الغرباء

الحلقة السابعة والعشرين

#الغرباء
#الحلقة_السابعة_والعشرين
#للكاتبة_هدوء_أل_محمد
__________________________
وتضن انك تخطيت ولكن تهزمك جملة

خايف لا اعوفك وانت العفتني

.. 🖊
______________________________

طلعوا سامر ورا بابا مافهمت كلشي بس ركض شوي ورجع بابا وحدو

_بابا شكو شبي طلع

مروان:- يقول صديقو متصوب بالانفجار

_عزاا ياانفجار

مروان:- شمدريني يابابا دمشي شغلي التفزيون خل نفتهم

فتت اركض وهو ورايا شغلت التلفزيون ودرتو على قناة اخبارية

12/12/2006
قالت الشرطة العراقية إن انتحا** فجر سيارته وسط عدد كبير من العمال، ثم انفجرت سيارة مفخخة أخرى بعد ذلك بدقائق لتحصد المزيد من أرواح العمال وأفراد الشرطة الذين هرعوا إلى مكان الانفجار الأول قتل 57 عراقيا على الأقل وجرح أكثر من 150 آخرين بتفجير مزدوج وسط العاصمة بغداد

مروان:- لا اله الاالله

صديت لان گلبي نمرد وبابا يدگ على سامر ميرد

مروان:- خر**بروح ابوك ياكلب دررد عاد

قام حتى يطلع

_وين بابا

مروان:- لبيت خالج هنا

_نتضرني بس البس عباتي واجي

مروان:- لتطولين وليدي

_ان شاءالله

طبيت اركض لبست جبة وجيت لقيتو واقف ينتضرني طلعنا وقفل لباب ومشينا خطوتين ودخلنا لبيت خالو كانو بالحديقة كلهم

مروان:- سامر اجاكم للبيت لو لا

محمد:- هو مو يمك؟؟

انتصار:- قال راح اشوف طيبة ما اجى؟؟

مروان:- امبلى بس اتصلو علي وطلع يركض اريد الحگ علي ماكو يقول صديقو متصوب

عمر:- هسه اتصل واشوف

اتصل بي عمر وميرد خلنا بنار لليل وهو ماكو نتصل وميرد بابا وخالو والولد صارو اعصاب واني متت خوف شقد اكابر واكذب على نفسي بس مستحيل اكرهو احبو بكل جوارحي خطرت ببالي فكرة

_زين اتصلو باصدقائو

مروان:- ياصديق بنتي

_شمدريني

عمر:- عندي رقم عيسى هسه اشوفو

مروان:- افتح المايك خل نسمع

رن علي شوي ورد

عمر:- الوو

بتعب
عيسى:- الو هلا عموري

عمر:- شبيك شو صوتك مدري شلونه

عيسى:- جاسم متصاوب

عمر:- لا بربك وشلونو هسه