يوم جديد
ضمته بقوه وهي حابسه دموعها قلبها يوجعها كثير ماودها تترك حضنه الحنون الدافي اللي عوضها عن الام وكل شي
ابو مطلق : ماودك تتركيني وراي طياره
ايمان: طياره ملكك مابتتاثر ومابتطير عنك
ضحك لها : طيب ياعيوني انتي وش فيك متعلقه كذا بجيك كل فتره
لف للحراس وهو يوصيهم عليها
مسح على راسها : لو احتجتي شي ارسلي لي
واذا زعلانه عشان تحضرين ملكة اخوك اطلع لك عذر
ايمان برفض : لا بابا كذا افضل انت روح وانتبه لنفسك احبك كثير
ضمته للمره الاخيره وهي تشم ريحته بعمق
ودعها وركب سيارته ماشي للمطار
تنهدت تكتم عبرتها ومشت مع حراسها متوجهه للجامعه
دخلت ماحصلت احد جلست. على الطاوله ضايق صدرها
صباح الخير
رفعت راسها شافت خالد واقف واضح تو جاي : صباح النور
جلس بهدوء يمثله : وين الباقي
هزت اكتافها بعدم معرفه
خالد بتفحص لملامحها : فيك شي
ايمان باستغراب من سؤاله : لا
خالد : بس وجهك يقول بكيانه او متضايقه
ايمان : يمكن
خالد : احد مسوي لك شي
ايمان: محد يقدر
ابتسم باستهزاء : ليه واثقه كذا ياقويه
ايمان بضيق من هالكائن : محد يقدر يسوي او يقرب مني ومعي حرس ولا مو شايفهم
خالد : الا شايفهم
جلس امير : سلام
ايمان وخالد : عليكم السلام
امير يتنحنح : احمم جيت بوقت غلط
ايمان عقد حاجبها ووقفت ماشيه مطنشه سؤاله مالها خلق احد
خالد : سويت اللي قلت لك
امير : رسلتها لك كلها
خالد : ارسلها للمصمم لاتنسى ابيه يضبطها عشان تنرسل هديه لاخوها يوم ملكته
امير يتنهد: ابشر الله يستر من افكارك ياخالد
ابتسم بحقد وهو يتامل مكان ماراحت ويفكر
.......
بالسعوديه
يوم الملكه الكل مستعد على قدم وساق
ام مطلق وهي تبخر مطلق وتحصن فيه :يافرحت قلبي فيك
ماني مصدقه عيوني
ابتسم لامه وباس راسها : راضيه عني يالغاليه
ام مطلق بحب لولدها : اذا مارضيت عنك عن مين ارضى يالله يامي انزل لابوك واخوانك ينتظرونك
طلع وتوجه لابوه اللي ينتظره
لبسو كلهم وطلعو متجهين لبيت اخت ام مطلق
خلونا نتعرف على عائلة بو مطلق وقصتهم عشان تفهمون اكثر
((
ابو مطلق : راشد كبير العايله كلمته مثل السيف
تزوج ام مطلق زواج عائلي تقليدي
يحبها ويحترمها جاب منها مطلق وعناد وسعود وياسمين
اول ماولدت سعود كان مسافر برلين لمدة شهرين
شاف بنت كان معجب فيها ايام جامعته بنت سوريه حبها وتعلق فيها اكثر واكثر وتزوجها بالسر
ورجعها معه البلد بدون حد يعرف الين حملت بحبيبة روحه ايمان
وقتها عرفو الكل وقامت الدنيا عليه لكن محد هنه
ام ايمان تضايقت من وضع البلد وقررت تسافر بدون علمه لين تهدى الامور واثناء ماهي مخططه تسافر صار عليها حادث ادى الى ولادتها ولاده مبكره وغيبوبة لشهرين
اول ماتعافت عاشت معه ومع زوجته سنتين مليئه بالمشاكل
لكن اكتشفت انو فيها مرض بسبب الحادث اللي حصل لها وظلت عايشه مريضه وتوفت وايمان عمرها ٥ سنوات
وتعلق ابو مطلق بايمان بسبب يتمها وكونها بنت حبيبته كان يعشق ام ايمان كثير والحب حطه ببنته رباها وكبرها خصوصا بعد ماشالت ام مطلق مسؤليتها والتفت لعيالها فقط
