♥ جّعلَتني مًسِلَمًآ ♥

بارت13 (مشاكل واحداث متتالية)

بارت 13

حبيت اعتذر عن تأخير الروايا ❤ بس الفترة ال فاتت دى كان عندى احداث كتير ف حياتى من ضمنها رجلى كانت مكسورة
بإذن الله هتتعوض وهبداء انزل كل يومين بارت ❤

__احداث متتالية مع مريم
__اهل ليسو بأهل
__عائلة ليست بعائلة
__خطيب 💍 ليس بخطيب
__تابعو

حسيت بحاجه بتمشي ع وشي من تحت النقاب ف اكتشفت انها دموعي وإني بدأت ف البكا  حاولت اقنع نفسي انه مش وقته وبعدين انا لسه متاكدتش
بس حتي لو كان أسلم عشان خاطرها  مش هنكر الفرحه ال سكنتني بعد ما عرفت انه أسلم  حتي لو عشان خاطرها كفايه انه بقا مسلم  حتي لو عشان خاطرها  كفايه انه مبقاش مشرك او كافر  حتي لو عشان خاطرها  كفايه انه مش هيدخل جهنم
دخلت المدرج بعد ما مسحت دموعي وحاولت اهدي نفسي  لقيته واقف  قالع جاكيت بدلته ورافع كم القميص (السورية)  ال هو أصلا فاتح اول زرارين (بقمتين) منه ومبين عضلاته  غضيت بصري بعد ما شوفت هيئته  ازاي واقف كده  يعني عايز البنات تعاكسه زي العاده يعني  فرحان هو بمعاكسه البنات ليه 
رفعت راسي وانا ببص لأيده وبفتكر الأهم  لقيت انه فعلا الصليب اتشال  مكس مشاعر مختلف حسيته ف اللحظه دي  فرحت عشان أسلم واتقهرت عشان أسلم عشانها  عشان بيحبها  ضحكتي اختلطت مع دموعي تحت النقاب  وده اكتر وقت كنت ممتنه فيه للنقاب ولأني منتقبه
دخلت قعدت بهدوء ف البنش الاول وانا بحاول اهدي نفسي وانه خلاص  مينفعش لا نحبه ولا نفكر فيه تاني  هو تقريبا ارتبط بواحده  وانا عمري ما حبيت الخيانه ولا اهلها  كفايه عليا لحد كده
قعدت وهو قام عشان يوزع الورق  جه عندى وفضل حاطط ايده عل الورقه لحد ما رفعتله راسي  لقيته مبتسم بهدوء لحد ما ابتسامته راحت لما شاف عيني تقريبا 😢
ساب الورقه بهدوء وانا بدأت الحل  المسائل ال جايبها هي نفس المسائل ال كان بيشرحها امبارح  هي نفس المسائل ال كنت فهماها لدرجه اني حفظتها هي نفس المسائل ال راجعت عليها وانا برا  طب اومال فين المشكله بقا  مش عارفه احل لي😢  مش عارفه افكر لي  😢 ايدي طيب بتترعش لي كده  طب😭 قلبي بيوجعني اوي كده لي 💔😭
انا.. انا عايزه اخرج من هنا... لا انا.. انا عايزه أعيط  ومن غير م اسمح بده لقيتني فعلا بدأت ف البكا بصمت  فضلت شويه لحد م اتمالكت نفسي  بعد اخدت بالي انه واقف قدامي متحركش  ودي غريبه عل طبعه ف المراقبه  قمت عشان أسلم الورقه من غير م اكتب فيها غير اسمي
قومت وانا بديله الورقه وانا مازلت موطيه راسي  فضلت ماده ايدي من غير ما ياخد الورقه لحد ما رفعت راسي   لقيته بيبصلي بتفحص  كأنه.. كأنه عايز يخترق عقلي
اديته الورقه وخرجت وانا مش شايفه قدامي  حرفيا مش شايفه  مش شايفه غير ايد يوسف ماسكه ايد أسماء وبيضحكلها يوم فرحهم  وانا واقفه بعيد ببكي
معرفش وصلت البيت ازاي  نمت  يدوب وصلت ونمت  صحيت قبل العصر بنص ساعه  صليت الضهر وقعدت ابكي  بعد ما اخدت راحتي ف البكا وانا بصلي
لقيت الباب بيخبط فحسبتها ام طه
مسكت النقاب ف ايدي وانا بتكلم من ورا الباب