الناس راهي تقرا وعندها باك راهي خايفة منو الا انا راني خايفة كي مارانيش خايفة منو
انا اطالب بالبحث عن ضميىري الدراسي معايا
المهم نولي لحكايتنا
راهي وحد السخانة ترعف جمل تقولشي رانا في الصيف ماشي على بيبان الشتا والدار مافيهاش كليماتيزور
فتحت الخزانة نشوف كاشما نلبس حاجة باردة مكاش نص حوايجي مكاشهم حتى دخلت كاميليا
"ماشفتيش حوايجي تع الصيف وين راهم"
"راهم داخل السلة ياك نتا دخلتهم ونسيت باه تطبڨهم"
"يالزح شمبرتي تعرفوها كترمني من كثرة الخريب تعكم فيها"
" لالا كي جود خبالي البوبية تاعي دارها داخل السلة"
"لالا ربحت عليا زيدو العبو الغميضة هنا وخلاص"
لعبتها زعما تخلعت و حطت يدها على فمها
"كيفاش عرفت شفتني كي تخبيت تحت الفراش
امال نتا اللي بيعتلو باش لقاني"
حطيت يدي بين عينيا وخلاص ماقدرتش نشد روحي كتر شمبرتي خط احمر ياربي مدلي الصبر وخلاص
"بلاكي تخرجي منا حتى تطبڨي ڨاع الحوايج ودك شوية نعيطلك اهبطي تدوشي"
لازم نكون استغلالي شوية وندور الامور لجهتي دايما راني داير سطاج الوحش
لقيت في السلة شورت من عام جدي مالبستوش ملي كنت نقرا في الليسي لبستو جاني قصير عجبني وقلت نروح ندور بيه نفتن البيڨ بوي بصح كي شفت روحي في المرايا بدلت رايي
واحد كيما هداك بيض و زل كور وديكور يعجبو واحد سمر ومترم كيما انا
نورمالمو اغلبية المترمين اللي عندهم لاطاي شابة جايين بيوضة ولاشعرهم صفر ولا بني اصلا شكون قالي بلي السيد مراهش متزوج واب لأطفال
نحيت الافكار الغريبة اللي جاتني رحت للكوزينة وباين بلي الديت معايا الفونتيلاتور (الرياشة) السخانة مش نورمال تقدر تروح تعوم عادي
شمرت هلى يديا ودرت الطابلية تع الشغل باش تبدا عملية الطبخ تع الشاف اوس سيدتي وسادتي
وباينة كالعادة والعوايد اليوم الجمعة واش راح نطيب زعما ابار الطعام مع انو مانحبوش بصح نحب ريحتو في الدار
وزيد راحت طبيعة فڨاع الجزايريين يطيبوه نهار الجمعة تاكلو مور الظهور تعاود تجوع قبل العصر بشوية
ياحصول الطعام فور والمرقة البيضة الله الله طابت حطيتها في الكوتي باسكو مزال الحال حتى مور الصلاة باه نتلمو وناكلو
أنت تقرأ
حب ماكانش في البال
Romanceكي تتحمل بزاف المسؤواية تتبدل داخليا وخارجيا حكايتنا رايحة في العاصمة وباينة بلي ياوي معنتها بلي ولد وولد تسما اللي ماعجبوش الحال يبدل البلاد 😂