ام مطلق : حنونه وطيبه وام مثاليه مع عيالها
لكن مع ايمان الوضع يختلف
ماكانت تضر ايمان كثير لكن ماعطتها اي حب واي حنان يذكر
كانت دايم تغار منها بسبب اهتمام زوجهاالمبالغ فيه لامها وبعدها لها هي وتفضيله عليها لين كبرت وحصلت مشكله بعدين نعرفها وكسر كلمة عيالة وسفرها مثل ماهي طلبت لحالها
مطلق : انسان شديد يختلف عن ابوه الهادي الحنون
حقود وحاد الطبع مايحب الزايحه ابداً يحقد دايم على ام ايمان وايمان بسبب ابوه وانكسار امه
عناد : يشبه راشد بشخصيته كثير
سعود : انسان فلاوي مايحب المشاكل ووجع الراس يموت بايمان لكن اخر موقف بعدهم كثير عن بعض
ياسمين : تحب ايمان كثير خصوصا ان ايمان لطيفه ىطيبه معها لكن بنفس الوقت تغار منها بسبب ابوها ومعاملته لايمان وتفضيله))
ايمان وتعرفنا عليها والحين نرجع لأجواء الملكه👍
تمت ملكتهم على خير
وبارك له الكل واثناء مالحفل مستمر والناس مبسوطه وبعد ناطلع من عند خطيبته وتصور معها والاشياء الروتينيه جاته رساله
فتحها باستغراب وعقد حواجبه بقهر وشد على ايده
وهو يحاول يتماسك مايبي احد ينتبه له ثم تنعرف المصيبه
.......
تسحب وطلع وهو يفتح ثوبه من فوق يحس حاله مكتوم :اخخخخ اخخخخ هذي نهاية الدلع والتميييز هين يا ايمان هين ياكلبه اوريك
رفع جواله متصل عليها بعد رنتين وصله صوتها : الو
مطلق بحده : اسمعيني زين
تلمين عفشك واغراضك وتنقلعين للمطار وتجين على اقرب زفت لين هنا
ولا والله يازفت لا اجيك واذبحك بمكانك
تنهدت ايمان بضيق: مطلق ارجوك لاتصعبها بينا خلني مرتاحه ياخوي
مطلق وهو يحس روحه بيجن : عاجبتك الفلته ياحماره كلامي وقلته يومين ماجيتي انا اعرف كيف اجيبك واتمنى يوصل خبر لابوي عشان افضحك يازفت
سكر بوجها وهي مصدومه من هجوم مطلق فتره مايحاكيها وس يبي يهدد
طنشته ورمت جوالها بدون اهتمام
يوم جديد
فتحت عينها على اتصال
عقدت حواجبها : وش يبي هذا من جده يارب صبرك
صمتت جوالها وقامت تغسل وتستعد للجامعه
وهي في شي داخلها مضايقها مره ماتعرف وش هو لكن تعرف انها متضايقه ومتوتره
.......
مشعل : وين خالد ماله حس
وامير بعد
شوق : مدري قال لي امير عندهم وايد شغل بالشركه
ايمان : ليه هم يشتغلون !
مشعل : اي بشركة خالد
ايمان :؟ خالد عنده شركه
قاطعهم الحارس : طال عمرك في تليفون لك
لفت للحارس وهي ماتبي احد ينتبه لها اخدت الجوال وحطته على اذنها وهي تمشي مبتعده : الو
الطرف الثاني : ليه ماتردين
ايمان بهدوء: مطلق ابعدني من شرك وش تبي مني اقطع دراستي وارجع عشان يطيب خاطرك لا واذا اتصلت ثاني بقول لابوي
سكرت بوجهه بغيض وعطت الحارس الجوال
وقفت تنتظر الحراس يوقفون سياره تكسي
اما الحارس الثاني طلبت يجيب لها مويه
ماحست بالحركه الغريبه اللي حولها كانت ضايقه كثير ماتحب تتصرف مع اخوها كذا بس اجبرها تصرفه وش يبي متها ترجع لهم مجنونه هي
ماحست بنفسها الا ايد على فمها وتنسحب وبعدها ماحست بدنيا شي
........
