_بسم اللّٰه الرحمن الرحيم
_قصة::- داماس أغلال الأساور
_كاتبة::- وردة علي
_ لطفاً لا تنسون تعليق بين الفقرات+ اضافة نجمة+ متابعة الحسابات
"" لا تعرف ماذا تخبئ لك الحياة ""
༺༺༺༺༻༻༻༻
سحبة برزخ من حضني بسرعة يركض بي باوعت على ايدي الي بيها دم ما مستوعبة شي
ليش اخذة من حضني شبي عزيز كلبي..
باوعت على منسا الي تبچي بلا صوت ليش جاي تبچي؟
دخل برزخ انحنة كدامي
برزخ::- يلا اساور كومي كومي سريع
اساور::- وين ماخذني وين اخذت عزيز كلبي؟
برزخ::- ما رح يصيرلة شي بس كومي
اساور::- ليش ما جان يتنفس؟
برزخ::- باعي انتِ مؤمنة ما لازم تحجين هيج بس كومي وياي لا تخافين خلي نلحك عليَّ قبل لا نخسرة
سحبني من ردن ثوبي يكومني شال منسا و سحلني ويا دخلت سيارة كعدت ورا و اطلس حاضنتة احجي ويا و منسا كاعدة يم برزخ
اساور::- حبيب روحي شنو تعبان و هيج نايم؟
احجي ويا ما يرد بست كل ناحية بوجهة اوخر شعرة الي على عينة بس ما يرد عليَّ
برزخ::- دخيلك يا ابا الفضل
اساور::- ما بي شي عزيز كلبي هوَّ بس نايم
برزخ::- اساور...
اساور::- اشش لا يكعد حبيب روحي تلكي تعب من العب ويا اصدقائة صحيح هوَّ ما ينام هيج وقت بس ادري لأن تعبان بس ليش ملابسة كلها لون احمر؟
سكت ما رد عليَّ زود سرعة سيارة اسمع يحجي شي بهمس بس ما عرفت شنو هيَّ
ضليت احجي ويا اطلس اريد بس يجاوبني قربت راسي على نحرة شميت بي ريحة عطر طيبة
بس اطلس من طلعنا ما رش عطر منيلة هاذا العطر الطيب
ما حسيت على روحي من غفيت بس فتحت عيني على ايد تلزم وجهي
اطلس واقف كبالي مبتسم باس خدي حسيت دموعي نزلو وحيدهم
اساور::- عرفت عرفت مابيك شي
انتبهت اني منتجية على شجرة اني مو جنت بسيارة!
رجعت انظاري على اطلس بعدة ينظر الي مبتسم ما يحجي شي
أنت تقرأ
داماس أغلال الأساور
General Fictionحـيآة تعصـف بــنآ آلى آمـآكن يمـكن آن تغيير مـجـرة حياتنا الى الأفضل أو الى التهلكة هاذا ما سنعرفه بـ قصة «داماس أغلال الأساور»»
