ملح الأرض

مقدمة

المقدمه
ملح الارض

بقلم غريبة الطائي
ــــــــــــــــــــــــــــــــــــــــــــــــــــ
مرات الحجايه التنحجي تنشاف
تنحط بالظهر ومن الثكل يحدب
ــــــــــــــــــــــــــــــــــــــــــــــــــــ

منذ أن ولدتُ  
لم تترك الحياة روحاً في جسدي
وهل بقي من العمر  شيء
لأعيشه بأمل؟!

    أنا تلك الفتاة الصغيرة التي تيتمت و والدها لايزال على قيد الحياة

انا من كانت في وادٍ ولم يخرجنِي احدًا

انا التي دفعت حياتها سبيلاً من اجلي غيرها
انا أرجوان انا الفتاة الصغيرة ذات الاعيُن البنيه

الغجريةَ المنبوذه التأها، انا أرجوان.....

-:: عمه عمه

-:: وعمه العماااج شبيججج
-:: عمه ابوس ايدج اختي اختي فدوة ماعرف شبيها

-:: واني شعليه ابتليت بيجن خوما بتليت امشي عني اريد انام

-:: عمه بروح عمي بس شوفيها ماعرف شبيها
-:: ولچ امشي ولي من وجهي شو امشي

دفعتني خارج الغرفه وطبكت الباب بوجهي عيوني دمعن وماعرف شسوي

رجعت الاختي ركض لزمت ايدها وكومتها كوه سندتها وخليتها على فراشها

-::اكعدي بروح امي لاتركيني ماعندج غيرج

رشيت ماي على وجها ماكو ماتتحرك خليت راسي على صدرها نبضها ضعيف

الساعه بالتسعه بالليل وين اروح وين انطي وجهي يربي دخيلك

رجعت ادك الباب على مرت عمي ماكو ما فتحت الي

دكيت حيل لحد ما فتحت الي الباب وضربتني راشدي

-:: بنت القندره انعل ابوج لابو الخلفج هذا الشارع وروحي شوفي احد يساعدج ما ناقصني اني.

كملت كلامها وسدت الباب بلعت ريكي يلا بقت على هي اطلع بنصاص اليالي هزيت راسي بأسف

وينك بابا وينك ولله نذلينه عكبك
رجعت الاختي لبستها ملابس طويله ومستوره ولبست اني هم لبس محتشم وطلعت اباوع للشارع سيارات تروح وترجع

أشرت لهواي محد وكف الي لان صغيره وليل ماعرف يخافون لو شنو الوقت تأخر وسيارات بدت تقل

والعالم كلها ساده بيبانها وتخاف وشارع فارغ بس المحل  مفتوح، اجت سياره وكفت ونزلوا ثنين شباب منها دخلوا للمحل

طلعت وكفت بنص الشارع ماكو سيارات ما عندي خيار ثاني

بقيت واكفه بباب المحل وحذره ما اخلي ابو المحل يشوفني

نتظرت طولوا يلا طلعوا واحد منهم عنده شعر كلش طويل تحمحمت قبل لا يصدون نتبهوا الي وعكدوا حواجبهم بستغراب ابو شعر باوع حوالي الشارع فارغ اجه هذا الثاني جان لابس عكال وغتره
دنك يباوعلي رافع حاجبه مستغرب 

دنكت لان ستحيت من نظراته وهمست بصوت كلش ناصي

-:: عمو فدوة اختي وكعت وما عندي احد ياخذها وياي للمستشفى

وكف عدل ويباوع لابو شعر وهز راسه بها؟

-:: بكيفك خويه اني وياك بكل الاحوال
-:: توكلنه على الله،

رجع دنك يباوعلي بنظرات غريبه
-:: شبيها اختج

دنكت ابجي مهظومه: اختي من اختفه بابا كل يوم توكع ومحد ياخذها واشوف ليش توكع وما عندي فلوس اخذها لان عمه ما تنطيني

-:: منو وياج عايش؟

-:: هذا بيت عمي وهو ميت ومرته ماتقبل تنطيني فلوس اخذها وروح

-:: ابوج وين؟
-:: ماعرف من ماتت ماما ختفه وما نعرف عنه شي عمو فدوة اختي من زمان واكعه لاتموت ماعندي غيرها دخيلك

هز راسه بتفهم وأشر للباب ويحجي بعصبيه
-:: ادخلي صيحي مرت عمج

دخلت ركض كسرت عليها الباب طلعت عصبيه بتعدت خاف تضربني ما لحكت احجي ندك باب الشارع لفت حجابها وطلعت

ما اشوف اله مدخلتهم للبيت وتأشر على غرفتي اني  واختي وتحجي بنفعال وعصبيه

-:: اخذهن بس اصحك ترجعهن شوفلك ميتم وذبهن بي.....

قريبا 🥺❤

معنى اسم الروايه

ملح الأرض: هو احدى اسماء الغجريين
التي يطلقوها على انفسهم