رفع عينه مشعل : هذيلي مو حراس ايمان
لفو الكل للي متوجهين لهم
الحارس ١: مارجعت عندكم طويلة العمر
رامي : لا راحت معكن من شوي
الحارس الثاني : صرفتني ورجعت ماشفتها ممكن حد يجي نعنا يشوف دورات المياه
وقفت نديم وشوق وبدا الكل يبحث عن ايمان داخل الحرم الجامعي
......
بعد مرور حول ال٦ ساعات
الحارس ١: حتى بشقتها مش موجوده
الحارس ٢: لازم نخبر طويل العمر
رامي: في حدا زعلها يمكن بدا تعد لحالا شوي
نديم : اناشايفتى هي مانا على بعدا
الحارس ١ طنشهم ورفع جواله بتوتر
توجه لهم امير : سلام وش صاير
شوق ببكى: ايمان اختفت مدري وينهي
ضمها ومسح على راسها: لاتخافين وين بتكون يعني اكيد راحت شقتها
نديم: مانا هونيك
ومانا بالجامعه كمان
شوق : جوالها مقفل
لفو للحارس اللي يكلم معزبه وصوت ابو ايمان اللي طلع من الجوال من كثر ماهو عالي
.........
يوم جديد
الكلّ ماله خلق محاضره ومازال البحث عن ايمان مستمر
جالسين يدورون حل ومحد عارف وش يسوي
دخل خالد : سلام
الكل : عليكم السلام
خالد : غريبه متاخرين على المحاضره
امير : ايمان مفقوده
خالد!!!!!!: كيف يعني مفقوده
بدا مشعل يشرح له وخالد ساكت
خالد : حرس السلف اللي معها وينهم
امير : مابقى شي ماسووه دورو عليها بكل مكان
خالد : والحين وينهم
امير : عند سكنها
خالد : طيب
مشى عنهم
مشعل: وين
خالد : اللي بيجي يجي
لحقو خالد متوترين من انفعاله القريب
عند السكن
وصل خالد ونرل من سيارته ونزلو معاه
شاف الحرس واقفين عند بوابة السكن
خالد بحده : وين ايمان
الحارس ١ : ماحصلناها
خالد: ماحصلتوها؟؟ وش خانتكم حرس انتو تختفي البنت من بينكم ها
طنشه الحارس ٢: وصل
لفو للسياره اللي جات
نزلو منها اثنين عيونهم تقدح شرار
ابتعد وعيونه تشع حقد وكراهيه لهم
مسك الحارس من قميصه : وينها وينها
الحارس ١: طال عمرك ان...
ابو مطلق : مطلق بعد عنه
ابتعد مطلق وهو العصبيه تشع من عيونه
ابو مطلق : وش صار
الحارس ١ : طال عمرك كانت جالسه مع اصحابها بالجامعه
واتصل طويل العمر وكلمها وبعدها قامت متضايقه طلبت نوقف سياره تكسي
الحارس ٢ : وبنفس الوقت طلبت مني اجيب لها مويه
الحارس ١ :انا كنت واقف انتطر السياره وهم خلفي وصلت السياره لفيت ماشفتهم بعد ٥ دقايق شفته جاي لحاله
وسالته عنها قال خلاها هنا معي
مطلق : وين اصحابها وين اقدر احصلهم
الحارس اشر على اللي واقفين ومطلق وابوه مانتبهو لهم بعصبيتهم
تعلقت عيونهم فيه مثل ماعيونه متعلقه فيهم
تقدم ابو مطلق قباله : ا..انت
ابتسم بسخريه: مصدوم
مطلق : ياحقير ياواطي رفع ايده بيضربه لكن ثبت ايده خالد : لاتحاول عشان ماكسرها لك
ابو مطلق صرخ فمطلق : مطلق
مطلق : خلني يبه خلني
ابو مطلق : اهدى
لف لخالد: وش تسوي هنا
خالد : جاي اسال عن بنتك يا عم
مطلق : تسال عنها وهي اكيد معك يا........
شهق الكل من اتهام مطلق لخالد والكل منصدم لان واضح انهم يعرفون بعض
ابو مطلق صرخ فيه: مطلق
مطلق : مو مصدقني يابوي
فتح جواله ووراه الصور
.......
يتبع
رايكم وتعليقكم يسعدني🌹
