الخطيئه

الخطيئه 4 اقتراب النهاية

#الخطيئه 4

اهل منه كانوا واقفين قدام باب بيت عمر وعمار وبيضر...بوا رصاص في السماء ومعاهم نا...ر ومصممين يا اخذوا منه معاهم

والد عمر ماكانش فاهم حاجه لحد ما في شخص من اللي واقفين قال ان هما لازم يااخذوها عشان هي جابت ليهم العا...ر ومن هنا والد عمر فهم بس للاسف ماكانش يعرف ان عمار ابنه هو السبب

منه كانت قاعده جوا وبتبكي بشده وبتترجي فاطمه ماتسيبهاش ليهم لحد مالفت انتباهها صوره متعلقه علي الحيط وفيها عمار جريت عليها وقالت عمار

فاطمه : انتي في اي ولا في اي
منه : هو انتي تعرفي عمار
فاطمه: بيقولوا كدا يبقي ابني
منه سابت الصوره وقعدت على الارض وانهارت

في الخارج
عمر : استهدوا بالله كدا يا رجاله وتعالوا نتكلم
فادي اخو منه :مفيش بينا كلام احنا عايزين بنتنا
عمر : لو سمحتم ماينفعش كدا انتوا هتاخدوا بنتكم بس لازم نتكلم الاول اهل البلد اتلموا علي ضر...ب النار انتوا كدا بتشو...هوا اسمنا احنا

فادي بص للي واقفين وقال : ايه المطلوب مننا
عمر: هتتفضلوا تشربوا معانا الشاي وهنتكلم وبعدين تتوكلوا علي الله ببنتكم
والد عمر : كان مستغرب بعض الشيئ لكن في حاجه جواه كانت فرحانه ان ابنه قدر يقنعهم بالشكل دا وخصوصا ان دول ناس شكلهم مش ناويين علي خير

عند منه وفاطمه
فاطمه كانت بتر...طم علي خديها وبتقول : يادي المصيبه ليه كدا بس يا عمار ليه يا ابني ناسي ان انت عندك اخوات بنات
ليه كدا ياابني الناس دي مش هتسيب حد فينا عا...يش

عمر دخل ينادي والدته تعمل الشاي لقاها قاعده علي الارض جنب منه وبتبكي ففهم ان هي عرفت كل حاجه

عمر : اهدي و ماتخافيش كل حاجه هتتحل ووجه نظره لاحدي اخواته وطلب منها تعمل هي الشاي وتنادي عليه لما تخلص عشان ماينفعش تطلع برا قدام الاغراب

كل حاجه تمت وشربوا الشاي وقعدوا يتكلموا عمر قام عشان ينادي عمار يقول ان هو هيصلح غلطه ويتزوجها لكن للاسف كان عمار هرب من البيت كان عمار مجهز نفسه من قبلها لما عرف ان والده بقي علي وصول وكمان كان متأكد مليون في الميه ان عمر هيقول لوالده

وطبعا والده مش هيسمح بكدا فهيزوجها ليه وهو مش عايز يتزوج من بنت زي كدا
عمر اخد نفس طويل وقال : كنت حاسس ان انت هتعمل كدا

ليه يا عمار ليه ليه شايف بنات الناس لعبه ليه اذيت نفسك واذيتها واذيتنا كلنا معاك اعمل ايه انا دلوقتي اسيبها ليهم يقت...لوها واعيش طول عمري حاسس بالذنب ولا اهربها هي كمان

طب ما كدا ممكن يعرفوا مكانها سهل جدا زي ما عرفوا ان هي هنا
طب هما عرفوا بقي ازاي ان هي عندهم مفيش غيره عمار كلم فادي اخوها وعرفه العنوان وكان مجهز نفسه للهروب

عشان عارف ان عمر مش هيسكت هيعرف والده وهيزوجها ليه

فادي : فين بنتنا يا حاج عايزين نمشي
عمر دخل عند منه عشان يخرجها ليهم
منه : ابوس ايديك ماتسيبنيش ليهم هيقت...لوني
عمر :ماتخافيش اوعدك ان مفيش حد هيعمل ليكي اي حاجه تعالي بس معايا

منه : لا ارجوك
عمر :قولت ليكي ماتخافيش
خرج عمر ومنه كانت ماسكه فيه وخايفه جدا من اهلها
فادي وكل اللي كانوا معاه وقفوا لما شافوها
وكانت عيون فادي لوحدها كفيله تمو...تها من الرعب

عمر : انا جيبت ليكم بنتكم اهي بس قبل اي حاجه انا عايز اقول كلمتين تسمحوا بيهم
فادي بعيون كلها شررر لمنه : قول

عمر : انا طالب منكم ايد منه
فادي وجه نظره ليه ووالد عمر قال بصوت عالي : عممممر
عمر : قولت اي اعتقد ان دا انسب حل بدل اخدكم ليها

فادي : انت بتقول اي انت عارف ان هي غلطت و
عمر :قبل اي حاجه انا عارف كل حاجة هي حكت ليا وانا موافق اتزوجها قولتوا اي

فادي بص للي واقفين وبقي مزهول ازاي شاب زي عمر يوافق يعيش مع واحده زي منه وهو عارف ان هي غلطت

عمر :قولتوا اي
والد عمر :انت بتقول اي انت عارف بتعمل ايه في نفسك وفينا
عمر :ربنا امر بالستر وانا مش هسيبهم يااخذوها واعيش طول عمري الندم بيم...وت فيا

وكمل بعيون دامعه وقلب بيتمزق هيشيل غلطه مش غلطته وهيخسر خطيبته وحب عمره في لحظه مش فاضل علي زواجهم غير اقل من شهر كل حاجته جاهزه في لحظه كدا هيخسر كل دا

ها قولتوا اي
فادي: انت متأكد من قرارك
عمر :هو انت شايفني طفل قدامك طبعا متأكد
والد عمر قعد مكانه ومااتكلمش وكان بيبص لعمر وخلاص
فادي : موافقين

تم زواج عمر ومنه واهل منه مشيوا وبعد كدا حصل اللي ماكانش متوقع يحصل

بقلمي أيات الرحمن