بقلم غريبة الطائي
انستا ghriba_09
تصويت وتعليق بين الفقرات
ــــــــــــــــــــــــــــــــــــــــــــــــــــ
تطردني ، واكل للناس طار
من الفرح لمن تلكاني
-عبد الحسين الحلفي
ــــــــــــــــــــــــــــــــــــــــــــــــــــ
أرجوان-:: أجوان يلا اكعدي راح نتأخر على المدرسه
أجوان-:: روحي انتِ مابيه حيل اتحرك والله
أرجوان-:: كسوله كومي عدنه متحان كومي يلا
أجوان-:: اووف والله صدري يوجعني
أرجوان-:: ماكدر اعوفج هنا وحدج شوقيه مادير بالها عليج يلا كومي
كامت تتأفأف وما تريد تروح بس ماكدر اخليها هنا اخاف عليها توكع وشوقيه لو تموت ما تندسها وتكلها شبيج
بدلنه وطلعنه ويه ناهد وخاتم للمدرسه وطريق جان طويل ونطلع من وكت ونرجع متأخرين
وصلنه للمدرسه راحن للصفوف واني وأجوان رحنه الصفنه
اول درس عدنه عربي وثاني رياضيات عدنه متحان كملنه درس العربي وكعدنه نراجع اني وياها لحد ما خلصت الفرصه ودامن المدرس ما يقبل نبقى اني وياها بنفس الرحله لازم اغير مكان بلامتحان
كمت كعدت بالسره الثاني ومتحنه الاسأله جداً سهله اباوع الأجوان ايدها على صدرها كملت الامتحان ودك الجرس ركضت الها
أرجوان-::أجوان شبيج حبيبتي
أجوان-:: كلبي يوجعني جوجي
أرجوان-:: تكدرين تكومين؟
هزت راسها اي كومتها والبنات جابن الجنط ورانه ترخصت من الاداره واخذتها وبلغت صديقتي تبلغ ناهد وخاتم احنه طلعنه
اخذتها ورجعت للبيت كوه تمشي واخاف توكع علي بشارع وصلت للبيت بألف ياعلي
دخلنه و شوقيه شهكت ولطمت صدرها
شوقيه-::نهزمتن ولجن؟
أرجوان-:: عمه شوفيها هي شكل وحده تنهزم
دنحجي وكعت من طولها بالكاع تخبلت وشوقيه عافتنه ودخلت للغرفه
خليت راسها بحضني ابجي وادك على خدها
أرجوان-:: ولج اكعدي لا تخوفيني عليج كومي راحت والله كافي شقه
بس ماجانت تشاقه جبت مي رشيت على وجها ماكو، وبعد نص ساعه فتحت عيونها تنفست ورتخيت كعدت تمسح بوجها وجها احمر ومابي روح
كومتها للغرفه وسويت الها اكل اكلت وبدلت ونامت كعدت بالصاله كتبت الواجب الها والي لان خطنه مشابه تقريباً ما يلاحض المدرس
للوحده دخلن البنات كامت امهن سوت الاكل واكلن وغسلت ملابسهن ونامن وكعدن العصر قرتهن ودرستهن زين واني و أجوان بس نباوع ونتمنى عدنه ام هيج تعاملنه
اني غسلت الملابس ونشفن ودخلتهن رتبتهن بالكنتور وكعدت ادرس أجوان المواد الما اخذناها والامتحان الجاي
ثاني يوم رحنه ورجعنه ماكو شي مر كم يوم وضع أجوان شويه احسن بس ما تقبل شوقيه اخذها للمستشفى ولا تنطيني فلوس اخذها
أنت تقرأ
ملح الأرض
ChickLitماذا عن تلك الفتيات الغجريات اللاتي يعشن أيتامًا بينما لا يزال والدهن على قيد الحياة؟
