يقـول الشيخ العريفي
والله مب حافظه أسمه بس أذكر أن
فيه العريفي آخر أسمه ...
المهـم بنبـدأ ...
يقـول هذا الشيـخ أنهُ
ألقاء مـحاضره فِي سجن فِي أحد المناطق فِي المملكه ... فكان فيه شاب سبحان الله شكله وديع
كانو حاطينه بسـجن إنفرادي وعليه قضية قتل
والشاب عمره يقارب الـ 20 فِي ذالك الحين ..
شكله وديع مو وجه مشاكل!
غالباً اللي بـ الإنفرادي عليهم قضايا قتل
ولكن ذا الشاب وجهه وجه وأحد لو بيذبح دجاجه ما قدر...! وشلون ذبح له أدمي؟!
يقـول الشـيخ توجـهة له وقلت أفتـحو لي هـذي الزنزانه ففتـحوها فجلسـت عـنده
قالي .. اللي هـو الشاب
" يا شـيخ أنا ... بديت كنت بالمتوسطه بديت أتعرف على شباب الطيبين في المدرسه وكان عندنا حلقة تحفيظ وكان عندنا كذا ... أبوي
أبوي ياشيخ كان مايحب المطاوعه وقال أن عاد شفتك مع مطـوع فعلت كذا وسويت كذا لاتروح التحفيظ لاتروح ... أستمريت على ذا الحال وأخوياي أشوفهم بلمدرسه ولا عاد أقدر أشوفهم بتحفيظ فِي العصر فِي المسجد ... يوم خلصت المتوسط ووصلت للمرحله الثانويه كبرت شوي غير أبوي مدرستي ... وبرضو لا أزال أروح مع الشباب الطيبين ... يوم من الأيام جاني أبوي و قال أسمع ياولدي هذي سياره جديده إذا تركت
هـ أولاء الصحبه اللي أنت تمشي معهم ترا السياره هذي اللي برا لك ..كنت أقول له طيب يبه وش راح يضرك إذا صرت أمشي مع الطيبين وش يضرك إذا صرت أصلي بلمسجد! ..قال أقول لك لاتمشي معهم ...ياشيخ تصـبرت أسبوع أسبوعين ثلاث وأنا يسيل لعابي على السياره وأنا طالع وأنا داخل وأشوف الكامري قدام البيت ... رجعت لأبوي فقلت خلاص يبه أنا بتركهم والشعرتين اللي بوجهي حلقتهم وخلاص ماعاد بتشوفني مع مطوع لكن عطني السياره ... ياشيخ والله أول ما أخذت السياره صرت ماعاد اروح لأخوياي لأن ابوي يمنعني منهم ..فلتم علي مجموعه أخرى وبدأو يزينون لي الروحه والجيه معهم وبدأت يوم تلقانا نفحط ويوم تلقانا نتعرض للبنات كُل يوم تلقا عندنا جريمه .. شوي شوي وطيحوني بدخان وبعدين شوي شوي وطيحـوني بلحشيش والمخدرات "
يقـول الشـيخ قلت طيب شلون قتلت بس ؟
أنت الحين طحت بلمخدرات وغيرها كيف قتلت؟!
قال الشاب
" خرجت يوم من الأيام للبحر مع وأحد منهم ركب معي فلما رحنا للبحر سكِرنا .. فبدأ يتحرش فيني
بيغـتـ**** وكان معي بسياره سكين فـ طلعت السكين ودافعت عن نفسي طعنته حتى مات بمكانه .... فلما رفعت للمحكمه أنا كنت قادر إني اهرب بس ماهربت قلت بذبح الرجال "
يعني المسأله مو دفاع عن نفس! ولا إكراه
المسأله قتل بكُل عمد !!
أكمل الشاب كلامه وقال
" وحكم علي القاضي الأن بلقصاص "
يقـول الشـيخ أنه يقـول له المـرشد الديني عنـدهم فِي السـجن
" والله ياشيخ أكثر الأباء إذا جو يزورون عيالهم تلقا الولد منزل رأسه فِي السجن ويعتذر لأبوه وهذا أبوه اللي منزل رأسه ويعتذر لولده ويقول له ياولدي أنت ما قلتلت أنا اللي قتلت أنا السبب أنك أرتكبت الجريمه ... وبكره ياولدي يمكن تقتل بعد وأكون أنا السبب في قتل نفسك "
ويـش ينفـع خـلاص
《لافات الفوت ماينفع الصوت》
لِذالك أنتبه أن تكُن ظهيـره للمجـرمين
يعني المجـرمون دائماً الواحد أحياناً يبي يسـوي مـشكله لكن يحتاج ظـهر معه سياره يحتاج ظهر عنده واسطه يحتاج ظهر قوي له عضلات يحتاج ظهر عنده خبره بـ الأنترنت عشان يهكر إيميل
هلـ بنت ولا يلعب على هلـ بنت ..
أحيان يحتاجـون ظهر
[📌] أنتبه
أن تكون ظهر يتكئ عليه من يريد أن يعصي الله
______________________________________
أذكرو لي شعوركم حينما كُنتم تقرأون القصه ؟
جميع من شارك وتفاعل معي من المتابعين
ودي أقول لكم كلام جداً كنت وقتها شايلته بخاطري
تدرون قد إيش فرحت والله إني أفتخر أن عندي ناس زيكم ناس تدعم وناس تقدم كلام يسر الخاطر وبعضكم قال أستمري ذي وحدها تسعدني والله إني ماادري كيف أعبر بتقولون تبالغين بقول لكم وبستمر أبالغ لين اهجد السعاده اللي بداخلي والله انكم كبرتو أكثر بعيني صح ما أعرفكم بس شكراً ..
الله يجعله في ميزان حسناتكم ويجعل ماكتبتوه يتصاعف لكُم .. كل من قرأ فائدتكم أنتم تأخذون حسنه أو يمكن حسنات وكُل من طبق شيء أنتم أفدتونا فيه ماكنا نعرف فيه أنتم كل ما سويناه تأخذون عليه أجر
لو أقدر أعبر بلكلام كان ماخلصت ..
أحـبكم يا أحلى ناس💙💚💗💜🧡💛❤
.. أستودعتكم الله التي لاتضيع ودائعُه ..
الكاتبه : عُدي
