#الغرباء
#الحلقة_الثانية_والعشرين
#للكاتبة_هدوء_أل_محمد
_________________________
عشنا وياهم بضحكة ومغمضين
بس طلعت گلوبهم غاد مو يمنا
بقلمي💔
___________________
دا ندرس بأمان الله فجأة رن موبايل يمامة شالت الموبايل وعقدت حواجبها بأستغراب
_ منو؟
يمامة:-رقم غريب
_يي ردي خل نعرف منو
يمامة:-تمام... الو
سامر:- الو السلام عليكم
يمامة:- وعليكم السلام منو وياي
سامر:-احم شسمة اني سامر
يمامة:-اها اهلا سامر شلونك اخبارك
سامر:-الحمدلله بخير
يمامة:- عساك دوم يارب بس من وين جبت رقمي
سامر:-مو صعبة جبتة المهم اتصلت بيج حتى انطيج خبر اليوم اهلي العصر يزوروكم
فزت وعدلت گعدتها
يمامة:- شنو بهل سرعة
سامر:-يي يالله مع السلامة
باوعت علية بصدمة
يمامة:-لچ عزااااا راح يجيب اهلا ويجووون ليوم
_صخاااام بوجهييي
يمامة:-شسوووي يمامة شلبسسس
صفنت بوجها
_هذا همچ؟
يمامة:-لعد شنو
_يمامة وعمو شراح نگول اله؟
گامت للكنتور تتمختر بمشيتها
يمامة:-بابا خلي عليه اني احچي ويا وهسه گومي خابري خالتي خل تجي
_يا امي شكو
يمامة:-انتي ثولة لو شنو لج بابا منو يستقبلهم انتي لو اني غير المفروض تجي امج توكف بدال امي
من گالت بدال امي حجتها بغصة وكسرة الله يرحمها كانت كلش تحب يمامة ودوم تتمنى تشوفها عروس رحت يمها حضنتها
_ولا يهمچ هسه اتصل بيها واخليها تجي
يمامة:-لعد هاچ موبايلي شي اكيد انتي رصيدج مخلص
_ههههه هم صحح
رحت للمطبخ حتى اخابر ماما وانطيتها خبر اكو ناس يريدون يجون على يمامة حجيت وياها وهي من عرفت تخبلت بس اني حاولت اهديها شوي وگلت الها تعاي ونتفاهم رجعت للغرفة لگيتها مطشرة الملابس وصافنة
_هاي شمسوية ولج
يمامة:-ايشوو حايرة شلبس
شلت الملابس اگلب بيهن شفت فستان احمر ربع ردان بسيط وكلش حلو
_هذا كلش حلو وبسيط ولونة راح يطلع على بشرتچ يجنن
يمامة:-صدك حلو شتريتة ومالبستة ولا مرة خل اروح البسة واجي
أنت تقرأ
الغرباء
Детектив / Триллерاحبس دموعي تواضعآ تكبرآ لا أعلم كل ما أعلمه بداخلي تسري جهنم أوهل سمعت يومآ بمجنونـٍ مخضرم هذا انا تخضرمت اعضائي بكثر ما تتألم هذا انا صوتآ عاليآ تكتم قطع الحناجرُ باحثآ عن فم فوجد نفسه فوق لسانٍ أصمٍ ابكم هذا انا عشقتكَ من العدم أحببتكَ... مثل َ ال...
