ناظر فيه بصدمه : وش عرفك ببنتي ووش تسوي بنتي معك
خالد بثقه : زميلها او صديقها شوف اللي تبي
ابو مطلق : وش جاي تسوي اصلن هنا كيف يعني زميلها وش جابك جامعتها انا جيت وشفت زملائها كلهم ماكنت موجود
خالد : ومن انت عشان تسالني
مطلق : انا اللي باخذ روحك لو ماتكلمت اخلص علينا
خالد: هذي بعيده عليك
ابو مطلق : وش جالسه تسوي بنتي معك تكلم
خالد باستفزاز: اسالها
رامي بتدخل : ياعم اهدى الله يخليك خالد زميل لالنا وكلياتنا بنعد مع بعدنا
مطلق : عندك حلين ياتتكلم وين اختي يالشرطه تجيبها غصب يا...
خالد بدون اهتمام لكلامه: اوك روح جيبها بالشرطه
تقدم له مطلق وضربه ورد له الضربه بحره وبدو يتضاربون لين فكوهم بالقوه
....
توجه مطلق وابوه للشرطه
ابو مطلق : انت متاكد من الصور يامطلق هذي ايمان كيف تبيني اصدق فيها
مطلق بغيض وهو ماسك نفسه لاينفعل : يبه هذي نهاية الدلع اقص ايدي لو مو متخبيه عنده بس عشاني هددتها وقلت لها ترجع
بنتك وعدوك
وصلو ونزلو وتم تقديم الشكوى ولان ايمان عدت ال٢٤ ساعه من اختفت فتثبتت الشكوى وراح يشتغلون فيها
....
رامي : خالد شو علي عم يؤولو انت بينك وبينا شي
خالد:.......
سامر : كيف بتعرفهن وليش مالت النا
امير : ياشباب هدو السالفه طويله
شوق : انت تدري بعد
نديم: خالد مشان الله ازا بتعرف مكان ايمان دلني عليه
خالد رفع عينه لها ومارد
مشعل: وش بينك وبينهم خالد
خالد : صار لكم ساعه تسالون مامليتو
بيني وبينهم عداوه وهم سبب موت ابوي
ماني مضطر اقولكم اكثر
لفو للشرطه اللي دخلت وسالت عن خالد اللي وقف وكانه كان منتظرهم غمز له امير ومشى معاهم
سامر : يالله شو يلي عم يصير
امير رفع جواله وكلم المحامي
.......
مرو اسبوعين بالبحث عن ايمان طلع خالد وزاد غضب مطلق اللي ماقدر يثبت عليه شي وانه خاطف ايمان
ابو مطلق تعب كثير اما مطلق فكان يتوعد لها لو عرف مكانها بيذبحها
مكتب خالد
تقدم له الحارس : طال عمرك في اثنين يبون يقابلونك
خالد وكانه متوقع :خلهم يتفضلون
تقدم ابو مطلق والتعب باين بوجهه ومعه مطلق
خالد : خير
ابو مطلق : خالد اللي فات مات واحنا عيال اليوم بنتي وين
خالد : .......
مطلق : تكلم ياحقير يانذل وين وديت البنت وش سويت فيها
خالد : الفاظك
ابو مطلق : انتو جد بينكم شي
خالد : صدقني ماتهمك اجابتي
مطلق : من جدك تساله يبه
عاجبكم الحرام كذا صرت رجال وانتقمت منا
خالد : اخفض صوتك انت بمكان محترم
مطلق: تكلم وين مكانها اسبوعين عندك البنت يا.....
تكلم لا اجيب الشرطه
خالد : هههههههههه لا يامطلق جربتها قبل ومانفعتك الشرطه وقالت لك اختك مش معي
ابو مطلق : وش تبي خالد
خالد ابتسم بحقاره
ابو مطلق: تبي صفقه
خالد: بيظل تفكيرك كله بالفلوس
خل صفقاتك لك شوف مكانتي اليوم ماني بحاجه صفقاتك
ابو مطلق : علمني وش تبي
خالد: ابي ايمان زوجة لي
تقدم منه مطلق ومسكه من ياقته :تعترف انها عندك ياخسيس
تعقب
خالد نزل ايده بحده: اوك اللي تشوفونه
ابو مطلق جلس على الكرسي بتعب يحس رجله ماعاد تشيله: تبيها زوجة لك يعني هي عندك
ابتسم خالد بحقاره ومارد
خالد بنتظركم بسفاره بكره ياتزوجوني اياها ياما لحد يسألني عنها ويتهمني فيها انتظروها ترجع لكم من نفسها
وابتسم بكل حقاره
مطلق : هين ياكلب هين
مسك ابوه وسنده وطلع فيه
........
يوم ثاني
قدام السفاره
مطلق : يبه تكفى لاتسويها
ابو مطلق بحده: خلاص يامطلق خلاص ماراح ترجع الا بهطريقه لازوجتها له راح يطلعها واخذها منه
مطلق : وش تاخدها منه وهي هربانه له اخخخخ بس اخخخ
دخل ابو مطلق مطنش مطلق اللي يحترق بمكانه
بعد ساعتين من الاجرائات
طلعو من السفاره
ابو مطلق : وين رايح
خالد : وش تبي
ابو مطلق : بنتي
خالد : ماعاد لك بنت غير اللي بسعوديه اما حليلتي
اعتبرها ماتت ماتشرفني ولاتشرفها كاب
مطلق بعصبيه هجم عليه لكن وقف حارس خالد بوجهه
ابتسم خالد : احترق يامطلق احترق بنار كويتوني فيها قبل وجات اختك تكويكم بنفس النار
مطلق : كنت ادري والله كنت ادري انكم طابخينها سوا لكن قل لها ماعاد بقى لها اهل وخل تنبسط بيجيها يوم وبترجع وماراح تلاقي حد منا ينتظرها قل لها انها ماتت وانا اللي بشيع جنازتها
مسك ابوه المهموم وركبه السياره تحت انظار خالد وابتسامة الحقيرة على وجهه
لف لامير الساكت : وش فيك
امير : صار اللي براسك كذا مبسوط
خالد براحه : مبسوط ونص
امير : الكل قلقان عليها خالد رجعها خلاص
خالد : الكل لازم ينساها ايمان انتهت من حياتهم كلهم وبدت حياتها معي انا
مشى عنه ولحقه امير
امير : وين رايح
خالد : من استضفناها ماشفتها بروح اشوف علومها وابشرها انها عندي
ازعجت الحرس والخدم بصراخها وهواشها لهم
تنهد امير بقل حيله : الله يعينها
طنشه خالد وهو يمشي
........
بمكان خاص بخالد
غرفة كبيرة متكامله من كل شي
جالسه على السرير وتبكي صار لها فوق الاسبوعين هنا
ماتعرف مين خطفها مين جابها لهنا
خصوصا ان اللي اخدها حاسب لكل شي الدولاب فيه ملابس جديده بمقاسها الثلاجه مليانه اكل وشراب
دورة المياه مجهزه من كل شي
رفعت راسها بقل حيله : يارب تعبت يارب ساعدني
لفت للباب اللي انفتح وقفت وهي تحس دعواتها استجابت
فتحت عينها بصدمه وهي تشوفه واقف
ايمان بعدم تصديق :خ..خ..خالد انت خاااالد
يتبع
رايكم💕
