مهره : يعني ماتبين تاخذين ملابس حق الجامعه ؟
روضه : لا الحمدالله الكبت متروس ملابس
مهره : ياويلج لو شليتي شي من عندي
روضه : اوكي باي
طلعت مهره من الغرفه و سارت تتجهز عشان تسير ياس مول تأخذ لها اشيا حق الجامعه
بعد ساعه
روضه : امييييي
ام مهره : عيون أمها
روضه : مهور يت حقي وانا نايمه
ام مهره : اكيد لحين تبين تسيرين معاها تراها طلعت
روضه : ياربييي
ام مهره : ليش شو تبين
روضه : ماعندي دفاتر و أقلام وجي حركات بركات
ام مهره : سيري المكتبه الي هني
روضه : بترياها اتي عقب بخليها توديني
ام مهره : و الدريول ؟
روضه : لا أبا اسير مع مهاري
ام مهره : براحتج
سارت و دقت حق مهره
روضه : مهارييي انتيي وينن
مهره : خير شو تبين قومتج لين ماقلت بس
روضه : أبا المكتبه
مهره : لحين تذكرين المكتبه صح
روضه : لا من امس بس كنت اترياج تقولين
مهره : انا مابسير المكتبه سيري بروحج
روضه : امييييييي بسرعه أبا اخذ الليسن
ام مهره : هي لحين تبين الليسن ها
روضه : اباه باجر يوصلني
ام مهره : سيري عني سيري
روضه : امي توج تقولين لي عيون أمها شو استوا فيج
