روضه بصوت خفيف : وهايل منو
اليده : ها اخوي و هايل احفاده
البنات مصدومين
شيخه : يدوه انتي عندج اخو ؟؟؟؟
اليده : يعني انتو يكون عندكم وانا لا
شيخه : ليش ما كنا نعرفه
خالد : انا كنت عايش برع البلاد عسب جي ماتعرفوني
روضه : مشاءالله
اليده : اليوم اباكم تتعرفون ع بعض
روضه : اسمحيلي يدوه عادي اسير انا
اليده : لا يلسي
روضه : يدوه دخيلج والله تعبانه
اليده : عيل ماتعبتي ف دبي
روضه : يدوه ترا ماكنا بنرد بس صارت سالفه عسب جييي
ودش شهاب
شهاب : السلام عليكم
اليده عرفتهم عليه ويلس
اليده : كملي بنتي شو الي صار
روضه : يدوه اسمحيلي بترخص انا خلي الباقي يرمسون و قامت
اليده مسكتها : يلسي بنتي عقب سيري
روضه : بسير ببدل بس وبي
و ماخلتها تسير
شوي و شهاب طلع
اليده : الشي يخص شهاب صح ؟
شيخه : هي كله منه
نوره : يدوه تخيلي كنا ف دبي مول نتمشى انا و رويض و شيخه حمده سارو بصوب
اليده : وشو المشكله
روضه : دشينا المحل ناخذ لبس طلعنا و شهاب جافنا وهو ويا ربعه و كانو يرمسون عنا انه نحن فينا جمال و متسترين
اليده : و عصب ؟
خالد : حركات ها الشهاب بعد
