ التصرخ ووجهها مطعون، همستلي جوان وهي تضرب خذهه خفيف...
-جوان: الله يستر شراح يسوي بيهه
-كارولين: كم مرة نبهه متطلع بالشارع تلعب وهي تعاند اوف جنة هسة...
قطعت كلامي من شفته يباوعلي وخازرني، گرصتني جنة حتى اسكت بس ماكدر اروح واعوفهه ظليت بمكاني وهوه فتح المي الحار ودخلهه جوه الدوش، صلخهه صلخ المي من كدما حار يطلع دخان جسمهه انكلب احمر زمهرير..
جاب بطل الزاهي وداره عليهه وشامبو ومكيف وتايت ودارهن فوگاهه وليفهه بالليفه الصوف الصفره وجلف وجهها وشعرهه بالليفه وهي تبچي وتعيط وجوان كل شويه تريد تتدخل واني اللزمهه لان مو بعيده يدخلنه وياهه ويقضي علينه كلنه..
خلص من غسلهه وكل شويه يشمهه ويرجع يسوي خلطته مال تايت وزاهي وشامبو ومكيف ويديرهن فوگاهه، نشف جسمهه وشالهه اخذهه للغرفة جرتني جوان وتهمس..
-امشي نروح خاف يكتلهه
-كارو: جوان جسمي صخن من بخار الحمام
-امشي كارو مو وكتهه
رحنه للغرفة شفناه يبدللهه باوعلنه بدون ليحجي واحنه هم واكفات بالباب، فزينه من رگعهه چلاق وانطاهه راشدي ولزم شعرهه قصه بتره لرقبتهه ومشطلهه ودثرهه بالبطانية ينيمهه، يسوي كل هذا واحنه واكفات مثل الطرنات ما بيدنه شي..
بحركة مفاجأة اللتفت علينه وعاط..
-ان شاء الله استمتعتن؟!
بلعت ريك بدون لا اجاوب تقرب من عدنه عيونه مخبوطة بالدم فكه يتحرك ببطئ واضح ديضغط على اسنانه، وگف مقابيلي وحچه بصوت هادئ مبطن..
