بِسْمِ اللَّـهِ الرَّحْمَـٰنِ الرَّحِيمِ
"جـوائـح الــدهـر"
((بقلم الكاتبة: دعاء رزاق)
لا تـنـسو التصويت وتـعـلـيق بين الفقرات جميلاتي
صبري عظيم ، قوتي عظيمة ، أنا عظيمة ⊰ .
ــــــــــ⊰ ــــــــــ
::-جوائح
مجرد نقطة اسمها تخربط وضعي وتسارعت دگات گلبي اختي واگفه كدامنا مجرد ثواني
نزلنوا هيَ ورحمه سلموا على الكل والصدمة محتله الوجوه كلها.
زهره:: شوگت اچيتن يچده
رحمه:: ليش منو گال چنت وياها!!
::- طفرت وحده من بنات جدي واردفت.
انعام:: اذا مو سوا ليش رچعتوا سوا!
::- قطع كلامها جدي.
سلمان:: خلونا نتزقنب نتسمم ونشوف شنو هاي المهزلة.
::- مجرد نهى گلامه رجعوا بمگانهم ياگلون
رفعت عيوني على أمي الي عينها على جوائح نظراتها كلها ندم
التفتت على جهة جوائح واگفه بصف رحمه وعينها على وهجَ انرسمت ابتسامة غريبه على ثغره .
ثواني وراحت باتجاه المطبخ ورحمه لحگتها
استبرق داخله بحاله صدمه حالها حال البقية.
عشر دقايق وگامت وهجَ للمطبخ استغلينا الفرصة وگمنا سوا.
دخلنا المطبخ ثبتت نظراتنا على رحمه تضحك بصوت ناصي وجوائح كاعدة على كرسي بيدها كوب چاي
::- أثر دخولنا التفتوا النا مجرد شافتنا رحمه اختفت ضحگتها .
رحمه:: يمه گلبي عبالي واحد من عمامي تفو عليجن.
وهجَ:: اصبري هاي عليمن.
رحمه:: عليجن چا على سرحان.
غفران:: شبيج وين اخلاقج .
استبرق:: الصموا فهموني شنو صار قبل شويه.
جوائح:: شصار مثلاً
استبرق:: انتِ تعرفين إني منو!
::- نزلت كوب چاي من أيدها رفعت حاچبها وهمست :- بنت عمي فارس اكيد.
استبرق:: لاا مو عم....
رحمه:: گافي حبيبات شبيچن كلنا أخوات صح انتِ ما اعرفج
::- تحچي وعينها على وهجَ.
::- اتچاهلت كلامها وشمرت نفسها بحضن جوائح
::- حضنتها حيل وكانما تشگي الها.
ابتعدت عن حضن اختها بحركة غير متوقعة اتقربت استبرق حضنت جوائح جمدت بدون ردة فعل ثواني ورفعت أيدها طبطب على ظهر استبرق الي ماگدرت توصف شعورها بالكلام اگتفت بالحضن
ايڤار:: الله شنو هذا إلقاء مشهد تاريخي
::- شهگنا مصدومين منين طلع هذا التفتنا كلنا ماد راسه من شباك المطبخ وبصفه وسام مخلي ايده على عيونه يسوي نفسه يبچي
أنت تقرأ
جوائح الدهر
Mystery / Thrillerوكلما زارني الحنين كنت ارتشف معه جرعه من الماضي الي ان نثمل سويا لوعا والما ما جعلني أخشى سكون اليل وحشة لمن كان اسير ذكرياتي ذكريات غير قابله للنسيان..
