#براءة 13🦅🔥
#الكاتبة : م، ق: ديانااا
🍒-- لاتنسون التصويت والتعليق --
-- بين الفقرات لطفأ --
معصومه :: رجعت من الدوام امشي بالشارع مخليه ايدي على راسي من الشمس صكعتني صكع بس دخلت بالفرع لكيت.باب الحوش.مفتوح.على مصراعيه. مشيت بهمه بس دخلت للبيت لكيته مكلوب كلاب هوسه وناس كومه دخلت للمطبخ لكيت ماما تجهز بالچاي ومخبوصه عكدت حواجبي بـ استغراب واردفت بهمس
_ماما هاي شصاير ؟؟
همستلي امي
_ اش ماما اش تعالي فوتي
دخلت جوه وجانو الكل ضايج زادت حيرتي هاي شبيهم شصاير ؟
رحت لغرفتي بدلت ملابسي وطلعت كعدت إلى أن راحوا.الناس ودخل بابا وأخويه للصاله كاعدين كلنا وسولف القصه بابا كلها اني كاعده على صفحه استمع لكلامهم اردفت امي بعصبيه
نزيهه :: شلون تريد ننطيها علي وهيه مريضه لا تكدر تتزوج ولا تتحمل هيج مسؤليه ماتذكر تذكر الطبيبه شكالت بوقتها
معصومه :: جاوبها ابويه بكل برود
علي : اي معصومه موجودة
معصومه :: شهكت امي بصدمه
نزيهه :: معصومه صغيره !!!!! انت شجاي تحچي
علي :: واذا شنو يعني انتِ مو عمرج 12 وزوجچ. اهلج اليه تزوج وتكبر مابيها شي لتعقدين الامور نزيهه
نزيهه :: خاف يزوجونها لشايب لو على ضره هاي طفله مادبرها
اردف بنتر وغضب
علي: : لاا شباب مو شايب
معصومه :: من نبرت صوته چان واضح عليه بس يريد يخلص ويلفلف الموضوع خوفأ على اخوي اخواني بقو يحجون واخواتي واني صافنه عليهم
اني من سولفتلي امي قبلت عبالي حلو الزواج وراح البس الفستان الابيض واعيش ملكه ماچنت اعرف مسؤليات وتعب وأذيه هذا كله مافكرت بي فكرت بس بالفستان والصالون عبالي نفس الأفلام والمسلسلات
اتفقوا ورا يومين اخويه يعقد طبعاً هسه تسالون شنو السالفه ؟ السالفه هيه انو اخويه جان يحب بنيه كلش يحبها بقو سنين سوه يحبها وتحبه بس للامانه جانت نيته زواج وياها يحبها من أيام الجامعه مات عليها واهلي چانو يعرفون بـ الموضوع بس مو حيل موافقين لان طبع اهلها من النوع الي يدورون فصول وهاي السوالف طبعهم أوفر المهم چانوا اهلي يمنعونه بس هوه أصر عليها لو هيه لو ماريد فد يوم من الايام چانوا طالعين سوه وشايفهم زوج اختها ومصورهم ف صارت عركه واجوي هدو علينا وكل يوم تكبر السالفه ف كالو انو البنيه ياخذها لان مصورينها واحنه نريد مره بمكانها يعني ميحسبوها فصليه وكذا بس هذه حل عود بـ التراضي همه وافقوا وابويه سولف القصه
_ منو المذنب ؟ ومنو الي طاحت براسه ؟؟
أنت تقرأ
بــراءة 13
Misterio / Suspensoفتاةٌ قَويةً مِمزوجـة بـ البَـراءة واللطف حيث كـانتِ تظُن إن حياتُها سَتتغير للأجَمل لكن تغيّـرُت مِسيرة حياتها للأسـوء هَرولـت لـ ذلك الطريق الملغم و من بَعد دخَـولهِا اليه هل ستَستطـيع الخِروجَ منه ؟؟ تعبتَ ثُمِ هلكـت ثُـمِ ماذا ؟ أسَتحك...
