داماس أغلال الأساور

سلاسل 33

_بسم اللّٰه الرحمن الرحيم

_قصة::- داماس أغلال الأساور

_كاتبة::- وردة علي

_ لطفاً لا تنسون تعليق بين الفقرات+ اضافة نجمة+ متابعة الحسابات

"" احذر الايام القادمة قد تكون متعبة ""

༺༺༺༺༻༻༻༻

دخلت مداهمة للشقة و اني امشي انزع
نزعت الكعب و الجنطة كطفتها وين مادري لحد ما وصلت للغرفة شمرت نفسي على السرير

حبيييب روحييييي افترقنا كلة من ابوي غمضت عيني استذكر شنو وصلني لهل حال

بيوم الي بابا اصر عليَّ اشتغل ويا رافضة رفض قاطع ما اريد اشتغل اعرف هل شي صعب و عقلي ما يتحمل يتعب

بس صدمني سيد الوالد من عرفت هل شركة الي يشتغل بيها هسا الي يديرها ابنة الي هوَ اخوي الي اصلاً ما اعرف بوجودة
بدة يحجيلي كلشي عن اخواني و عرفت اني عدي اخت اصغر مني و اخت اكبر مني
بس كال شي ابد ما انسى انحفر بگلبي و صار مثل الندبة الي ما رح تختفي اثرها ابداً

_ انتِ غلطة

هل الكلمة انحفرت براسي و عقلي اني غلطة شنو يعني اني غلطة!!

_ ما فهمت؟

مسك ايدي و نظر الي بدة يسردلي شنو صار

_ صار عدي عمل هناك بحد بيوت صديق الي عزمني على حفلة خجلني ما كدرت اكول لاء و رحت و هناك شفت أمج عرفتها خدامة المهم جابلي صديقي عصير سألته هاذا العصير بي كحول؟ كالي لاء امنت و شربت ما حسيت باي طعم كحول شربت اول كلاص رجع صبلي كلاص ثاني هم شربت بعدها توقفت
خلصت الحفلة حسيت بدوخة كالي صديقي لان تعبان المهم ركبت سيارة و انطلقت البيتي بس بنص الطريق

سكت ما كمل مسح عرق الي نزل من جبينة رجع مسك ايدي بين ايدة الي ترجف

_ كمل

_ بطريق حسيت دعمت شخص وقفت سيارة و نزلت شفت نفس البنت الي هيَّ امج واكعة على الارض و واضح ايدها متاذية جان جرح بكاحل ايدها
تعذرت منها و وقفتها حسيت بدوخة اقوة لدرجة اختل توازني كالت الي انو تاخذني البيتها لان قريب عارضت بس ما كدرت اسوق
اخذتني البيتها و وصار الي صار بلا ما اذكر اي شي و اني متندم جداً على الشي الي سويتة
من رجعت للبيت ما ضميت على مرتي سولفتلها الي صار تعاركت و زعلت حاولت اقنعها انو ما جنت حاس على نفسي هذاك الحيوان حاطلي مادة كحول خلتني اسكر
صالحتها و ورا اشهر كلت اشوف شنو وضع البنت بس انصدمت من وصلتني صور الها و بطنها جبيرة و عرفت هيَّ حامل اتمنيت انو تكون ازوجت و هل طفل مو مني بس الطفل الي حامل منة طفلي